Veikindi Keizarans

Jæja, Keizarinn er búinn að vera slappur síðustu daga.  Var meira að segja heima í gær vegna slappleika og almenns kvefs.  Ákvað svo að Chuck Norrisa kvefið í dag með því að mæta í vinnuna, svona til að sýna bakteríunum hver ræður.  Er mun hressari í dag.  

Fékk góðar fréttir í gær af litlu systur, sem er reyndar orðin alveg hundgömul….   Hún á nefnilega von á barni.  Já, þetta er náttúrulega alveg bullandi hamingja og góð gen sem þetta barn mun hafa.  Öllum skilst mér að heilsist vel, búið að fara í sónar og svona.  Ákvað svona að deila þessu með ykkur þar sem fjölmiðlabanninu af þessum fréttum hefur verið aflétt. 

Af öðru.  Vegna einhverra pirringskommenta þá bendi ég á það að umfjöllunin um EM mun koma.  Maður galdrar svona ekkert fram bara á einu kvöldi.  Þetta verður nu að vera soldið vandað.  Svo er maður nú í vinnu og svona.  Ekki á bótum, hangandi inná barnalandi og úðandi í mig snakki og dietkóki allan daginn. Hafið smávegis biðlind. 

Euro 2008 byrjar bráðum……….

Sjitturinn.  Var allt í einu að fatta það að EM 2008 er að fara að byrja , nánar tiltekið, 7júní.  Þetta verður reyndar allsekkert spennandi keppni þar sem Þýskaland mun valta yfir þetta.  Hinsvegar er gaman fyrir allar hinar, lélegri þjóðirnar að fá að vera með.  Jú, svo er Svíþjóð þarna líka, þeir verða líklega í öðru sæti. 

Er einhver stemning fyrir því að Keizarinn taki saman smá upphitun fyrir hvert lið fyrir sig og spái í spilin??

Öskjuhlíðin

Uss, Keizarinn flytur til útlanda og allt fer í niðurníðslu heima samanber þessa frétt.

Á menntaskólaárunum keyrðum ég og besserwisserinn stundum í Öskjuhlíðina til að reyna að bregða hommum sem væru eitthvað að dónast þarna.  Grunuðum einu sinni einn kyrrstæðan bíl um hommaskap en kannski var þetta bara þunglyndur gaur að hugsa um lífið og tilveruna.  Held að Keizarinn hafi 2x labbað þarna í gegn að nóttu til, örlítið búinn að fá sér í stórutánna, á leiðinni heim eftir partý.  Sá heldur enga homma þá. 

  Þar sem þetta er nú tæknilega séð valshverfið, finnst mér nú að valsararnir ættu nú að reyna að sjá sóma sinn í því að halda þessu hreinu. 

Það er reyndar ákveðið að Keizarinn og fylgineyti hans munu heiðra Ísland með nærveru sinni þann 17-21júlí.  Förum í svona helgarferð til Íslands eins og fínu útlendingarnir.  Ég vildi nú reyndar, svona eins og sannur útlendingur, kaupa svona “dirty weekend in Iceland” eins og hinir útlendingakallarnir en konan leyfði mér það ekki. 

Erfiðri viku lokið

Úff, Keizarinn er lúinn og fúll eftir erfiða viku.  Búinn að vera á dagvakt alla vikuna.  Fúlari og fúlari með hverjum deginum í vinnunni.  Haldið margar einræður fyrir starfsfólk um skoðanir mínar á hinum ýmsustu hlutum  bæði umbeðið og óumbeðið.  Náði svo meiraaðsegja þeim árangri í gær að láta fullorðinn mann fara að gráta.   Sláiði það út…………

Meistaradeildin var í vikunni.  Verð að viðurkenna að ég var nú hálfpartinn búinn að vona að Chelsea myndi vinna, bara vegna þess að Man Utd myndi ekki verða tvöfaldur meistari.  Það er einhvernveginn ekki nógu sósialískt.  Reyna að dreifa þessu betur.  Ballack gerði sitt besta en John Terry var greinilega orðinn ölvaður í lok leiksins og rann (eins og drukkið fólk gerir stundum) þegar hann var að taka eitthvað víti. 

Sjálfur horfði ég ekki á leikinn enda mikilvægur maður sem horfir bara á leiki með frægum liðum eins og t.d. Bayern Munchen.  Sendi hinsvegar United-mönnum sem lesa síðuna hamingjuóskir.   Það góða við að Man Utd vann var allavega það að “drengurinn með ofvirku tárakirtlana” hann Ronaldo, fór ekki að gráta við þetta tilefni.  Drengurinn er nefnilega með svo ofvirka tárakirtla að í hvert skipti sem hann tapar (t.d. þegar Portúgal tapaði fyrir Frakklandi á síðasta HM) grét hann svo ofsalega að jafnaðist á við Friðrik Ómar þegar hann tapaði Eurovision í fyrra. 

Svo er það Eurovision.  Verð reyndar að viðurkenna að ég horfði á undankeppnina í gær.  Konan kaus Ísland í símakosningunni en hún leyfði mér ekki að kjósa (enda yfirlýstur stuðningsmaður Úkraínu).   Annars held ég að þetta verði ekkert spennandi keppni.  Idol dóttur minnar, fröken Perelli mun annaðhvort vinna þessa keppni eða Úkraínska überbeibið. 

Jú svona í lokin.  Það var haldið boð í götunni, barnaafmæli.  Öllum í götunni var boðið nema Keizaranum (eða svona næstum því).  Og svo halda þau að ég komi í grillveisluna á morgunn……,    já við skulum sko bara sjá til með það.  Ég vil allavega fá afsökunarbeiðni áður. 

Jæja, hættum þessu Eurovisionkrappi……….

Já, ég get að mörgu leyti tekið undir hörð orð í kommentakerfinu yfir þessu Eurovisionbrölti.  Ég einhvernveginn gleymdi mér aðeins og fór allt í einu að haga mér eins og mjóróma stelpa sem hangir inni á facebook allan daginn, og horfir á Eurovision.  Sakna hörkunnar. 

Og þegar maður þarf að hlaða sig hörku, hvað er þá betra en að snúa sér til meistara Materazzi.  Hann er sannarlega slátrarinn frá Bilbao endurfæddur.  Hvet ykkur til að horfa á þetta myndband til enda, þá koma sum brotin í hægri endursýningu þar sem maður sér betur hve óhugnanlega kalkúleraður brotakall hann Materazzi.  Spurjið bara systur hans Zidane !!!!

Marco Materazzi er slátrarinn frá Bilbao endurfættur…………

Eurovision – partur 4

Jæja, áfram höldum við með yfirferð á lögum sem vöktu athygli Keizarans úr Eurovision á liðnum árum.  Þetta er framlag Breta árið 2006 og þar fer breski ganstarapparinn Daz Sampson á kostum……

Þetta lag afhjúpar einhvernveginn á 2mínútum 2hluti sem ég var nokkurnveginn sannfærður um áður, en nú skyndilega sannaðist þetta allt fyrir mér. 

Í fyrsta lagi.  Hvítir karlmenn geta bara ekki rappað.  Og síst af öllu breskir, hvítir, miðaldra karlmenn.  Það verður bara asnalegt.  Soldið álíka eins og miðaldra karlar sem eru í Liverpool-treyju fullir á Ölveri að horfa á enska boltann.

Í öðru lagi.  Þeir sem kjósa breska lagið úr undankeppninni eru kallar 50-70ára sem fóru í kynjaskipta skóla þegar þeir voru börn og eru ennþá að dreyma blauta drauma um dónalegar stelpur í skólabúningunum. 

Allavega.  Njótið vel. 

Stríði Keizarans lokið með sigri

Ég mátti til að setja inn þessa mynd af dóttur minni á koppnum. Þetta var sko mikið stríð sem var háð fyrir nokkrum vikum þegar foreldrarnir ákváðu að nú myndi einkaerfingi Keizaraveldisins hætta að nota bleyjur.  Þessi ákvörðun olli vægast sagt mikilli gremju hjá henni og hún var nú ekki á því að kúka í kopp.   Eftir 5daga fékk Keizarinn nóg og tilkynnti dótturinni að hann myndi kaupa rennibraut í garðinn ef hún myndi fara á koppinn því foreldrarnir voru eiginlega búnir að sjá fyrir sér ferð á barnaspítalann hér vegna kviðverkja ef þetta héldi áfram svona.

Allavega.  Eftir brjálæðisköst, grátur og annað stormaði dóttirin inn í ÞVOTTAHÚS, af öllum herbergjum í húsinu, og krafðist þess að koppurinn yrði settur þar inn.  Síðan kom hún út og tilkynnti nærstöddum að aðgerðinn væri lokið. 

Núna er hún svo stolt af þessu að hún helst kúkar hvar sem er, hvenær sem er og hjá hverjum sem er.  Eins og myndin sýnir þá er hún farin að lesa á klóinu eins og sumt fólk gerir.  Sjálfur gengur Keizarinn hreint til verks og les aldrei á klóinu.  Þá getur maður fengið gyllinæð.  Ég ætla að ræða það við dóttur mína eftir svona 30ár…………………..

Takið eftir hvaða bók dóttir mín valdi að lesa.  Sannanlega dóttir föður síns. 

Eurovision – partur 2

Ég er maður sem hata Noreg af ástríðu. Finn þeim allt til foráttu og þeir tala þar að auki asnalegt mál. Þeir hata Ísland og þarmeð hatar Keizarinn þá.  Hugsið bara um John Arne Riise ef ykkur finnst þeir ekki asnalegir.  Ég var búinn að lofa ykkur smávegis Eurovisionupphitun og þá eru það asnaleg lög, svöl lög og góð lög.  Þar á meðal þetta.

Þetta lag vann Eurovision fyrir nokkrum árum.  Alveg ótrúlega sérstakt lag og í raun alveg með ólíkindum að Norsurunum skuli hafa dottið þetta í hug.  Að mínu mati er þetta lag langbesta tónsmíðin sem hefur nokkurntíman komið fram í Eurovision.   Held að Sissel Kirkebo syngi þetta. 

Þegar þessi Eurovisionkeppni var haldin þá var Keizarinn staddur í fremur skuggalegu partíi þar sem m.a. besserwisserinn var staddur.  Partíið var haldið í kjallaraíbúð í vesturbænum og það voru allt gaurar úr rokkhljómsveitum sem voru í partíinu, við þekktumst allir svona nokkurnveginn.  Partíhaldarinn var kallaður Snorri trommari.  Allir með bjór eða eitthvað sterkara.  Ekkert rauðvín eða annað gutl.  Nánast allir, þ.á.m Keizarinn voru með hár sem náði allavega niður að öxlum.   

Einhverjum datt í hug að horfa nú á Eurovision á meðan við sátum að drykkju.  Öllum fannst það alveg rosalega fyndið.  Ég gleymi aldrei þegar þetta lag kom.  Allt þagnaði.  Allir hættu að tala og horfðu og hlustuðu bara.  Ekkert diss. 

 Þannig er nákvæmlega þetta lag.  Það er ekki sambærilegt við neitt annað þar sem það er svo sérstakt.  Þetta er óumdeilanlega sérstakasta lagið sem hefur nokkurn tímann unnið Eurovision.  Svo er þetta eitthvað svo arískt……….

Oliver Kahn farinn úr partíinu

Í dag leikur Bayern Munchen gegn smáliðinu Hertha Berlin.  Að sjálfsögðu er Bayern löngu búið að tryggja sér titilinn í Þýskalandi þar sem önnur lið í Þýskalandi áttu ekki möguleika gegn bæverska stálinu.  Leikurinn verður sögulegur ( og jafnvel tilfinningalegur) fyrir Keizarann og marga aðra þar sem þetta verður síðasti leikur Olivers Kahn.  Hann er að hætta.

Hann byrjaði sinn feril í Karlsruhe 1987.  Þegar hann var orðinn nógu góður þá kom hann til Bayern Munchen árið 1994 og hefur spilað þar alla sína tíð eftir þann tíma.  Með Bayern hefur hann orðið Þýskur Meistari 8sinnum, bikarmeistari 6sinnum, Meistaradeildina 1x, UEFA cup 1x og Heimsmeistarakeppni félagsliða 1x.  Einnig var hann kosinn kynþokkafyllsti knattspyrnumaður Evrópu 3x og er handhafi Tony Schumachersverðlaunanna sem “sá markvörður sem fyllir flesta hræðslu” . 

Það hafa skipst á skin og skúrir á ferlinum eins og gerist og gengur og eins og alltaf með yfirburðamenn þá man fólk mest eftir mistökunum.  Kahn lék t.d. frábærlega á HM 2002 og kom nánast einsamall frekar slöku þýsku landsliði alla leið í úrslitin á mótinu en fékk hinsvegar á sig klaufalegt mark í úrslitaleiknum sem auðvitað öll smámennin muna frekar eftir. 

Allavega.  Ég og Dr Leifsson fórum einu sinni á Allianz, heimavöll Bayern, sem er flottasti fótboltavöllur heimsins.  Þar sá maður hve mikillar virðingar Kahn naut þegar hann kom út á völlinn til að hita upp og nánast allur völlurinn reis úr sætum sínum til að votta virðingu sína. 

Svo maður vitni óbeint í hinn kolruglaða keisara, Neró, sem reyndar er dauður núna.  “Heimurinn missir mikinn listamann, (þegar Kahn hættir).  

Mig langar að slútta þessu með smávegis myndaseríu af ferlinum.

 

Eftir klippinguna hjá samkynhneigða hárgreiðslumanninum, hárgreiðslan kallaðist “austurþýski morðinginn”

Oliver beitir “Schumacher-tækni” við úthlaup

Oliver á góðri stundu.  Gaman að hafa verið gaurinn sem sat við hliðina á honum í rútunni á leiðinni heim….

Leikmaður örvinglast yfir snilldinni og reynir að kyssa Kahn fyrir að vera svona góður maður…………

Já, en Jens, þótt þú sért ekki eins góður og ég, þá ertu samt næstbesti markmaðurinn í heimi…………

Góðar stundir. 

Eurovision – partur 3

Jæja, Keizarinn heldur áfram að rifja upp hin og þessi lög fyrir Eurovision.

Þetta var árið 2003 og Rússar nýbyrjaðir að taka þátt.  Gamli rússneski björninn nennti þessu ekki og á einhvern Stalínskan hátt ákváðu þeir að jarða Evrópu með einum þungum járnhnefa.

Stelpurnar í tatu voru sendar á vettfang.  Óvenjulegt að svona fræg hljómsveit skyldi fara í Eurovision og maður tók eftir því að hommamafían far hálf fúl með þetta, þær voru skitnar út í flestum fjölmiðlum og svona gefið í skyn að þær ættu nú ekkert að vera að skipta sér af þessari keppni.  Svona eins og einhverjum sem kemur í partý sem honum var boðið í fyrir mistök.

Flestir voru skíthræddir við  að þær myndu gera eitthvað dónalegt á sviðinu, hinir (flestir karlmenn og Keizarinn þar á meðal)  vonuðu að þær myndu einmitt  gera eitthvað dónalegt á sviðinu.

Allavega.  þetta er týpískt tatu-lag.  Takturinn finnst mér flottur og takið eftir hinum fáránlega góða trommuleikara sem þær höfðu með sér.