Modern Talking

OK, það er enginn sem sýnir þessu áhugamáli áhuga.  Enginn sem kommenterar eða neitt.  Allavega.  Það hefur margoft komið fram að þetta geta bæði verið vídeó sem eru góð, eða lög sem eru góð. 

Þetta er lag sem er Keizaranum mjög hugleikið.  Þetta eru þvílíkt harðir gaurar frá Deutschland, Modern Talking.  Njótið vel.

Klinsmann og Podolski

Keizarinn lýsir yfir fullum stuðningi við Jürgen Klinsmann vegna þessarar ákvörðunar.  Podolski hefur reyndar verið orðaður við m.a. Tottenham en ég er ekki fyllilega sannfærður um að hann yrði stjarna þar eins og Klinsmann var forðum daga.   Lukas Podolski til Tottenham er auðvitað einn af þessum blautu draumum sem verða ekki af veruleika. 

Klinsmann kom mér persónulega á óvart þegar hann tók við Þýska landsliðinu fyrir HM 2006 og hve góðum árangri hann náði.  Reyndar hafa verið skrifaðar margar lærðar greinar um að í raun hafi það verið Joachim Löw sem sá um taktíkina, þessarri nýju hugsun sóknarfótboltans sem kom heiminum á óvart, allavega að Þjóðverjar gætu spilað svona. 

 meðan Klinsmann var svona maðurinn útávið sem fyllti svo leikmennina eldmóði.  Ég held allavega að Löw sé miklu meiri fótboltalegur hugsuður heldur en Klinsmann. 

Klinsmann náði sér í ameríska kellingu og fluttist eftir ferilinn til US and A.  Þar skilst mér að hann hafi kynnt sér þjálfunaraðferðir í m.a. NHL, þar sem eru best þjálfuðustu íþróttamenn veraldar.  Hann tók víst mikið af þessum þjálfunarhugmyndum með sér til þýska landsliðsins með góðum árangri.  Þar á ég við nýjar pælingar í sambandi við íþróttasálfræði og hreina þjálfunarfræði. 

Ég hef allavega ákveðið að gefa Klinsmann séns í smástund, enda þarf hann að vinna undir hinu alsjáandi auga Saurons (Rummenigge) allan tímann.  Vonandi tekur hann sénsinn og gerir það gott…..

Farvel Gaui

Já, Gaui, Gaui, Gaui…..  Hvað á maður eiginlega að segja.  Hvað gerðist eiginlega ?  

Ok.  Tvíburarnir björguðu Skaganum seinnihluta sumarsins 2006 þegar allt var komið í óefni.  Enginn vissi svosem að þeir gætu eitthvað þjálfað en þeir fundu blöndu sem virkaði og skagaliðið bjargaði sér úr vondri stöðu og sluppu við fall. 

Svo komu Gísli Gíslason og aðrir sykurpabbar á Skaganum, mynduðu einhvern “heldrimanna” skuggahóp og ætluðu að endurreisa stórveldið ÍA.  Tvíbunum sparkað af því að þeir þóttu ekki svona “alvöru þjálfarar”, týndi sonurinn Guðjón Þórðar fenginn til baka og synir hans allir sneru til baka, tveir af þeim eftir misheppnaðan feril í atvinnumennsku.    Þórður Guðjónsson gerður að framkvæmdarstjóra knattspyrnudeildarinnar og allir ánægðir, meiraaðsegja hinn raunverulegi leiðtogi Íslands, hún Inga Jóna. 

Það gekk vel fyrsta tímabilið.  Guðjón notaði trikk sem hefur verið notað áður í íslensku deildinni og svínvirkar, gerði t.d. Víkinga óvænt að Íslandsmeisturum fyrir nokkrum árum.  Sterk, vel skipulögð vörn, menn lágu aftarlega, allir líkamlega sterkir og síðan skyndisóknir þegar færi gáfust.  Guðjón var í stuði og notaði frasa fyrir allan peninginn. 

Síðan kemur sumarið 2008.  Sama uppskrift en virkar ekki.  Ástæður ?     Jú, ekki ætla ég að þykjast vita skýringuna á þessu en mann grunar ýmislegt.  Aðrir þjálfarar í deildinni eru ekki algerir vitleysingar.  Menn hafa einfaldlega lært á þessa vörn Guðjóns, Guðjón er búinn að tapa hræðslufaktornum sem hann hafði fyrsta seasonið, menn eru ekkert í verra formi en þessir Skagamenn, og koma af fullum krafti á þá. 

Mér finnst Guðjón ekkert hafa farið með neinum sérstökum sóma frá þessu.   Guðjón hefur aldrei höndlað mótlæti neitt sérstaklega vel og miðað við hve mikið hann virðist leggja uppúr að vera karlmannlegur karakter þá hefur þetta væl um dómgæsluna verið hálf absúrd.  Svo ætti Guðjón að vera nógu reyndur í bransanum að menn eiga að þekkja sinn vitjunartíma.  Heimildir síðunnar segja að hann hafi gert alveg einstaklega góðan samning þegar hann kom aftur, enda í aðstöðu til þess þarsem Gísli et al vildu mikið fá hann.  Þannig var ekkert auðvelt að reka hann. 

Samt bíður hann og bíður, og í raun lætur reka sig, vitandi það að þá tekur hann með sér peningana og kemur knattspyrnudeildinni nánast á vonarvöl á þessum krepputímum.  Svo byrjar gamli söngurinn aftur “um ákveðin öfl á Skaganum sem hati hann osfrv” .   

Nei, það er nú einu sinni þannig í boltanum að stundum gengur þetta og stundum ekki, stundum hafa afburða þjálfarar verið komnir inn botnlangagötuna með sín lið og þá er ekkert annað að gera en að segja upp eða vera rekinn. 

Það verður gaman að sjá hvað tvíburarnir gera með skagann.  Mínar heimildir segja að þeir hafi verið tilbúnir að taka við HK en þá hafi FH-ingar blokkerað það.  Þeim hafi hinsvegar ekki verið stætt á að blokkera endurkomuna til “Mother Russia”.   

ps  -  hvaða stjórnarmaður á Skaganum ætli hafi þurft að tilkynna Gauja að hann væri drekinn, ætli þeir hafi kastað upp á það?   Örugglega ekki skemmtilegasta kvöldstund í lífinu, maður hefði nú sennilega mætt vopnaður á fundinn…….

pps  – Það verður interessant að sjá hve mikið tvíburarnir spili með skaganum.  Árið 2006 spiluðu þeir ótrúlega mikið og voru skyndilega miklu minna meiddir en áður………….

Hversu svalt er þetta ??

                 

Vá, það er sko hægt að segja ýmislegt ljótt um Radovan Karadzic og þið þurfið nú ekki að leita langt til þess, farið bara inn á bloggsíðu hjá einhverjum vinstrisinnuðum mannvini og þar hljóta að vera einhverjar dramatískar lýsingar á “þessum hræðilegum serbum”.  

En hversu svalur er þessi gaur ?     Fer í felur, lætur sér vaxa skegg og hár, setur á sig ljótustu gleraugu mannkynssögunnar og voila, þykist vera nýaldarlæknir.   Hann er náttúrulega afar klár gaur, menntaður geðlæknir og hefur farið létt með að púlla þetta.   Það sem mér finnst hinsvegar svalast af öllu er að í staðinn fyrir að vera í felum og fara leynt, þá sækir hann í kontakt við fólk !!!!

Hitti sjúklinga, skrifaði greinar í blöð og meiraaðsegja tók þátt í málþingi um heilbrigðismál.   Og til að toppa þetta, þá stundaði hann bari í Belgrad.  Uppáhaldskráin hans, þar sem hann var fastagestur, var meiraaðsegja með stóra mynd af honum og Ratko Mladic uppi á vegg. 

Hversu svöl tilfinning hefur það verið að sitja þarna, horfa á myndina, dreypa ljúflega á rauðvíninu og hugsa

“Þvílíkir suckerar”………………………

hérna er kráin í Belgrad..

Íslandsferðin

Eins og margir vita var ég í útlöndum um daginn.  E-man var að gifta sig og Keizaranum að sjálfsögðu boðið.  Ákváðum við konan því að skella okkur í svona “helgarferð” þar sem við vorum frá fimmtudegi til mánudags. 

Hressandi að koma aðeins á Skerið og hitta fjölskylduna.  Var reyndar böggaður í fluginu til Íslands þegar einhver farþegi var veikur.  Keizarinn tilkynnti honum þungbúinn að hann myndi ekki líða svona framkomu og hefði engan áhuga að millilenda einhversstaðar.  Manninum batnaði fljótt og allir urðu glaðir.  Keizarinn líka þar sem honum var boðið að setjast á Saga Class í staðinn.   Alltaf langað að “prófa” þetta ríkidæmi.  Hinsvegar virðist Saga Class vera orðið púkó núna þar sem allt almennilega flotta fólkið er auðvitað löngu hætt að fljúga með almenningsvélum og fer á einkavélum.   Jæja, kannski seinna. 

Heima var í sjálfu sér ágætt.  Fórum til fjölskyldu Keizarans og borðuðum þar lambalæri sem Mr Hö hafði galdrað fram af sinni alkunnu snilld.  Katrín fékk að misþyrma kisa sem ég geri ráð fyrir að hafi sofið mestan hluta laugardagsins til að jafna sig. 

Við borðuðum að sjálfsögðu góðan mat hjá tengdó, og Keizarinn fékk meiraaðsegja að smakka á eðaldrykknum Laphroaig, sem brást ekki vonum mínum. 

Hápunkturinn var svo auðvitað brúðkaupið á laugardeginum.  Allt gekk vel, bæði sögðu já í kirkjunni og fór þetta afskaplega vel fram þrátt fyrir rumpulýðinn frá Saving Iceland á Austurvelli.   Svo var það veislan…..

Góður matur, gott vín, frábær veislustjóri osfrv.  Var að sjálfsögðu eftir því tekið hversu glæsilegur Keizarinn var í veislunni en því er maður svo sem orðinn vanur. 

Nú síðan flugum við konan heim á mánudaginn.    Þótt ferðin hefði ekki verið löng þá gekk þetta alveg furðuvel og maður náði að hitta ótrúlega marga félaga og ættingja.   Keizarinn þakkar fyrir sig.

Brúni folinn-ástir og ævintýri Ronaldos

 

Já rosalega er ég orðinn þreyttur á þessu Ronaldomáli.  Cristiano Ronaldo er orðinn álíka oft í fréttum og Lindsay Lohan og Britney Spears samanlagt. Og það verður að segjast eins og er,  að það er eiginlega miklu skemmtilegra að skoða fréttirnar um þær þar sem yfirleitt eru myndir af þeim með.  

Ég hef ákveðið að kryfja þetta mál í botninn.  Hér duga engin vettlingatök, eins og Nietsche myndi hafa sagt.    Lítum aðeins yfir málið.

  Cristiano Ronaldo hefur, verð ég að játa, komið Keizaranum á óvart.  Framfarir hans hafa verið mjög hraðar og ég get tekið undir það að hann er einn af bestu leikmönnum heims. Hann er að vissulega að leika í erfiðri deild þar sem varnarmenn gefa honum engin grið þannig að hann er vissulega að leika undir mikilli pressu allan tímann.  Hann virðist einnig hafa náð að þróa sinn leik úr því  það að vera kantmaður sem sífellt dettur og er fljótur yfir í það að vera leikstjórnandi sóknarleiks.  Hann er fljótur, útsjónarsamur og jú, dettur sífellt.

  Hugtak sem hefur komið fram á síðustu árum og nefnist “fótboltagreind” virðist hinsvegar eiga mjög vel við hann.  Þetta hugtak nær yfir menn sem hafa yfir þeirri færni að ráða að vera með ólíkindum greindir á fótboltavelli en þeim mun heimskari utan vallar.  Þetta hugtak hefur t.d. verið notað um menn eins og Jamie Garracher og Gary Neville.  Ronaldo er á góðri leið inn í þann gáfnalausaklúbb manna sem tala í frösum.

Hvað er málið?     Jú, hann er með samning við Man Utd.  Gildir í nokkur ár í viðbót.  Engin sérstök uppsagnarákvæði eru í samningnum utan þessi venjulegu fyrir atvinnumenn í knattspyrnu þykist ég vita.  En….   enn á ný fer heilastarfssemi Ronaldos að flækjast fyrir honum, ólíkt inni á fótboltavellinum.    Ef mig minnir rétt þá var hann með álíka stæla fyrir síðasta HM, “kannski sný ég aftur til Englands”, “það væri gaman að spila á Spáni” osfrv.  

18.desember 2007 segir Ronaldo að “það væri gaman að spila einhvern tímann á Spáni, það er draumur minn” .  4.jan 2008 segja enskir fjölmiðlar að Real Madrid hafi lagt fram tilboð í Ronaldo sem hafi verið hafnað.    Sama mánuð var haft eftir mömmu Ronaldos að það sé draumur hennar að fá að sjá son hennar leika fyrir Real Madrid, þá myndi hún deyja hamingjusöm.  Ég reyndar leyfi mér að efast um að miðaldra kellingar í Portúgal hafi yfirhöfuð mikið vit á fótbolta.    Á þessum tímapunkti er alveg greinilegt að Real Madrid eru bunir að kontakta Ronaldo “sub rosa” og hann er að reyna að snúa vindunum sér í hag til að losna frá Man Utd, örugglega fjarstýrt af PR mönnum Real.    

Svo í maí birtist þetta undarlega viðtal við drenginn þar sem hann lýsti því yfir hve erfitt það væri að búa í Manchester, það rigndi svo mikið osfrv.  Það er meira að segja svo erfitt að búa í Manchester að þegar upp komst um svallpartý hans og nokkra félaga, endurtekið, heima hjá Ronaldo, þar sem ekki var pöntuð ein, heldur fjórar, fimm vændiskonur, þá þurfti að panta þær frá fylgdarþjónustu í Leeds.  Eins og allir vita eru konur frá Leeds með þeim fallegri í veröldinni…….

Svo kom úrslitaleikurinn í CL.   Þá var Ronaldo athyglissjúki mættur á ný.  Hann segir í viðtali að hann viti að Real fíli hans leikstíl, það gildi einnig um aðra klúbba á Spáni.  Klikkir út með því að segja að “við sjáum svo hvað gerist eftir úrslitaleikinn”….  Í viðtali strax eftir úrslitaleikinn sannar Ronaldo regluna um fótboltagreindina, kemur í viðtal og segir að “hann muni alltaf leika með Man Utd, þetta sé hamingjusamasti dagur lífs hans osfrv………..

Svo fer EM að nálgast.  Þá fara hlutirnir að gerast……….

Þá gerðist ýmislegt.  Ronaldo sagði í viðtali að “hann vildi verða leikmaður Real Madrid”.  Skv spænskum fjölmiðlum á þessum tima var búið að semja við hann um kaup og kjör en það strandaði á Man Utd.  Svo fór hann víst að hóta verkfalli en Man sagði á móti að þeir myndu þá bara frysta hann………  Þetta endaði svo með því að hannsagðist ekki  myndu ekki ræða þetta frekar fyrr en eftir EM.   Á svipuðum tíma kærði Man Utd Real Madrid fyrir áreitni en FIFA vísaði málinu frá. 

Eftir EM kom Ronaldo með yfirlýsingu ársins.  Ég þarf að fara í viðræður við Man UTD og sjá hvað þeir hafa að bjóða en ég veit ekki hvað ég mun spila á næsta ári.  Vá, hefði ég orðið fúll ef ég væri Alex Ferguson.  Þetta er samningsbundinn leikmaður sem vill nú fara aftur í samningaviðræður um hvort hann eigi að halda áfram að spila fyrir vinnuveitanda sem hann hefur skrifað undir samning við áður að hann muni spila nokkur ár í viðbót á þessum stað.   Maður nánast sér fyrir sér Ferguson, heima í betri stofunni, hlammar sér niður í hægindastólinn rekandi upp alveg risastórt “ÚFF”  og teygja sig svo í viskíflöskuna hristandi hausinn yfir þessu unga fólki.  

Á þessum tíma fór allt í gang.  Man Utd sakaði Scolari um að hafa reynt að hafa áhrif á leikmanninn um að fara frá Man Utd, systir Ronaldos segir í viðtali að Real Madrid reyni mikið að hafa áhrif á bróður sinn um að fara að leika með þeim,  Ramon Calderon forseti Real segir að Ronaldo vilji koma til þeirra en það sé erfitt vegna samningsins við Man Utd.

Eitthvað undarlegasta útspilið kom svo frá forseta FIFA, Sepp Blatter, þar sem hann hreinlega hvetur Man Utd til að fría Ronaldo frá samningnum af því að hann vilji spila með Real.  Sama dag er hann svo gerður að heiðurfélaga Real.  Alex Ferguson fær sér einn gráan og segir svo í fjölmiðlum að menn barasta skrifi undir samning eftir samningaviðræður og þær viðræður séu frjálsar og menn séu nú ekkert með byssu að gagnauganu undir formerkjunum “I´ll make you an offer you can´t refuse”.

Svo kemur það fyndnasta. 

Kærasta Ronaldos blandast inní málið og þá er ég ekki að eiga við kærustur hans í fylgdarþjónustunni í Leeds.    Sögur segja að hún vilji að hann spili áfram í Man Utd af því að hún var víst einu sinni með Sergio Ramos og vilji þess vegna ekki flytja þangað vegna þess að þá verði Ramos fúll.  Á svipuðum tíma kemur hinn virti Fabio Cannavaro fram og segir Ronaldo að hann eigi nú bara að virða sinn samning. Nota bene, leikmaður og fyriliði Real Madrid vill ekki fá hann til sín…..

Inn í þetta spilar að Carlos Queiroz þjálfari er að hætta hjá Man Utd.  Hann er náttúrulega Portúgali eins og Ronaldo og hefur lengi verið talað um að hann sé svona föðurímynd Ronaldos.  Allavega voru fræg ummælin hjá Ruud van Nistelroy um árið, þegar þeim lenti heiftarlega saman á æfingu, honum og Ronaldo að hann “gæti nú bara farið grenjandi og klagað í pabba” , og átti þá við Queiroz.

Kærastan fékk svo að sigla sinn sjó nýverið, mamma Ronaldos sem fílar Real Madrid, fílaði semsagt ekki hana.  Reyndar kom þetta ekki Keizaranum á óvart þar sem þekkt er að laumusamkynhneigðir menn eiga oft “kærustur” af og til til að halda andlitinu.  Þær nenna hinsvegar ekki svona feluleik til lengdar svo oft verða þetta stutt sambönd…….

Svo fer Ronaldo í aðgerð eftir EM.  Eftir aðgerðina verður hann frá fram í október, ekki í 6vikur eins og áður var talið. Einhver færasti ortoped heims, Dr van Dijk gerði aðgerðina.  Þess má geta svona í forbifarten að Keizarinn hefur einmitt notið þess heiðurs að hafa hitt kallinn.  Hann hefur líka opererað van Basten.   Þetta átti að vera rútinuaðgerð en eftir aðgerðina kom í ljós að hann verður lengur frá en áætlað var.

Já þetta er sko orðin ein allsherjar sápuópera og farið að snúast um allt annað en fótbolta.

Nú vantar bara dramatík eins og að kærasta Ronaldos hafi smitað hann af HIV, einhver þarf helst að deyja svo það sé barátta um arfinn, og eru Ramos og Ronaldo í raun tvíburar sem voru aðskildir við fæðingu?  Og svo sprengjan : Er  Franco herforingi (yfirlýstur Real Madrid maður)hinn raunverulegi faðir Ronaldos??  ….

Og þá hvað gerist í framhaldinu……….

Hvernig verður reksturinn hjá fylgdarþjónustunni í Leeds ef Ronaldo flyst frá Englandi?

Hvar spilar Ronaldo á næsta tímabili ?

Er Sepp Blatter alger steik?

Fær Ferguson stroke yfir þessu og hvernig er staðan á vískískápnum hans þessa dagana?

Allavega.  Smá yfirlit.  Vona að lesendur séu eitthvað fróðari.  Yfir og út.

Big Country

Ég hef ákveðið að endurvekja þennan dálk hjá Keizaranum.  Þið vitið að bæði getur þetta snúist um að vídeóið sé flott, eða að þetta snúist um tónlistina.  Hvað er betra á þessum tímum sífelldrar áreitni en að geta bæði notið tónlistarinnar og horft á vídeóið um leið. 

Allavega.  Þetta er skosk hljómsveit sem ég hef lengi haft dálæti á.  Veit reyndar ekki hvort þeir eru ennþá að spila.  Þeir áttu sitt blómaskeið á eightiestímanum þegar menn blésu á sér hárið og klæddu sig í hvít föt án þess að skammast sín. 

Það sem Keizarinn fílar við þá er háværa gítarspilið.  Þeir voru víst með 3gítara í gangi í einu á móti einum bassa, þetta var víst einhver háværasta hljómsveitin á sínum tíma.  Þetta lag finnst mér alltaf klassískt.  Einhvernveginn leitar hugurinn alltaf til Oliver Cromwell og félaga þegar ég sé þetta myndband.

Vimmerby

Keizarinn er í fríi þessa dagana svo lítið hefur verið fengist við ritstörf.  Nú er konan farin að vinna svo ég er þessa dagana aðallega að “passa barnið” eins og sannir, harðir kallar segja.  Reyndar í hjáverkum er ég á fullu að lesa fyrir próf sem einhver smámenni ætla að leggja fyrir Keizarann í september.  Svo ákvað ég reyndar í gær að fara að vera soldið menntó og gera hlut sem ég hef lengi ætlað að gera.  Já, skrattinn hittir ömmu sína, Keizarinn ætlar að fara að lesa smávegis heimspeki.  Og hvaða heimspeking ætlar Keizarinn að lesa?    Nafnið verður ekki gefið upp strax en þessi setning er höfð eftir honum  “Ég er ekki maður, ég er dínamít!!”.   Svo er hann auðvitað þýskur, maður les nú enga vælandi Grikki eða kaffihúsafrakka sem gátu varla skrifað sökum rauðvínsölvunar.   Allavega.  Alltaf gaman að gera eitthvað nýtt. 

Annars fórum við fjölskyldan í ferðalag um daginn.  Tókum okkur til og keyrðum í Smálöndin, nánar tiltekið bæinn Vimmerby, sem er helst þekktur fyrir þrjá hluti, Frödinge ostakökur (sem ég og Dr Leifsson höfum smakkað og fannst lítið til koma), Åbrobjór og risastóran Astrid Lindgren skemmtigarð.  Þar sem konan og barnið voru með í för ákvað ég að skoða síðastnefnda staðinn….

Aksturinn þangað gekk eins og í sögu þrátt fyrir að dóttur minni leiðist ákaflega í bíl og tilkynnir okkur gjarnan í bílferðum að “hún geti nú ekki verið lengur í bílnum”.  Sænskir vegir eru alger draumur og næstum því eins góðir og þýsku Autobahnarnir.   Við tjölduðum í 2nætur í Vimmerby og skoðuðum garðinn sem var mjög flottur.  Af einhverjum ástæðum hefur dóttir mín stæka andúð á Kalla á þakinu og fékkst því ekki inn í garðinn seinni daginn fyrr en henni hafði verið tilkynnt að hann væri í fríi þann daginn.  Hún fékk reyndar að hitta Línu langsokk sem var nú hápunktur ferðarinnar fyrir hana. 

 Svona frá sjónarhóli pabbans verð ég nú að segja að þessi Lína var nú eiginlega sætasta Lína langsokkur sem ég hef séð og gaman að sjá að forsvarsmenn þessa skemmtigarðs reyni nú að hafa alla ánægða.  Fyrir kvenfólkið var Alfreð vinnumaður alltíeinu orðinn svona týpískur sænskur foli, brúnn og með ljósar strípur í hárinu og átti sennilega meira sameiginlegt með Gillzenegger en ómenntuðum vinnumanni á sveitabæ.

Eftir tvær nætur í tjaldi þar sem enginn snákur hafði reynt að komast inn í tjaldið, nokkuð sem Keizarinn var nú alveg viss um að myndi henda, var ákveðið að lengja ferðina um 2 nætur.  Fyrir valinu varð 5stjörnu tjaldstæði á austurströndinni, Västervik.  Og boj, tjaldstæði er eiginlega hálf niðurlægjandi orð fyrir þennan stað.  Þetta var nánast eins og þorp.  Sem dæmi þá vakti nánast undrun starfsfólksins þegar Keizarinn bað um tjaldstæði án rafmagns.  ÁN RAFMAGNS. 

Þetta var svona sykurpabbaþorp þar sem menn voru með tröllvaxin tjaldhýsi og húsvagna.  Margir með flatskjá.  Einn morguninn sá ég einn gaur meiraaðsegja vera að slá flötina fyrir utan hjá sér.  Auðvitað með rafmagnssláttuvél.  Aðal sykurpabbinn var svona leðurgaur, gaur sem er orðinn svo brúnn að húðin er nánast orðin eins og jakki.  Hann hjólaði tignarlega af og til um svæðið og heilsaði fólki hægri vinstri.  Heilsaði reyndar aldrei mér enda var ég bara í stæði án rafmagns.  Minnti svolítið á don Ciccio úr Godfathermyndunum þegar hann gekk um hverfið.  Sykurpabbi dauðans. 

Það versta við þetta tjaldstæði var að dóttir mín vildi alveg endilega fara í  hræðilega stóra vatnsrennibraut á svæðinu.  Keizaranum hefur alltaf verið illa við vatnsrennibrautir.  Aldrei skilið hvað er svona skemmtilegt við þetta.  Svo er ég sannfærður um að ef þú ferð of hratt þá geturðu skotist uppúr brautinni.  Alveg pottþétt.  Þegar það gerist þá er það bara þaggað hið snarasta niður af vatnsrennibrautamafíunni.

Það varð úr að konan eyddi nánast heilum degi í að fara með dóttur mína í alveg snarbratta rennibraut sem dóttirin vildi fara aftur og aftur í.    Úff.   Niðurlæging ferðarinnar var reyndar þegar ég ákvað að taka eina ferð með henni og fór svo hægt að ég festist í brautinni.  Reyndi svo að ýta mér af stað með handafli sem tókst ekkert sérstaklega vel.  Við getum allavega orðað það þannig að það voru 5-6ára strákar sem áttu ekki orð yfir hægaganginum í Keizaranum og hálf hlógu að mér þegar niður var komið.  Dóttir mín tilkynnti mér svo að “mamma væri miklu betri í þessu en pabbi”.   Jæja, ég gat þá allavega unnið í taninu á meðan í rólegheitunum. 

Læt svo í lokin fylgja nokkrar myndir úr ferðinni.

White-trash stemning í stoppi á leiðinni………

Lína sæta.  Allar ljótu, freknóttu rauðhærðu stelpurnar fengu ekki djobbið í þetta skipti……….

Hinn lífshættulega vatnsrennibraut.  Takið eftir að hún er svo hættuleg að CJ er á vaktinni

Takið eftir ljóta eightiestjaldinu þarna í bakgrunninum.  Þetta voru svona þýskir hippar sem voru tvímælalaust með ljótasta tjaldið á svæðinu.  Solið kúl á ákveðinn hátt.  Reyndar austur-þjóðverjar….

Lífið á tjaldstæðinu.  Dóttir mín að gefa öndum mat, Keizarinn að reyna að veiða sér mat.  Tókst ekki..

Svona laumumynd af konunni þar sem ég var í raun að reyna að mynda þetta, hvað kallar maður þetta, allavega ekki tjald eða tjaldhýsi.  Ef rýnt er í myndina sést glitta í flatskjá vinstra megin.   Af hverju fær svona fólk ekki sér sumarbústað eða eitthvað???

Lifði af tjaldútileguna

Jæja, Keizarinn var að renna í hús eftir að hafa verið að tjaldast undanfarna 4daga.  Já, það var tekinn útilegupakkinn á þetta, farið í Smálöndin og tjaldað.  Ferðasaga kemur síðar, nenni því ekki núna.

Svo er besserwisserinn að koma á morgunn.  Þarf að kaupa eitthvað á grillið og eitthvað af bjór áður en hann kemur þar sem hann er stór og mikill lurkur, “stór bensíntankur þarf mikið bensín”……….