Var Björgvin að fokka??

Keizaranum finnst náttúrulega hundleiðinlegt að hugsa um kreppuna.  Geri ráð fyrir að það gildi um flesta aðra.  Þetta er bara svo yfirnáttúrulega deprimerandi.  Þar að auki þekkir maður ekki þessi hagfræðihugtök og hefur yfirhöfuð ekki hugmynd um hvernig þessi hagfræði funkerar.  Það er í raun ekki hægt annað en að vona það besta og taka æðruleysiskjaftæðið á þetta. 

Sá reyndar í fréttunum að Færeyingar ætla að lána okkur pening.  Hvernig er það eiginlega, er hægt að sökkva dýpra ?   Eiga Færeyingar einhvern pening ?   Geta þeir lofað okkur svona peningum án þess að spyrja pabba sinn, Danmörk ?  Já, þessi kreppa er sko aldeilis alveg hundleiðinleg.

En svo koma athyglisverðir vinklar.  Þessi deila við Bretana er alveg stórmerkileg.  Nú hafa nokkrum spurningum verið svarað og enn fleiri vaknað eftir að samtalið milli Darlings og Matthíessen lak svo snilldarlega út.  Keizarinn hefur analyzerað þetta símtal.  Það er sko alveg greinilegt að Darling lumar á einhverjum upplýsingum og er að veiða dýralækninn.  Dýralæknirinn verst fimlega.  Maður sér í byrjun símtalsins að Darling er að reyna að komast að því hvort það hafi verið dýralæknirinn sem hann hitti á fundi í Englandi fyrir nokkrum vikum.  ÞAR virðist hann hafa fengið einhverjar upplýsingar eða loforð sem ekki var hægt að standa við.  Þá berast böndin að Björgvini Sigurðssyni. 

Björgvin er alveg ótrúlega þreytandi ráðherra.  Hann er svona gaur sem varð gamall þegar hann var orðinn 25ára og getur malað endalaust.  Hef stundum velt því fyrir mér hvað gerist þegar Björgvin og Dagur Eggertsson myndu hittast.  Það tæki þá örugglega nokkur ár að ræða einhver mál ofan í kjölin.  Björgvin hefur farið á kostum undanfarið.  Hann hefur ekki geta séð míkrófón síðustu daga án þess að hann skrúfi niður rúðuna og setji dæluna í gang. 

Gallinn er nefnilega að þeir sem tala mikið og hafa gaman að hlusta á sjálfa sig geta stundum sagt of mikið.  Svo er alveg rosalega gaman að segja fólki það sem það vill heyra, ss eins og starfsfólki Landsbankans að ENGINN muni missa vinnunna. 

Svo kemur þessi dindill alveg af fjöllum þegar hann kemst að því hvað bankastjórarnir í Ríkisbönkunum hafa í laun.  Kommon, hann er yfirmaður þeirra.  Málið er nefnilega að Samfylkin virðist ekki hafa uppgötvað ennþá að þeir ERU í ríkisstjórn.  Ekki í stjórnarandstöðu.  Ef menn vilja í ríkisstjórn þá verða menn að taka ábyrgðina sem því fylgir………………..

Tottenham – Ramos út, einhver ókúl Englendingur inn

Já, Tottenham.  Hvað getur maður eiginlega sagt núna.  Hef ákveðið að setja upp nýjan flokk fyrir færslurnar sem muna héreftir heita “kvartað yfir Tottenham”.   Eins og einhver sagði : “Lífið er of stutt fyrir að halda með Tottenham”. 

Einhvern veginn er samt Tottenham eins og fulli frændinn í fjölskylduboðinu, svo ég vitni í orð þekkts Köttara þegar hann lýsti Þrótti í fótbolta.  Málið er að engum er illa við hann og allir hafa svolítið gaman af honum en einhvernveginn tekst honum alltaf að klúðra fyrir sjálfum sér með einhverri vitleysu.  Þá er svo bara byrjað upp á nýtt og reynt aftur. 

Það er langt síðan maður var jafn bjartsýnn fyrir tímabilið og núna.  Loksins komnir með almennilegan þjálfara, komnir með ágætis hóp en hvað gerðist eiginlega ?     Jú, fyrst sviku búlgarska vændiskonan og írski garðdvergurinn okkur, allt fer í panik, og menn sitja eftir næstum því framherjalausir.  Fengum einhvern framherja frá Man Utd í staðinn “til að fá reynslu”.  Hann var ekki einu sinni klárari en það að hann lét hafa eftir sér að þetta yrði góður reynslutími fyrir hann áður en hann færi svo að spila með Man Utd aftur!!!     Persónulega veit ég alveg hvað Keizarinn hefði sko gert við svona dindla og ég hefði sko farið létt með að hanna gott “æfingaprógramm” fyrir hann………..

Allavega.  Það er ljóst að eitthvað var ekki að virka.  Hvað það var veit auðvitað enginn.  Fótbolti er stundum skrítin íþrótt.  Ramos kom allavega liðinu í form en lítið meira.  Hann er án efa frábær þjálfari og svo var hann bara svo kúl.  Einhvern veginn var hann ekki að virka í Englandi.  Hvort það voru tungumálaerfiðleikar eða hvað, veit ekki.  Keizarinn sér mikið eftir honum.   

Hinsvegar fær stjórnin prik fyrir að gera loksins eitthvað að viti.  Þegar menn tóku ákvörðunina að reka Ramos þá útfærðu þeir það allavega teknískt vel.  Sömdu strax við Redknapp og komu þannig í veg fyrir einhverjar pælingar og óskalista hver yrði næsti þjálfari.  Og svo er auðvitað það skrítna.  Stundum virðist nóg að rugga bátnum og hrista upp í liðinu. 

Leikurinn gegn Bolton var besti leikur tímabilsins hjá Tottenham.  Luka Modric var valinn maður leiksins hjá soccernet, Rússinn skoraði , Bentley náði loksins að gefa eina sendingu fyrir markið osfrv. 

Redknapp hefur alltaf farið í taugarnar á mér.  Hann er svona hommalegur tjalli sem er sko ekkert kúl.  En það er allavega kúl að vera farinn að vinna leiki.  Keizarinn lýsir hérmeð yfir stuðningi við kallinn. 

 

ps  -  Vek athygli ykkar á því að þetta er hundraðasti pistill Keizarans.  Stoltur af því.

Tottenhamleikurinn…..

Varð að deila þessu með ykkur.  Því að það er komin helgi.  Jú, hvað þýðir það.  Það þýðir góður matur í kvöld, laugardagsnammi .. OG  Tottenham kemur sennilega til með að tapa enn einum leiknum. 

Þetta sýnir viðbrögða nokkurra mann við síðasta Tottenhamleik.

Grafískir hönnuðir sem klukka

Helvítið hann Hö.  Ekki nóg með að hann hafi barnað litlu systur mína heldur klukkaði hann mig.  Mér skilst að það að “klukka” sé eitthvað svona “rosalega sniðugt” sem bloggarar gera sín á milli til að hafa eitthvað um að tala. 

Allavega.  Ég sat heima í gærkvöldi.  Þreyttur eftir daginn.  Reyndar alveg óvenju þreyttur og pirraður.  Svo þreyttur að ég fór út í búð og keypti mér nammi.  Keizarinn fyrirlítur nefnilega svona mannlegar kenndir eins og að vera svangur eða að þurfa sofa mikið.  Ég var sko flottur í nammirekkanum og keypti  alveg risastóran blandípoka sem ég svo hellti í skál.  Svo sat ég og horfði á sjónvarpið og úðaði í mig namminu, svona eins og feitu stelpurnar gera á kvöldin eftir taugaveiklaðan dag í vinnunni.  Svo fer ég á netið og viti menn, sé að ég hafi verið klukkaður.   Jæja, lítið við þessu að gera.  Hérna koma svörin…….

Fjögur störf sem ég hef unnið um ævina ?
Blaðburðardrengur. Já, ég bar út sorpritið DV í nokkra mánuði og náði svo loksins mogganum. Ágætt í sjálfu sér en mér fannst rukkið leiðinlegt. Þetta var nefnilega fyrir daga Vísa. Óþolandi pakkið sem var ekki heima og maður varð að sitja um. Þá var ég líka ungur og kunni ekki að handrukka. Ég gæti það núna.

næturvörður. Þetta er eitthvað besta starf sem ég hef verið í. Var í þessu með náminu og átti þannig alltaf pening. Mætti ekkert í skólann heldur en las þeim mun meira. Fór í reglubundnar skoðunarferðir og var alltaf að vonast til að landa í einhverju actioni en það varð aldrei neitt. Því miður, því að eins og ég æfði á þeim tíma hefði gaurinn verið algerlega stappaður í mauk. Jafnvel bara látinn hverfa í svartann ruslapoka á snyrtilegan hátt. Á milli þess að ég fór í þessar mikilvægu skoðunarferðir horfði ég á tónlistarmyndbönd á MTV. Varð sjálflærður sérfræðingur í þeim á þessum tíma.

sendill. Já, ég vann í Iðnaðarbankanum í gamla daga. Fór með mikilvæg bréf til m.a. Stjórnarráðsins, Seðlabankans ofl. Mikilvægur maður.

hjúkka- Já, ég var einu sinni hjúkka. Get ekki neitað því. Skeindi hinsvegar aldrei. Og ég var sko ekki heldur hjúkka sem þú gast grátið á öxlinni á. Ó nei.

    

Fjórar íslenskar bíómyndir sem ég held uppá
Veggfóður – Já ég verð að viðurkenna það að ég fíla þessa mynd. Ætlaði að segja Sódóma en hana fíla jú allir. Þá var ég líka með sítt hár og fannst Balti vera flottur. 

Hrafninn flýgur – Einfaldlega snilld. Kaldur íslenskur raunveruleiki, svona endurspeglun á þjóðarsál Íslendinga eins og hún á að vera. Harðir, kaldir naglar. Svo kom auðvitað bandaríska herstöðin og allir byrjuðu að éta Coco Puffs og fóru að verða linir kanawannabes. Þessi mynd er cult í Svíþjóð, allir elska hana. Helgi Skúlason heitinn á náttúrulega stórleik í þessarri mynd. Hann er frændi minn. Sú yfirlýsing hefur oft komið sér vel á mannamótum í Svíþjóð.

Blossi- Þetta er alveg dásamlega hræðileg mynd sem Júlíus Kemp gerði einhverntímann. Átti að vera svona “Íslensk Road Movie”. Hún er svo illa leikinn að hún verður einhvernvegin vel leikin. Inga Dungal á einhvern versta leik Íslandssögunnar og línumaðurinn og fyrrverandi kókaínfíkillinn Finnur Jóhannsson leikur handrukkara. Einhvernveginn fékk maður á tilfinninguna að hann væri nú bara að leika sjálfan sig.  Skora á besserwisserinn að kíkja á þessa mynd, ef hann fílaði Foxtrott, þá kemur hann til með að elska þessa

Leyndarmál Skýrslumálastofnunar – Fyrsta íslenska klámmyndin. Keizarinn myndi reyndar frekar flokka hana sem svona soft-core, þetta sem var sýnt á Sýn í gamla daga.

Fjórir staðir sem ég hef búið á
Vesturbærinn
Kringlan
Hafnarfjörður
Västerås

Fjórir staðir sem ég hef heimsótt í fríum
London – sökkar feitt, allavega núna
Munchen  – fór þangað með Dr Leifssyni og fór á Bayernleik.  Uppgötvaði líka Paulanerbjór.  Góð ferð.
Poznan í Póllandi -  mjög grá borg og skrýtin lykt þar. 
Kýpur

Fjórir sjónvarpsþættir sem mér líkar
Keizarinn er maður með einfaldan smekk. Horfi reyndar á nokkra þætti sem ég ætla ekki að viðurkenna hér, en þetta hérna eru þættir sem ég hef horft á í gegnum árin.
X-Files
Baywatch
Charmed
Law and Order. Þá er ég ekki að meina þessa sissí konuþætti, þ.e. special victim unit, heldur alvöru stöffið. Ótrúlega oft endursýndir á nóttunni, þá eru þeir einhvernveginn bestir

Fjórar síður sem ég skoða daglega
mbl.is – hvað er raunverulega í fréttum
visir.is – sorasögur og kjaftasögur sem koma ekki í mbl.is
aftonbladet.se
fotbolti.net

Fernt matarkyns sem ég held uppá
gráðostur – Stundum þegar ég er svangur þá sker ég mér sneið af gráðosti og borða. Svona eins og kökusneið.
hamborgarar – alltaf viðeigandi. Alltaf.
Lasagna með gráðosti – enn betra daginn eftir, upphitað
Hangikjöt – trikkið er að borða það hratt svo maður sé búinn að skófla í sig nógu miklu áður en manni verður illt í maganum…..

Fjórar bækur/blöð sem ég held uppá/les oft
Keizarinn er maður sem les því miður ekki oft bækur sem fjalla um annað en fagið. Þannig er það ef maður vill ekki eyða tímanum í vitleysu. Hinsvegar get ég nefnt 4bækur sem ég hef lesið nýlega
Konspiracy – sænsk bók um samsæriskenningar almennt.
Islamistar/Naívistar.
How to make love like a pornstar – Jenna J
Biblían

Fjórir staðir sem ég vildi vera á núna
í japönsku dojo á kyrrlátum stað á Okinawaeyjaklasanum að upplifa zenmóment

Spilandi með Böl Mannkyns, öskrandi yfir 100þús trítilóðan skrýl í Berlín á útitónleikum

Í Downingsstreet, kominn með Darling undir handarkrikann og berjandi hann endurtekið með snusdós í hausinn og læt hann öskra ” I´m terrible sorry, herr Kaizer”

Nakinn í góðu gufubaði að “basta” hinn keizaralega kropp. Verður að vera vel heitt svo maður svitni vel.   

Fjórir bloggarar sem ég á að klukka
Tek ekki þátt í svoleiðis vitleysu.

Góðar stundir.

Kebabstaðurinn

EKki það að ég ætli að fara að breyta þessu í eitthvað hommalegt matarblogg en sáuð þið þetta um daginn. Alltaf hefur mig grunað það versta þá sjaldan sem ég hef borðað Kebab.  Þetta krydd og liturinn á kjötinu, oft spurt mig, nákvæmlega HVAÐA kjöt er þetta ?  

Þegar ég hef borðað kebab þá finnst mér alltaf eins og ég þurfi að fara í sturtu. Svona álíka eins og þegar maður hefur borðað pítu.  Hlutfallslega of mikið af kjöti og sósu í of litlu brauði.  Svo þegar þú pressar þetta aðeins saman þá lekur náttúrulega útfyrir.

 Nokkuð ljóst að ég mun ekki borða kebab í Englandi í bráð, reyndar ætla ég ekki til Englands í bráð.  Ekki þá nema til að taka þátt í innrásinni…………….

Afsakið á meðan ég æli………

Jæja nú hefur leiðtogi lífs okkar, sameiningartákn Íslands, kyndilberi hins vestræna lýðræðis og almáttugur guðfaðir allra vinstri menntasnobbara Íslands kveðið upp sinn dóm.  Las um það í sorasneplinum vísi um daginn. 

Keizarinn verður nú seint talinn meðal æstustu aðdáenda hans.  Ekki kaus ég hann í alvöru kosningunum og síðan þá hef ég einfaldlega ekki mætt á kjörstað.  Einfaldlega til að sýna að mér kemur þetta ekki við.  Hann er ekki minn forseti.  Í raun og veru getur maður dáðst að einu í fari hans.  Hann er hinn fullkomni pólitíkus að því leyti að hann aðlagar sig breyttum aðstæðum.  Lýðskrumari af verstu sort. 

Eftir að hann varð náði kjöri hefur einskonar þagnarhjúpur verið byggður um hann.  Allt í einu mátti EKKERT tala um hans pólitísku fortíð.  Það var svona álíka eins og spyrja biskupinn um gamlar kærustur.  Ofurviðkvæmt.  Svona álíka viðkvæmt eins og að enginn mátti spyrja eða velta fyrir sér hver barnsfaðir eins fyrirrennara hans  var.  Það var hvíslað um þetta en enginn mátti segja neitt. 

Hann hefur nú afneitað útrásinni eins og sönn pólítísk pissudúkka.  “Menn fóru ógætilega”,  “hlustuðu ekki á varnaðarorð”  osfrv.   Þetta kemur nú úr hörðustu átt þar sem hann hefur nú verið einna helsti sölumaður dauðans undanfarin ár.  Vissulega er það ein af skyldum hans að halda hróðri okkar á lofti í hvívetna en var það virkilega skylda hans að vera eins og leigður veislustjóri út um allt,hvað eftir annað í einhverjum opnunum á fyrirtækjum út um allt ?    Sífellt á flakki með þessum gaurum, sitjandi veislur og gefa blessun sína og íslensku þjóðarinnar til hægri og vinstri. 

Svo er nú það besta.  Hann vissi þetta allan tímann.  Það segir hann nú.  Gamli marxistinn gægist meira að segja fram þegar hann segir að “svona sé nú frjálshyggjan”.  Tekst meiraaðsegja að draga Milton Friedman uppúr gröfinni og vísar á hann sem sökudólg.     Er hægt að vera meiri lýðskrumari ?  Til að bíta höfuðið af skömminni fer hann svo í fyrirtæki nú og “telur kjark í þjóðina”.     

Nei, þessi maður ber auðvitað ákveðna ábyrgð.  Gleymum því ekki að flestir útlendingar hafa ekki einu sinni hugmynd hvar Ísland er á landakortinu, hvað þá að þeir viti að hans embætti hefur ekkert vald.  Auðvitað gaf það ákveðið kikk að mæta með fyrirtækjagengið og svo er hann sjálfur með í för.  Ekkert smá lið.  Þeir hljóta að eiga peninga. 

Eina góða við þetta er að nú munu væntanlega Flugleiðir (eða hvaða nafn þeir bera nú í dag)  græða þar sem hann getur ekki lengur sníkt far með einkaþotunum heldur verður að fara með pupulnum í flugvélarnar þegar hann fer til útlanda sem er nú ekki svo sjaldan.  Hver veit nema ég rekist á hann á fyrsta farrými næst þegar Keizarinn ákveður að fljúga eitthvað með Flugleiðum?

Big Tasty horfinn

Keizaranum finnast góðir hamborgarar.  Það er alltaf aukapláss í maganum fyrir einn og einn burger.  Fyrir mörgum árum í miðju piparsveinslífinu kom ég stundum við á leiðinni heim úr vinnunni og fékk mér Aktu-Taktu gráðostaborgara á Sæbrautinni.  Það eru óumdeilanlega bestu hamborgarar sem ég hef fengið. Hamborgarinn og frönskurnar settar í pappírspoka, logandi heitt.  Svo soðnaði þetta saman á nokkrum mínútum svo maður fékk sveittu tilfinninguna.  Kólesterólið rauk upp, bara við það að sjá myndina af hamborgaranum á skiltinu.  Svo var það eina vikuna sem ég fattaði skyndilega að ég hafði borðað gráðostaborgarann 4kvöld af 5 í vikunni.  Þá fór ég að reyna trappa þetta niður.   

Hérna þar sem ég bý núna er reyndar fátt um góða, djúsí hamborgarastaði.  Ég bý reyndar svo vel að vera með McDonaldsstað á horninu þar sem ég bý.  Förum reyndar ekki oft þangað.  Hinsvegar á ég nágranna sem heitir Staffan.  Hann á eflaust góða konu og ég hugsa að Staffan sé nú bara nokkuð ánægður með hana.  Staffan er svo ánægður með hana að hann lítur framhjá litlum hlutum sem hann er minna ánægður með vegna þess að ástin er blind.   Ég hef nefnilega stundum rekist á Staffan úti á McDonalds þegar ég fer í búðina við hliðina á kvöldin.  Þar situr hann, laumulegur og reynir að úða í sig burger á sem skemmstum tíma.  Örugglega farið eftir kvöldmatinn heima hjá sér, þurft að “versla” eða jafnvel að “taka bensín”.   Þannig kallast það að “taka Staffan á þetta” þegar maður skýst út til að fá sér burger.

Allavega.  Ástæða þessarar hugleiðingar minnar er sú að í kvöld ákváðum ég og konan einmitt að taka einn “Staffan”.  Fiskurinn í kvöld var alveg óætur og því skaust ég út á Búlluna og ákváð að “Staffana” kvöldið. 

Það er einn hamborgari á McDonalds sem mér finnst góður og það er Big Tasty.  Þeir fara reyndar full kæruleysislega með grænmetið og stundum eru það heilu kálgarðarnir sem eru skóflaðir upp á burgerinn.  Hinsvegar er sósan góð og ákveðið grillbragð af sjálfum hamborgaranum sem maður finnur ekki á Big Mac.  Svo dundi áfallið yfir.  Þeir eru hættir að framleiða Big Tasty.  Þetta krefst eiginlega skýringa.  Þetta var svona óraunveruleg tilfinning.  Maður stóð fyrir framan afgreiðsluborðið og allt gerðist í slow-motion i smá stund.  

Ætli þetta sé kreppan ?    Var kvartað yfir grænmetinu  ?   Stenst hann ekki einhverjar fjandans manneldiskröfur?      Allavega.  Í sjokkinu pantaði ég svona Arizona Grande.  Ekki góður.  Panta hann ekki aftur.  Og svo er hann með svona korn í brauðinu.  Ef maður vill heilsufæði, fer maður þá á McDonalds ????

Hugleiðingar um annars ágætis dag

Jæja, Keizarinn átti alveg ágætan dag þar sem 2hlutir stóðu uppúr.  Það gengur ekki að hugsa of mikið um kreppuna.  Það er svona eins og Japanirnir segja, þú átt að hafa áhyggjur af hlutum sem ÞÚ getur haft áhrif á sjálfur, hinir hlutirnir sem þú getur ekki haft áhrif á, hversvegna  að eyða orku sinni í að hugsa um þá.  Það verður að taka þessu af karlmennsku.  Á þessum síðustu og verstu tímum er góður siður að leita ráða í hinni helgu bók.  Bendi áhugasömum að lesa Jobs-bók,  1:21.  

Allavega.  Það stóðu tveir hlutir upp úr í dag.  Annarsvegar hringdi símasölumaður í mig.  Það hefði hann ekki átt að gera.  Keizarinn telur sig algeran meistara í að afgreiða símasölumenn, sem eru alger plága hér í landi.  Hinsvegar var þetta símtal merkilegt að því leyti að mér tókst greinilega að gera símsölumanninn svo reiðann að HANN skellti á mig, venjulega er það nú á hinn veginn.    

Hann byrjaði með að spyrja hvort ég væri til í að taka þátt í könnun.  Mmm, kannski.  ”Flott, þá sendi ég þér spurningalista á e-mailið þitt”, sagði hann og eygði sigurinn.  Ok, sagði ég, svo sé ég til hvort ég nenni að svara eða ekki.  “Hvað meinarðu” spurði þá hann.  Jú, sjáðu til, ég vil fá borgað fyrir að svara þessu, sagði ég, sallarólegur.  “Borgað?”  Já, sjáðu til, minn tími er dýrmætur og afhverju ætti ég að setjast niður við tölvuna og svara einhverjum spurningalista fyrir eitthvað fyrirtæki án þess að fá eitthvað fyrir minn snúð. 

Á þessum tímapunkti heyrði ég svo bara klikk í símanum, gaurinn semsagt skellti á mig.  Ég varð nú bara nokkuð ánægður með mig.  Það er eitt að vera grjótharður nagli í síma sem skellir á fólk, en mér finnst nú að það krefjist meiri tækni í að actually fá sölumanninn sjálfan að skella á ÞIG.   Ég mun bæþevei senda menn í þetta mál því að þú skellir náttúrulega ekkert á Keizarann í símanum……………..

Hinn hluturinn var að Keizarinn eldaði mat fyrir litlu fjölskylduna í dag.  Það gerist ekki oft.  Án þess að þetta fari nú að verða eitthvað hommalegt matarblogg þá vildi ég nú bara segja frá því að kallinn eldaði Spagetti Carbonara (spagetti kolanámumannsins) í kvöldmat.  Steikti meira að segja beikonið sjálfur og allt.  Og svo með ferskt sallat á kantinum. 
Hringdi náttúrulega í E-man strax á eftir til að ræða þetta og fá smávegis feedback, en E-man er gourmetmaður dauðans og ég hef meiraaðsegja komið að honum þar sem hann er að lesa matreiðslubækur!!    Svo er bara spurning hvað maður mallar næst……………

Hugleiðingar um landsleikinn í gær

Smávegis hugleiðingar varðandi landsleikinn í gær.  Hollendingar eru auðvitað mjög sterkir og þar að auki er völlurinn í Rotterdam mikil gryfja.  Pínu fyndið með væntingar Íslendinga til landsleiksins að það sem Íslendingar virtust stoltastir með fyrir leikinn var að menn mundu eftir Pétri Péturssyni í Rotterdam.  Er þetta ekki enn eitt dæmið þegar við föttum ekki að menn eru bara að reyna að vera kurteisir við gesti…….

Allavega.  Ég kom inn í leikinn þegar 30mín voru liðnar.  Staðan 1-0.  Þá fékk maður á tilfinninguna að Ísland væri statt í miðjum fellibyl og menn voru bara að reyna að halda sjó.  Hollendingarnir réðu miðjunni og sóttu grimmt upp báða kantana og Íslendingar voru svona í desperat “damage control”.  Van den Waart og Babel áttu nú frekar auðvelt með sína menn.  Ragnar Sigurðsson, sem er nú venjulega hafsent með IFK, var í hæ bakverðinum og réð nákvæmlega EKKERT við Babel.  

Mér fannst þetta lagast heilmikið í seinni hálfleiknum.  Kristján Örn var settur á móti Babel og gekk það miklu betur.  Kristján átti annars fínan leik.  áberandi besti leikmaður Íslands á vellinum fannst mér.  Seinni hálfleikur var mun betri hvað Ísland varðar.  Þetta hefur verið svona sambland af að Hollendingar dempuðust aðeins niður og Íslendingarnir voru aðeins grimmari. 

Hvað liðið varðar fannst mér Gunnleifur komast ágætlega frá leiknum.  Vörnin var hinsvegar misjöfn.  Kristján Örn átti fínan leik, Hermann fékk loksins að leika heilan fótboltaleik og fá þannig smávegis leikæfingu, Ragnar átti ekki sinn besta dag en Indriði komst skammlaust frá þessu. 

Miðjan, Stefán Gísla og Brynjar Örn skiluðu því sem vænst var af þeim.  Emil Hallfreðsson finnst mér hinsvegar að þurfi að fara að sína meira.  Hann spilar nú á Ítalíu og á að reyna meira sjálfur.  Svo er það þessi hægri kantur, Birkir.  Það er aldrei góðs viti að maður viti ekki að maður hafi spilað leik, fyrr en maður sér það í liðsuppstillingunni.  ‘I guðanna bænum, það hlýtur að vera til betri leikmaður í þessa stöðu.  Þeir hefðu alveg eins getað verið með sjúkraþjálfarann þarna á hægri kantinum. 

Eiður og Veigar voru svona lala.  Veigar kom mér á óvart og greinilega fullur af sjálfstrausti þessa dagana.  

Svona í lokin.  Eiður Smári.  Var soldið að fylgjast með honum í dag.  Hann skokkar allan tímann svona letilega á milli öftustu 4, svona eins og hann gangi á milli þeirra og segi “veistu ekki hver ég er !!! “  , fórnar höndum þegar hann fær ekki sendingar og það er alltaf eins og hann sé að hvíla sig fyrir næsta fasta leikatriði íslands sem hann tekur áuðvitað sjálfur, enda vítaskytta, aukaspyrnuskytta og svona yfirhöfuð bara almenn skytta. 

Annað í gær var að Þýskaland vann auðvitað þrælauðveldan sigur á Rússum.  Staðan 2-0 eftir 20minútur og leikurinn auðvitað búinn.  Enn á dónalegan hátt vildu Rússarnir halda áfram leiknum þrátt fyrir að allir viti bornir menn vissu að þetta væri búið.  Auðvitað hefði bara átt að hætta leiknum á þessum tímapunkti.  En, þeir léku áfram og náðu svo inn svona “mercy marki” , bara af því að Þjóðverjarnir vildu ekki vera vondir við Rússana.

Haider – RIP

Á þessum tímum kreppunnar kom allt í einu í morgunn inn stórfrétt.  EN lítið bar á henni vegna annarra stórfrétta.  Jörg Haider lenti í bílslysi í gær og er dauður, steindauður………. 

Dr Haider var 58ára gamall lögfræðingur.  Hann varð leiðtogi Þjóðarflokksins í Austurríki og árið 1999 unnu þeir stórsigur í kosningum þar.  Mynduðu svo stjórn með Frelsisflokknum.  Þetta kallaði yfir mikla reiðiöldu í Evrópu hjá “gáfaða fólkinu” þar sem Haider hafði víst rangar stjórnmálaskoðanir.  Hinsvegar var þetta bara rökrétt stjórnarmyndun hjá sjálfstæðu ríki sem hafði haldið kosningar á hefðbundinn hátt.  Vandinn vara bara að þetta voru víst “rangar niðurstöður”.     Þetta gekk svo langt að helvítis Evrópubandalagið sýndi sitt rétta andlit, andlit kúgunar og forræðishyggju, og beitti Austurríki refsiaðgerðum, ótrúlegt en satt.  Síðan tók að fjara undan Haider en hann fannst þó alltaf í skugganum og var undir það síðasta fylkisstjóri í einhverju fylki í s-Austurríki.

Haider var mikill persónuleiki, hafði víst þennan one-on-one sjarma og þar af leiðandi vinsæll stjórnmálamaður þótt afar umdeildur væri. Þetta hef ég eftir austurrísku vinafólki mínu sem er uppalið í þessu fylki sem hann var frá. Hann var fylkisstjóri í einhverju fylki í Austurríki og ákaflega vinsæll af fólkinu þar.   Var víst svona go-to gæi.  Vegna stjórnmálaskoðana sinna var hann þó eins og fyrr segir ákaflega umdeildur og það kannski ekkert skrítið.  Verður ekki kveðinn dómur um þetta á þessarri bloggsíðu, fólki er auðvitað frjálst að hafa sínar eigin skoðanir. 

Keizarinn hefur fylgst af velþóknun með Dr Haider.  Mér finnst dauði hans vekja upp ýmsar spurningar.  Er þessi tímasetning ekki svolítið heppileg ?   Það sem venjulega hefði orðið stórfrétt týnist þar sem margar stærri fréttir skyggja á.   Svo er það sjálft slysið, engin vitni, hann missir stjórn á bílnum og fer í klessu.  Strax er tilkynnt að ekkert óvenjulegt hafi verið á seiði.  Er hægt að segja svona strax ?   Eflaust var þetta svona en Keizarinn krefst þess allavega að þetta verði rannsakað í þaula. 

Jæja, farinn að sjá Ísland skíttapa í fótbolta, enn eina ferðina.