Afmæliskveðja

Í dag er 30júlí. Þarafleiðandi verður litlasystir Keizarans 25ára í dag. Keizarinn hefur nefnilega lært það að konur hætta að telja eftir 25ára afmælisdaginn, eftir það eiga þær bara afmæli.

Allavega. Keizarinn óskar litlusystur hjartanlega til hamingju með afmælið.

Æfingamótið Audi Cup

Já, ég veit að fólk var orðið virkilega spennt fyrir því að þýska deildin er að fara að byrja.  Nú er Audi-Cup æfingamótið í Munchen og leikið á hinum frábæra Allianz-arena.  Á þessu móti leika Bayern Munchen, AC Milan, Boca Juniors og Man Utd.  Maður hefur séð einhverjar mikroskopiskar fréttir um þetta mót á íslensku fjölmiðlunum, aðallega vegna þess að Man Utd leikur á því. 

Luis van Gaal hefur verið að móta leikmannahópinn undanfarnar vikur.  Hann ætlar einmitt að nota þetta mót til að velja út byrjunarliðið, hvað blöndu hann ætlar að nota.  Æfingar hafa gengið vel.  Hann er með öðruvísi áherslur heldur en margir aðrir þjálfara, mikill smáatriðaþjálfari og hugsar meira um kerfi en einstaklinga.  Þetta verður örugglega vænlegt til árangurs en kannski tekur smávegis tíma að koma þessu inn í liðið. 

Mótið byrjaði í gær.  Fyrst léku litlu liðin, Man Utd og Boca Juniors.  Svo var það aðalleikurinn.  Bayern – AC Milan.   Og þvílík byrjun hjá van Gaal á Allianz.  Leikurinn fór 4-1 fyrir Bayern.  Hinn 19ára Thomas Müller skoraði 2, Sene 1 og Schweinsteiger gerði 1.  Þegar staðan var orðin 4-0 áttuðu Bayern-menn sig á því að þeir eru nú einu sinni gestgjafar á þessu móti og leyfðu því Pirlo að skora eitt mark í lokinn svo Ítalirnir færu ekki að grenja. 

Liðið var eftirfarandi hjá van Gaal.
Hans Jörg Butt var í markinu.
Lahm var að sjálfsögðu í vinstri bakverði en í hægri bakverði var Edson Braafheid, Hollendingur sem Bayern keypti frá Twente í sumar.
Í hafsentinum léku Daniel van Buyten og Holger Badstuper, sem er 20ára strákur sem kemur úr unglingaliðinu.
Altintop og Króatinn nýkeypti, Pranjic voru á köntunum og van Bommel og Sosa voru á miðjunni. Frammi voru svo Thomas Müller og Mario Gomez.

Enn eru Franck Ribery og Luca Toni smávægilega meiddir, auk þess vantaði Miroslav Klose. Miklar skiptingar voru gerðar á liðinu og komu mjög margir inná ss Schweinsteiger, Tymoshchuk, Breno, Ottl og fl.

En allavega. Góð byrjun en þetta er náttúrulega bara æfingamót. Næsti leikur er í dag þar sem Bayern leikur á móti ensku liði.

PJ Harvey – Rid of me

Ég hef ákveðið að endurvekja þennan tónlistarmyndbandalið síðunnar.  Hver er betri til að byrja með heldur en PJ?    Þetta er af tónleikum hennar þar sem hún heldur uppi sviðinu, ein með rafmagnsgítar.  Hversu margir gætu púllað það off ?  

Þetta er reyndar eitt af hennar bestu lögum.  Njótið vel.

Ógnin frá Hollandi

Gat nú ekki annað en skellt uppúr þegar ég las þetta á netinu um daginn. Einhver hollenskur öfgahópur sem planerar árás á Ísland. Ú, á maður að verða hræddur núna. Holland er auðvitað heimili hreystimenna og hörkutóla. Við munum einmitt hvað þeir vörðust af mikilli hörku í stríðinu. Stappaðir í mauk á stuttum tíma af þýsku stígvéli.
Hollenskur öfgahópur er svona álíka öfugmæli eins og grænlenskur bindindismaður.
Hinsvegar fékk þetta mig til að láta hugann reika. Var að velta því fyrir mér hvort þetta gætu verið mínir gömlu vinir frá Hollandi……

Málið er að fyrir löngu síðan þá fór Keizarinn til Hollands að heimsækja systur sína sem var þar í námi. Hún bjó í Arnheim sem var ákveðið kvíðaefni fyrir Keizarann en hún sagði glaðhlakkaleg að ég tæki náttúrulega lestina. Lestina. Ok, ekki skothelt plan en litlasystir hló nú bara að mér og sagði mér að þetta væri sko ekkert mál.

Fyrst var lent á Schipol. Var alveg ferlega áttavilltur á flugvellinum og litaðist um meðal Íslendingana til að spotta út einhvern sem var ekki jafn illa áttaður og Keizarinn. Sá Friðrik Þór leikstjóra og spurði hvert maður nú færi út en fékk týpískt umlandi, óskiljanlegt svar frá honum sem ég græddi nú ekki mikið á. Afskrifaði þá hann og lét berast með hinum sauðunum þar til ég komst loks í gegnum tollinn.

Þá var það hið raunverulega vandamál. Lestin. Fór niður á lestarstöð og keypti miða. Átti að skipta um lest á einhverri lítilli stöð. Svo var farið upp í lestina og það var þar sem ég kynntist nýjum vinum.

Þegar lestin var lögð af stað þá varð ég og aðrir farþegar fljótlega varir við hávaðasaman, aggressívan hóp af skinheads sem voru með okkur. Þeir voru náttúrulega reiðir (skinheads eru alltaf reiðir) og röltu  um vagninn að bögga aðra farþega. Svo fór einn þeirra að tala við mig. Sá ferðatöskuna mína og byrjaði að tjatta við mig á ensku. Man nú ekki nákvæmlega eftir samtali okkar en eftir smástund þá kemur það fram að ég sé frá Íslandi. Og þá var sko uppi fótur og fit og smásaman hópaðist gengið að mér.

Íslendingur. Það þótti þeim kúl. Ég var sko almennilegur gaur. Frá Íslandi, hinni arísku vöggu.  Brátt var ég kominn í hrókasamræður við þá og þeir voru bara helvíti almennilegir. Spurðu hvort ég hefði lesið Eddukvæði – auðvitað, get meira að segja lesið það á upprunalega málinu..
Hvort væri mikið af innflytjendum á Íslandi – nei, aldrei séð neina, þeim verður svo kallt ….

Og svo fóru þeir að vera hinir gestrisnustu og gáfu mér upplýsingar um Holland. Þar sem þeir voru svo almennilegir þá gerðist ég svo djarfur að spyrja hvernig væri nú með þessa lestarskiptingu, hvert ég ætti að fara. Jú, þeir athuguðu málið og ræddu sína á milli á þessu óskiljanlega máli sínu.   Já, ekkert mál, við hjálpum þér með það. Foringinn ákvað að gengið skildi nú bara koma með mér !!

Svo þrammaði hersingin með mér um skiptistöðina.  Ég og hinir nýju vinir mínir sem lögðu sig beinlínis fram um að hjálpa mér.  Buðust meiraaðsegja til að hjálpa mér með töskuna. 

Þetta var svona win/win situation, ég fékk fylgd að sporinu og fór upp í rétta lest og þeir fengu nýjan vagn til að bögga. Þeir skiptust svo á að bögga fólk meðan einhver af þeim hélt mér uppi á snakki.
Svo sögðu þeir mér hvenær ég ætti að fara út, kvöddu mig með virktum og héldu svo áfram sinni herferð gegn öðru fólki.

Kannski voru þeir með eitthvað inni á ICESAVE. Kannski eru þetta þeir ? Eða er spurningin um að Keizarinn endurnýji sambandið við þá og segi að einhverjir landar þeirra séu að bögga Íslendinga???

Siðleysið í ensku deildinni

Ég er ekkert smávegis ánægður með þessa ákvörðun mína um að fara að taka þýska boltann föstum tökum og boycotta algjörlega þessa deild þarna á eyjunni sem liggur nálægt Írlandi.  Í fríinu mínu í Dölunum var ég soldið að lesa blöðin eins og gengur og gerist.  Reyndi markvisst að forðast slúðurfréttirnar úr enska boltanum þar sem þær eru mér algerlega óviðkomandi. Geti alveg eins lesið lífsreynslusöguna í “Vikunni” eða kökuuppskriftir í “Gestgjafanum”.

Las hinsvegar mjög áhugaverða grein í sænsku dagblaði sem þeir hafa eftir einhverjum inside-gaur í Englandi.  Ef þetta er rétt þá verður þetta einhver stærsti skandall atvinnufótboltans.  Einmitt það að þetta hefur hvergi verið í fréttum kemur manni í samsærisgírinn direkt.  Það hefur víst verið kjaftað um þetta lengi en enginn segir náttúrulega neitt þar sem þetta er soldið neyðarlegt. Og enginn vill dissa enska boltann.

Málið snýst um 6 ónafngreinda leikmenn í úrvalsdeildinni ensku. Þeir eru víst að bíða eftir niðurstöðum úr blóðprufu sem mun væntanlega ákvarða hvort ferill þeirra sé búinn eða ekki. Ein af atvinnudruslunum á Englandi, svona djammgella sem sefur hjá fótboltagaurum, er nefnilega með HIV. Þessar fótboltagrúppíur eru víst bara nokkuð algengar í Englandi. Hún hætti víst með kærasta sínum, svaf svo hjá 6fótboltamönnum úr úrvalsdeildinni áður en hún byrjaði svo aftur með kærastanum sínum. Kærastinn tilkynnir henni svo loksins að hann hafi verið með HIV í svolítinn tíma, stelpan fer í próf og hún er með HIV. Verið smituð þegar þetta fótboltatímabil gekk yfir. Leikmennirnir hafa auðvitað allir verið trackaðir niður og verið testaðir. Það eru nú einu sinni til lög um þetta.

Og svo er bara að bíða og sjá hvernig þetta verður með prófið. Hvað varðar HIV þá eiga klámið og fótboltinn eitt sameiginlegt, ef þú ert pósitívur þá endar þinn ferill. Sofort.

Já, þetta endurspeglar siðleysið í ensku deildinni. Ungir, forríkir, vitlausir strákar sem baða sig í kampavíni, gellum og kóki. Þá er nú betra að fylgjast bara með þýsku deildinni. Haldið þið að Torsten Frings myndi gera svona ???

“Alexander” – varist þessa mynd

Ætlaði bara að vara ykkur við einni mynd sem ég ákvað að horfa á í gær.  Alexander mikli.  Mikli, minn rass.  Mér varð sko verulega brugðið yfir þessarri mynd verð ég að segja. 

Keizarinn hafði lengi beðið eftir að sjá þessa mynd.  Maður kann jú söguna.  Filippus annar, faðir hans sameinaði Grikkina, Alexander tók við 20ára að aldri og svo framvegis.  Var mikill hernaðarsnillingur og byrjaði einna fyrstur að lengja raðirnar hjá hermönnunum í fylkingu þannig að mótherjarnir fengu minni tilfinningu fyrir hversu stór eða lítill herinn var. 

Ég hafði ímyndað mér svona flotta hernaðarmynd eins og Trjóju, í staðinn fékk ég erótíska mynd um ástir homma.

Þessi mynd er víst flokkuð sem ævintýramynd en mér finnst eiginlega frekar að ætti að flokka þetta sem gay porn eða kannski erótiska mynd fyrir samkynhneigða.  Á tímabili var ég farinn að velta því fyrir mér hvort ég væri virkilega með rétta mynd.  Kannski var Alexander hommi en það stóð allavega ekki í sögubókum Keizarans.   

Það er allt gert til að gera þetta sem hommalegast.  Persakonungur er með augnskugga og lítur út eins og snyrtifræðingur  á franskri snyrtistofu eða kannski svona “congierce” á fínu hóteli.  Menn eru svo almennt málaðir þarna og gerðir sem kvenlegastir.  Karlmennskan er sko aldeilis ekki fyrirrúmi. 

Colin Farrell er afleitur í hlutverkinu.  Nær engan veginn tökum á hlutverkinu og leggur sig hreinlega fram um að vera alveg ferlega hommalegur í alla staði.  Farrell er heldur ekki rétta týpan í þetta hlutverk.  Hann er svona hraustlegur, snaggaralegur töffari en yfir honum er engin reisn.   Angelina Jolie er hinsvegar ágæt.  Leikur eiginlega bara sjálfa sig og bara er þarna ásamt vörunum sínum.  Það er enganveginn hægt að kvarta yfir því.

Svo kemur Anthony Hopkins við sögu í byrjun myndarinnar.  Kallinn passar engan veginn inn í þessa mynd og í atriðinu hans er maður einhvernveginn alltaf að hugsa hvað í ósköpunum Anthony Hopkins sé að gera þarna í Toga. 

Svona í lokin var mér nóg boðið.  Slökkti þegar svona 30min voru eftir.  Þá ákvað ég að teygja mig eftir hulstrinu til að rannsaka þetta grafalvarlega mál.   Þá sá ég skýringuna.  Fokking Oliver Stone.  Auðvitað.

  Enginn annar en hann hefði getað snúið útúr svona efni.  Hann er nú sérfræðingur í að afbaka sögulegar staðreyndir.  Reyndar gott að sjá að hann virðist laus við Kennedy þráhyggjuna og farinn að skoða önnur tímabil í sögu mannkynsins þvi að mannkynssagan fjallar um margt annað en pilluétandi, ofmetinn demókrata.

  Keizarinn hefur aldrei fyrirgefið honum Nixon-myndina.  Ég hugsa allavega að Nixon bíði pollrólegur eftir honum og þegar Stone fer yfir móðuna miklu þá verður kallinn tilbúinn með eitthvað hræðilegt plott.

Þarafleiðandi fær þessi mynd ekkert typpi af fimm mögulegum.

Kominn aftur úr Dölunum

Keizarinn er búinn að vera í fríi.  Nánar tiltekið í Dölunum.  Ákvað að þetta svæði skildi fá að njóta þess að taka á móti Keizaranum þetta sumarið eftir að hafa verið í smálöndunum í fyrra. Leigði sumarbústað sem var mjög Keizaralegur, stór og rúmgóður.
Ferðin byrjaði mjög vel. Keyrslan gekk vel. Dóttirin vildi ekki vera í bílnum með mér á leiðinni uppeftir sem gerði það að verkum að Keizarinn fékk að spila “Stuðdisk Keizarans” í útvarpinu. Þetta er svona diskur sem Keizarinn hefur búið til og er valinn eftir kriteriunni “Eftir að hafa hlustað á þetta lag langar mig að berja einhvern”. Mæli með þessum disk fyrir ökuferðir.  Ég er búinn að ákveða að diskurinn muni heita ” Stuðlög Keizarans – fílaðu þetta eða þú verður drepinn”. 

Sumarbústaðurinn var mjög rúmgóður og flottur. Þar var hin ágætasta bastu þar sem Keizarinn hélt kennslu í hvernig á að basta. E-man sýndi frábæra takta þar og var alveg að fatta þetta. Þegar hann kom með bjór inn í klefann þá vissi ég að hann væri búinn að ná þessu. Hann vildi reyndar ekki fara í ískalda sturtu á eftir eins og Keizarinn gerir, það kemur seinna.  Ég sýndi þessu skilning.   Af tillitsemi við gesti þá fór ég reyndar í sundskýlu þannig að þetta var ekki alvöru. EN það kemur kannski seinna.

Fór til Mora, sem er ansi fallegur bær.  Hafði reyndar komið þangað áður en aldrei að sumarlagi.   Þar keypti mér Mora hníf, sem er svona klassíker sem Mora er frægur fyrir.  Reyndar hefur hann á seinni árum verið  kallaður Anna Lindh-hnífur fyrir þá sem fatta það.  Allavega.  Ég keypti mér svona hníf.  Svo var ég þarna að spóka mig í miðbæ Mora þegar ég fattaði að í raun var ég alveg eins og hinn klassíski geðsjúklingur, vopnaður í miðbæ Mora. E-man bauðst þá til að geyma hnífinn fyrir mig í barnavagninum sem hann var með.  Ok, þetta var svo sem góð hugmynd og sérhver Palestínumaður veit jú, að barnavagnar eru klassískur staður til að geyma vopn. 

Svo fórum við í Bjarnargarð.  Við komumst reyndar að því að garðurinn nær upp í fjallshlíð og efst í fjallinu kallast svæðið “Tiger Mountain”.  Ekki í frásögur færandi nema fyrir það að sumarbústaðurinn okkar var einmitt hinum megin í fjallinu, handan við tindinn.  Sem betur fer komu nú engin tígrisdýr til okkar.  Sem betur fer, segi ég, þar sem ég var náttúrulega búinn að kaupa mér hnífinn og það eru víst bara til 300-400 svona dýr í heiminum. Grænfriðungarnir hefðu orðið brjálaðir en Keizarinn hefði loksins fengið feldinn á stofugólfið.

Svo skoðuðum við birnina og ég komst að ýmsum algerlega ónauðsynlegum upplýsingum um birni sem hægt er að besserwissera um. T.d. að það eru bara til 8teg af björnum í heiminum, stærstu birnirnir eru í Alaska og eru yfir 3m á hæð. Svo borða birnir aðallega bláber og svo Maurabú. Já, þeir hnoða sér bollur og borða búin. Frekar stelpulegt.

Svo var farið og baðað.  Fórum í sundlaugargarð sem var með stórhættulega vatnsrennibraut.  Ennþá hættulegri en þá sem ég festist í í fyrra.  Enda fór konan með dótturina í þetta sinn.  Engin áhætta tekin, fyrir utan það að konan veitti því athygli að margir litu hana með furðusvip og jafnvel hneyklsun þar sem hún er jú komin yfir 30vikur á leið. 

Annars höfðum við það bara gott. Elduðum góðan mat, drukkum ýmislegt gott og ég verð nú að segja það að E-man býr til ansi góðan Irish Coffee. Keizarinn drekkur venjulega aldrei Jameson, það er svona viskí sem bara fullir sjóarar, miðaldra fitubollur í Man Utd bolum og menntaskólastrákar sem langar að finna til sín á barnum, drekka. Keizarinn drekkur ekki svoleiðis sull en ég gerði undantekningu í Irish Coffee þar sem þá passar þetta ágætlega. Hann skammtaði reyndar soldið naumt en drykkurinn bragðaðist samt vel.

Leiðin heim gekk svo bara nokkuð vel. Fórum á McDonalds í Gävle þar sem ég hitti gamlan vin sem ég hafði ekki hitt lengi, þeas Mr Big Tasty. Kom ekki í ljós að litli, feiti asíski strákpjakkurinn á McDonaldsstaðnum mínum heima hafði haft rétt fyrir sér eftir allt saman. Big Tasty kemur alltaf aftur……………

Hér koma nokkrar myndir úr ferðinni

 

 

 

 

 

 

Hérna er mynd af bústaðnum, ekki amalegt

 

 

 

 

 

 

 

 

Kirkjuturninn í Mora.  Það sem imponeraði Keizarann var nokkuð sem maður hefur ekki séð áður.  Ef þú er svona sykurpabbakóngur sem byggir kirkjuturn, láttu þá einhvern skrifa nafnið þitt á turninn !!

 

 

 

 

 

 

Vatnsrennibrautin.  Sjáiði bara hvað hún er hættuleg og enginn vörður að fylgjast með ástandinu.  Enda fór Keizarinn ekki upp í þetta morðtæki. 

 

 

 

 

 

 

Keizarinn rakst á íslenskan feminista í dölunum og hún var svo almennileg að leyf mér að taka mynd af henni.  Hún er reyndar formaður mannréttindahóps VG og var á einhverjum umræðufundi hér. Gaman aðþví.

 

 

 

 

 

 

Þennan norska gaur sá ég líka í Bjarnargarðinum.  Varð að ná mynd að þessum stærsta pípara sögunnar.  Ætli hann hafi týnt beltinu eða finnst honum þetta svona flott.  Þetta er greinilega Norðmaður, því að enginn Svíi myndi láta sjá sig svona.

Pistill frá Punisher

Jæja, Keizarinn er kominn aftur heim.  Ferðasagan er í vinnslu en langaði að henda inn einni færslu svona uppá grínið.  Var að uppgötva að svona internetfrí eru hörku skemmtileg, sérstaklega þegar maður svo fer inná netið þegar maður kemur heim og fer á netið.  En yfir í annað.

Seasonið hjá KR er að þróast með allra besta móti.  Sjálfur er ég ekki svo mikill afdalabúi að ég nenni að fylgjast með íþróttaþáttunum á netinu heldur fylgist ég með umræðunni og úrslitunum heima. 

KR-síðan er ómissandi.  Reyndar er sumt í henni soldið innanhús þannig að maður þarf helst að vera innvígður til að skilja húmorinn.  T.d. er orðið “steik” komið frá Vesturbænum.    Þótt maður fari ekki daglega inná síðuna þá fer maður reglulega.  Og nú kemur plöggið.   Pistlarnir frá The Punisher. Það er nefnilega  kominn nýr pistill….. 

Hver er Punisher ?
Jú, forsagan er að síðan var reglulega spömmuð í drasl hérna í den. Menn tóku svo eftir því að aðal draslið var að koma frá spaminu “The Punisher” og Assholer með  ip-tölum  frá Tyrklandi, nánar tiltekið  Istanbúl.

Einhvernveginn þróaðist svo þetta út í það að nú eru skrifaðir reglulega pistlar frá þeim kumpánum, Punisher og Assholer.  Þetta eru fótboltabullur frá Istabúl, skapheitir eftir því og með óskiljanlegan KR áhuga.   Vitna í Kóraninn hægri vinstri og eru vægast sagt mjög yfirlýsingaglaðir.  Að vera dipló er ekki þeirra stíll.  Og þeir hata öll önnur lið.   Þeir hata Val, FH, Keflavík og félaga af svo mikilli ástríðu að maður verður hálf hræddur.   

 Ég verð að taka hatt minn ofan fyrir þeim sem fékk þessa snilldar hugmynd.
Hér koma linkar á pistlana. 

Pistill 1
Pistill 2
Pistill 3
Pistill 4
Pistill 5
Pistill 6

Smávegis frí – farinn til Dalarna

Hér kemur tilkynning frá Keizaranum. 

Keizarinn fer nú í 1viku sjálfskipaða útlegð frá internetinu og mun þarafleiðandi ekki blogga næstu viku.  Það eru reyndar engin tíðindi þar sem margir bloggarar blogga frekar sjaldan sbr Besserwisserinn.

Ferðinni er heitið í sumarbústað í dalarna, rétt norðan við Mora þar sem ætlunin er að slappa af.  Svo hlakkar Keizarann mikið til að fara til Leksand sem er þarna rétt hjá.  Það er nefnilega uppáhalds íshokkílið Keizarans og er hann staðráðinn í að kaupa sér treyju í ferðinni. 

Þeir sem ætla að brjótast inn þá bendi ég jafnframt á öryggiskerfið og það að Henke nágranni ætlar að passa húsið.  Hann vinnur svona “leynilega vinnu” og er meiraaðsegja vopnaður í vinnunni.  Ég bað hann um að fjarlægja líkin áður en ég kem heim.   

Allavega.  Hafið það gott á meðan.

Meiðsli hjá FH

Keizarinn er áhugamaður um íþróttameiðsli.  Meira að segja ekki bara áhugamaður heldur kannski bara jafnvel professional gaur í íþróttameiðslum.  Allavega hélt ég það. 

En alltaf eru einhverjir sem skara framúr.  Það er gaman að því.  Það kallast víst framþróun.  Þessvegna var virkilega gaman að lesa um hversu gott “læknateymi” þeir FH-ingar hafa.  Tveir leikmenn illa tognaðir, annar á hamstrings og hinn í náranum.  Báðir verða frá í 2-3vikur. 

Já, ekki veit ég hvaða leynivopnum þeir eru að beita þarna í Hafnarfirðinum en ég vona virkilega, okkar hinna vegna í bransanum, að þeir skrifi nú einhverja grein um þessar nýju aðferðir.   Svo geta þeir ferðast um heiminn næstu 1-2árin og haldið fyrirlestra um þetta.  

Það er að segja ef meiðslin eru rétt greind………………….