Bayern öppdeit

Jæja, fyrstu umferð meistaradeildarinnar er lokið. Bayern fór í góða ferð til Ísraels og vann 0-3.  Þetta var þó pínu erfið fæðing og fyrsta markið kom ekki fyrr en eftir 60mín.  Svo setti Müllerinn 2mörk í lokin.  Fólk virðist vera farið að fatta hver þessi gaur er og ef maður les íþróttasíðurnar þá virðist þetta nú hafa verið algerlega óþekktur maður þar til í síðustu viku.  Enn eitt dæmið um vankunnáttu íþróttafréttamanna þar sem það hefur verið beðið eftir þessum dreng lengi og vakið mikla athygli með unglingaliðum Bayern.  

Hinsvegar varð mér hugsað til annars atviks í vikunni þegar Bayern var að fara til Ísraels.  Hvað kemur upp í hugann ?   Jú, auðvitað þegar kanslarinn Gerhard Schröder fór í opinbera heimsókn til Ísraels, fyrstur þýskra kanslara og hélt ræðu í Knesset.  Hvað gerðist ?  Jú, hann rak sig svo óvart í “eilífðarlogann”, loga sem er látinn loga til að minnast fórnarlamba helfararinnar og tókst að slökkva á honum.  Eilífðarhvað segi ég nú bara…….. 

Bayern er að spila í dag.  Þetta er heimaleikur við hitt bæjaraliðið, Nürnberg. Stuttu áður en leikurinn hefst, verður svo sett Októberfest.  Bayern hefur reyndar aldrei tapað heimaleik meðan Októberfest stendur yfir, nema náttúrulega í fyrra.  Margt sem Klinsmann hefur á samviskunni.  Allavega. 

Nürnberg-leikurinn er leikur sem á að vinnast.  Reiknað er með tiltölulega óbreyttu Bayern-liði, ætli Ribery byrji ekki inná núna.  Vitað er að vanGaal er ekki mikill aðdáandi roteringar þannig að líklegast er að byrjunarliðið sé óbreytt.

Hjólreiðatúrinn og fuglar……..

Keizarinn eiginlega hálf skammast sín fyrir eitt sem hann gerði í dag.  Það er ekki oft sem ég skammast mín fyrir eitthvað en eiginlega veit ég ekki hvort þetta var töff eða ruddalegt. 

Forsaga málsins er sú að Keizarinn var að hjóla.  Já, ég hjóla orðið í vinnuna.  Það er soldið erfitt á morgnana en á eftirmiðdaginn, á leiðinni heim, þá fíla ég mig vel.  Þegar Keizarinn stígur á hjólið þá halda honum engin bönd.  Mér líður eins og öskrandi ljóni, finn kraftinn í fótunum og ímynda mér reyndar stundum, þegar ég er í extra miklu stuði að ég leiði Ironmanþríþrautina á Hawaii. Myndavélarnar stanslaust á mér, hörðum, svipbrigðalausum keppanda sem svo óvænt er í forustu og menn deyjandi fyrir aftan mig, að drepast úr samviskubiti yfir því að hafa reynt að halda í við járnmanninn. 

Svo er þetta gaman.  Maður brýtur nokkrar umferðarreglur og gefur í. 

En.   Í dag var ég einmitt að hjóla.  Var á góðri siglingu og fílaði mig nokkuð vel.  Var einmitt að velta fyrir mér næstu fórnarlömbum í framúrakstri, tveimur stelpum sem lúrðu rétt á undan mér.  Þá geysist alltíeinu gaur á hjóli framúr mér. Áfall.  Sjokk.   Þetta var ekki einu sinni möguleiki sem Keizarinn hafði hugleitt.  Ég mundi strax eftir Lance Armstrong bókinni sem ég hafði lesið og hugsaði að hann myndi sko ekki skilja mig eftir, þannig að ég jók hraðan og lét hann “draga” mig eins og það heitir á hjólreiðamáli. 

Svo skoðaði ég gaurinn sem hafði verið svona dónalegur.  Ég hafði ímyndað mér einhvern hjólagaur en þessi gaur var bara asnalegur, miðaldra Svíi og meiraaðsegja í svona asnalegum bómullaríþróttagalla.  Hjólið hans var lélegt og hafði örugglega minni gíra en mitt.    Allavega.  Ég elti hann og svo kom tækifærið…  brekka.  Þar lagði ég til atlögu við þennan óvænta keppinaut sem hafði örugglega enga hugmynd um hversu blóðuga baráttu hann væri að heyja.  Svo tók ég framúr honum.  Hann átti aldrei séns.  

Og svo braut ég hjólreiðareglurnar.  Þessa samkennd.  Þegar ég var kominn svona 5m framúr honum þá rétti ég aðra hendina aftur fyrir bakið og “sýndi fuglinn”.  Fyrir óvirðinguna, fyrir framúraksturinn.  Svo heyrði ég bara eitthvað “helvetes jävlar” og sjitt, þá jók ég ferðina.  Hann náði mér ekki sem betur fer. 

Já, kannski var þetta ekki kúl að  en meiraaðsegja Keizarar eru mannlegir.  Mér bara brá.  En hann lætur þetta sér kannski að kenningu verða með næsta framúrakstur.

Hassan-vandamálið

Stundum geta samtölin við dótturina verið alveg óborganleg.  Hún hefur sínar skoðanir á málunum og hefur oft réttar fyrir sér en maður heldur.  Hún er í leikskóla og það er kominn nýr krakki í bekkinn sem heitir Hassan.  Þar sem leikskólinn er í miðju arabahverfi geri ég svona ráð fyrir að hann sé frá múslimskri fjölskyldu.   Dóttir mín kann engan veginn við þennan nýja gest og finnur honum flest til foráttu.  Henni til varnar þá skilst mér á fóstrunum að þessi gaur sé til vandræða í hópnum og jafnvel slái hin börnin. 

Dóttir -Pabbi,  Hassan er alltaf að slá einhvern á leikskólanum
Faðir – hefur hann slegið þig ?
Dóttir -Nei en hann hefur reynt það
Faðir – Vilt þú að ég komi og tali við hann ?
Dóttir- Ætlar þú þá að slá hann?
Faðir – Örugglega eitthvað, en það mega ekki sjást neinir áverkar á honum…
Dóttir – Hvað er áverki ?
Faðir – Við tölum um það seinna………

Síðar um kvöldið þegar dóttirin er farin að biðja bænirnar sínar…..

Dóttir – Pabbi, ég held sko að Hassan tali aldrei við Jesú
Pabbi – nú, heldurðu það ekki? Það mega sko allir tala við Jesú…
Dóttir – Nei,veistu, ég held að ef hann myndi tala við Jesú þá myndi Jesú ekki einu sinni nenna að hlusta á hann…..

Sumt gerist alltaf aftur og aftur

Úff, er þetta byrjað aftur. Ætli þetta séu sömu gaurarnir og voru alltaf að stela lömpum árið 2000? OOOooog ætli þetta séu sömu lamparnir? Hvað er nefnilega betra að vera að rækta gras og svo skellir maður sér inn í herbergið með eina feita og sundgleraugu og fer í ljós í leiðinni…………..

Dortmund-Bayern

Já, smávegis yfirferð yfir umferð helgarinnar.  Mínir menn héldu áfram sigurgöngunni og það er ljóst að van Gaal er búinn að finna leiðina.  Dortmund skoraði reyndar 1-0 en eins og Keizarinn hefur margoft sagt, þá er fótboltaleikur í 90mínútur og þú ræður hvenær þú hefur leikinn!!

Nei, 5-1 var sko frábær sigur á mjög sterku heimavallarliði.  Ánægjuleg innkoman hjá hinum efnilega Thomas Müller, 19ára, sem gerði 2mörk.  Ribery átti einnig góða innkomu.  Hans-Jörg Butt var í markinu og virðist vera búinn að ýta Michael Rensing út í bili.  Bakverðir voru þeir Philip Lahm og Edson Braaheid.  Miðverðir voru Daniel van Buyten og Holger Badstuper. Van Gaal leikur 4-3-2-1 og þannig var miðjunni stillt upp þannig að Tymoshuck lék sem djúpur miðjumaður vegna meiðsla van Bommels og svo voru Altintop og Schweinsteiger sitt hvorum megin fyrir framan.  Svo komu Ivica Olic og Arjen Robben þar fyrir framan og svo Mario Gomez fremstur.  Þegar svo Ribery kom inná fyrir Olic þá er Bayern með nokkuð óhugnanlegan sóknartígul, Gomez/Klose/Müller á toppnum með Robben og Ribery fyrir aftansig.  

Allavega.  Flottur sigur á liði sem hafði ekki tapað heimaleik í síðustu 19leikjum.  Meira síðar.

Bundesligublogg

Jæja, þá fer þýski boltinn að rúlla aftur á stað um helgina.  Þetta var góð vika fyrir þýska knattspyrnu, karlalandsliðið sigraði að sjálfsögðu Azerbajan og er enn með forystu í sínum riðli en rússarnir þráast enn við, líkt og áður.  Auðvitað var ekki hægt að treysta hálfensku nýlendunni Wales fyrir því að plokka stig af þeim.  Svo vann kvennalandsliðið EM.  Þá er Þýskaland í þeirri ótrúlegu stöðu að vera ríkjandi heims eða Evrópumeistarar í U17, U18, U20 og EM kvenna.  Þetta verður svo fullkomnað með sigri Þjóðverja á næsta ári þegar Þýskaland verður heimsmeistari í S-Afríku. 

Þetta hefur að sjálfsögðu enginn fjallað um, þessa fáheyrðu yfirburði.  Íþróttafréttamenn myndi sennilega ganga hús úr húsi til að fólk vissi örugglega af því, ef þetta væri England.  En þeir eru bara ekki nógu góðir. 

Ég er hættur við liðskynningarnar í Bundesligunni.  Þær voru reyndar þrælskemmtilegar en þetta er bara of mikil vinna, sorrí.   Hinsvegar verður farið yfir stöðu mála. 

Bayern rétti loksins úr kútnum þegar þeir unnu ríkjandi meistara Wolfsburg örugglega.  Arjen Robben (eini spilandi atvinnuknattspyrnumaðurinn sem lítur út eins og hann eigi heima á elliheimili) kom inná í hálfleik ásamt Ribery og áttu þeir fáránlega flotta innkomu.  Líklegast er að þessi byrjun hafi kveikt í meistaraefnunum.   Bayern mætir Borussia Dortmund á útivelli, ég held að Dortmund hafi ekki tapað síðustu 19 heimaleikjum.

Borussia Dortmund er klúbbur stofnaður 1909.  Þetta er flottur klúbbur með flotta sögu en hafa verið í svolitlum öldudal undanfarin ár.  Ýmis teikn eru hinsvegar á lofti um að betri tímar séu í vændum.  Þeir leika á 80þús manna velli sem heitir í dag Signal Iduna Park Stadion.  Flestir muna þó eftir því sem völlurinn hét áður, nefnilega hinn legendaríski Westfalen stadion.  Hrikaleg stemning er þarna og völlurinn oftast fullur.  Helstu andstæðingar Dortmund eru Schalke 04, sem er nágrannaliðið.  Derby-leikir þessarra liða eru víst alveg magnaðir. 

Borussia átti sitt blómaskeið á tíunda áratuginum og urðu þá þýskir meistarar 1995 og 1996.  Þeir unnu svo meistaradeildina 1997, fyrstir þýskra liða, er þeir unnu Juventus í úrslitaleik.  Þá léku með liðinu hrikalegar kempur eins og Jurgen Kohler, Karl-Heinz Riedle, Stefan Reuter osfrv.   Síðan fór að halla undan fæti.  Þeir urðu fyrstir þýskra liða til að fara út á hlutabréfamarkaðinn og hefur það ekki reynst þeim vel.  Með lélegra gengi hefur fjárhagur klúbbsins hraðversnað og hafa þeir verið í miklum fjárhagskröggum undanfarið.  Þeir hafa misst mikið af leikmönnum sem hafa verið í aðalhlutverki hjá þeim eins og Tomas Rosicky til Arsenal og Christophe Metzelder til Real Madrid. 

Þið þekkið fæsta af leikmennunum hjá Dortmund í dag. Þekktasti leikmaður þeirra er Sebastian Kehl sem er reyndar meiddur og verður ekki með gegn Bayern. Hjá Bayern verður Miroslav Klose, Luca Toni og sem fyrr, De Michelis ekki með. Óljóst er hvort Franck Ribery byrji inná þar sem sagt er að van Gaal sé ekki fyllilega sannfærður um hollustu hans við liðið. Við bíðum og sjáum. Kannski verður Robben með sýningu aftur…………

Mannanafnanefndin frá FM 957

Keizarinn fór í gamni inn á listann yfir nöfn á drengjum til að fá smávegis tilfinningu fyrir þessu með nöfnin og hvað væri nú eiginlega í boði fyrir Keizarann jr.   Uppástungum Keizarans hefur hingað til verið hafnað en við erum með þetta í umræðu þessa dagana og erum að reyna að máta nöfn og svoleiðis.  

Svo kíkti ég á þennan lista frá mannanafnanefnd.  Og það er sko ekkert skrítið að allt sé að fara til andskotans á Íslandi.  Hverjir eru í þessarri nafnanefnd ?   Ég giska að þarna séu Arnar Gauti, Heiðar snyrtir, Ásgeir Kolbeins og svo hann Maríus, fyrrverandi kærastinn hans Páls Óskars.   Allavega virðast öll möguleg og ómöguleg nöfn hafa farið þarna inn.  Hvað varð um gamla norræna menningararfinn?   Þetta er orðið svo alþjóðlegt að það hálfa væri nóg.

Ég hefði átt að vera í mannanafnanefnd.  Vá, það hefði sko verið keyrður íhaldsamur stíll á því.  Ég get svarið það að ef ég og Sigurður Líndal værum þarna væri sko ekkert nýtt samþykkt.  Ekkert. 

En lítum á nokkur nöfn. Ég sá að Reinhart og Adolf eru samþykkt en bara ekki af konunni minni.
Fyrst skulum við skoða nöfn sem eru orðin lagalega íslensk en eru auðvitað ekkert nema útlendinganöfn.
Ali(eins og helmingur fólks í hverfinu við hliðina á mér heitir), Nikolai, Gregor, Anthony, Christopher, Bruno, Bill, John, Joshua og Ulrich eru öll samþykkt nöfn.  Moritz er austurrískur strákur sem er einn af fjölmörgum fyrrverandi kærustum dóttur minnar en kommon, hann er frá Austurríki.  Nú er þetta víst íslenskt nafn….

Svo eru þarna hallærislegar íslenskanir á útlenskum nöfnum eins og það eigi að vera eitthvað betra, eins og Ían(dettur ykkur líka í hug Ian Rush??) og Fabrisius sem örugglega hefur verið pressað í gegn af frekri, íslenskri stelpu sem hefur átt barn með einhverjum Frakka.    

Þarna eru ágætis nöfn ef maður byggi í Svíþjóð eins og Per og Anders en maður er víst að tala um íslensk nöfn núna.

Svo eru þarna svo fíflaleg nöfn að ég hefði hafnað þeim umsvifalaust, kallað foreldrana á minn fund og flengt þau á berann bossann fyrir að vera svona miklir vitleysingar.  Hver skýrir  barnið sitt t.d. Knörr?  Eða Bambi?  Eða Bói.  Og svo er það alvitlausasta,  Náttmörður, Ljósálfur og Fífill.  Og svo fyrir nördana…  Úranus

Maður verður nefnilega að velta fyrir sér hvernig persónuleikar fólk verður með ákveðin nöfn.   Dufþakur, Tímoteus og Dósóþeus eru kannski harðir niðri í Árnagarði að lesa handrit og tala forngrísku sín á milli en þetta eru ekki gaurar sem æfa fótbolta.  Nei.  Mesta æfingin sem þeir fá er þegar þeir ná í nýja bók úr bókahillunni.  Sjáiði þetta ekki fyrir ykkur?

 
“Dufþakur lenti í slagsmálum aftur í dag í skólanum” 
“DJ í kvöld er DJ Dósóþesus ( kannski DJ Dózó !!)”   
“Kr-ingar urðu fyrir áfalli um miðjan fyrri hálfleik þegar fyrirliði þeirra, Tímóteus Sigurgrímsson var rekinn af velli”. 

Neibb.  Ekki fyrir mig, allavega.  Sjáum til hvað verður fyrir valinu, þið fáið hvort eð er ekki að vita það fyrr en í skírninni…………

Heim af fæðingardeildinni

Jæja, það er kominn tími á smávegis öppdeit.  Nú eru allir komnir heim af fæðingardeildinni og líður vel.  Keizarinn jr dafnar nokkuð vel og virðist bara nokkuð sáttur.  Borðar vel, reyndar svo vel að hann borðar þangað til hann ælir ( svona svipað eins og Besserwisserinn gerir með Dominos Pizzu).  

Hann er farinn að láta til sín taka og líður ekkert múður.  Svo er hann í klúbbnum “license to spill” þannig að hann er nú þegar búinn að míga á móður sína í bleyjuskiptingum.  Á mig hefur hann ekki enn pissað enda skilja harðir menn hvorn annan. 

Konan er orðin nokkuð hress.  Einungis á eftir að taka heftin úr skurðsárinu og Keizarinn afboðaði endurkomuna vegna þessa.  Keizarinn mun fjarlægja þessi stelpu-ég-er-kvensjúkdómalæknir-sem-þykist-vera-skurðlæknir hefti persónulega.  Ég á meiraaðsegja svona græju í töskunni minni góðu. 

Nei.  Þetta hefur verið ágætt hingað til.  Í tilefni af heimkomunni keypti ég mér viðhafnarútgáfu af Paulaner og svo næstbesta bjór heimsins, Löwenbräu, sem hafa ekki valdið vonbrigðum.  Svo horfði ég á Män som hatar kvinnor í gær.  Usss,  Svíarnir kunna sko að gera þetta.  Frábær mynd.

Rooney dettur á rassinn

Englendingar eru óþolandi þjóð.  Fyrir utan allt það hefðbundna sem er óþolandi við þá, þá er eitt mest óþolandi.  Það er að þeir halda að þeir eigi fótboltann.  Svo “alvöru” fótbolta, eins og á að leika hann.  Einhvernveginn hefur þeim svo tekist að búa til conceptið að þeir viti best hvernig eigi að spila fótbolta og aðrir séu bara að herma.  Kemur úr hörðustu átt frá þjóð sem hreykir sér á því að  hafa einungis náð fyrir náð og miskunn í undanúrslit HM 1990 og hafa bara einu sinni orðið heimsmeistarar, þá á svindli og þaraðauki á heimavelli.     Þessi misskilningur, að Englendingar séu góðir í fótbolta hefur því miður smitað út frá sér. Þetta hefur leitt til mikillar virðingar fyrir ensku liðunum í t.d. Evrópukeppnum og gjarnan hallast dómgæslan á andstæðinga ensku liðanna.   Annar algengur misskilningur er að Englendingar séu strangheiðarlegir á knattspyrnuvellinum og ”dæfi” aldrei.   Það gera nefnilega útlendingarnir. 

Keizarinn hefur reyndar stæka andúð á Englandi.  Keizarar hafa það gjarnan.  Sesar hafði illan bifur á Englandi, Napoleón líka þannig að ég er í góðum hópi. 

Annars er ástæða þessa pistils landsleikur Englendinga og Slóvaka.  Fyrir landsleikinn hélt gáfnaljósið og dagdrykkjumaðurinn John Terry ræðu þar sem hann lýsti Englendingum sem heiðarlegum, jafnvel of heiðarlegum fótboltamönnum sem væru alltaf að leika við brögðóttar þjóðir sem svindluðu.  Nota bene, allar þjóðir.  Nema Englendingar.  Þeir “dæva” ekki. 

Svo kemur landsleikurinn.  Einhver mesta dæva sem maður hefur séð lengi.  Ef eitthvað brot var í þessu þá er það hvernig Rooney hangir í peysu slóvakans.  Svo kikna hnjáliðirnir og hann pompar á rassinn.  Eins og 1árs börn gera.  Það eru til sæti í búðum fyrir svona fólk sem verður fótafúið.  Bölvaður Rooney.  Nú sjáiði hversu “heiðarlegir” Englendingar eru. 

Það var nefnilega bara eitt sem kom í ljós hjá þessum blaðamannafundi hjá Terry.  Englendingar telja sig betri en annað fólk.  Verst að þeir ná ekki árangri í samræmi við það.

…og það varð drengur!!

Það tilkynnist hérmeð að í dag eignaðist Keizarinn og kona hans dreng.  Hann var að sjálfsögðu tekinn með Keizaraskurði og gekk það mjög vel.   Þetta er ákaflega fallegur drengur og foreldrum sínum til sóma.

Drengurinn undi sér vel eftir fæðinguna og tók heldur betur við sér þegar Keizarinn fór með hann aftur inn á skurðstofuna, opnaði augun og horfði í allar áttir, hálf óþolinmóður á svip.   Hann kunni greinilega vel við sig á skurðstofu og þannig lítur Keizarinn á það að hér sé greinilega kominn erfðaprinsinn.  Þjálfunin tekur hinsvegar soldinn tíma og það þarf að ræða ýmis mál. 

Nafn hefur enn ekki verið ákveðið.  Konan er búin að vetoa Adolf og Reinhard þannig að þetta er enn í nefnd.   

Sökum þessa er Keizarinn kominn í automatiskt 10daga frí frá svæfingunni, nokkuð sem vinnufélagar hans telja eina mestu skipulagslegustu snilld sem þeir hafa nokkurn tímann heyrt um.   Meira síðar.