HM í Mexíkó 1986

Besserwisserinn byrjaði trendinn með stæl þegar hann rifjaði eftirminnilega upp HM 1982 á Spáni.  Það þótti Keizaranum skemmtilegt og svo bætti ég um betur og fjallaði um HM 1990.  Allar þessar HM renna pínu saman í eitt og það er gaman að rifja þetta upp.  Ég hef því ákveðið að rifja upp síðustu HM, svona sem forrétt fyrir HM í sumar  þarna í þróunarlandinu.

Það er margt athyglisvert við HM í Mexíkó.  Í fyrsta lagi þá átti upphaflega að halda hana í Kólombíu en vegna bágs efnahagsástands í kjölfar jarðskjálfta 1985 var ákveðið að færa hana til Mexíkó (virkar ekki lógískt á mig en allavega).   Svo var þetta í fyrsta skipti sem það var spilað með útsláttarfyrirkomulagi strax eftir riðlakeppnina, þ.e. 16liða úrslit.  Margir höfðu áhyggjur af veðurfarslegum ástæðum þar sem mjög heitt var í Mexíkó og mikill raki.  Þar að auki yrði spilað í mikilli hæð.

Riðill A
Þarna mættust Ítalía, Argentína, Búlgaría og S-Kórea. Argentína kláraði bæði S-Kóreu og Búlgaríu en Ítalía gerði aðeins jafntefli við Búlgaríu. Liðin gerðu svo jafntefli 1-1 í innbyrðisleiknum. Argentínumennirnir þóttu mjög sannfærandi og ljóst var að Maradona væri í súperformi.

Riðill B
Þarna voru Mexíkó, Belgía, Paraquay og Írak. Mexíkó sigruðu Belga og Írak og unnu riðilinn. Belgarnir gerðu jafntefli við Paraguay en bæði Paraguay og Belgía komust líka uppúr riðlinum með því að sigra Írak. Og hver sigrar ekki Írak ? Belgarnir byrjuðu illa en vélin var rétt að fara að hitna.  Muniði ekki annars eftir Jean-Marie Pfaff og Jan Ceulemans?

Riðill C
Merkilegur riðill sem innihélt Evrópumeistara Frakka, feiknarlega sterkt lið Sovétríkjanna og svo voru þarna sem fallbyssufóður lið Kanada og Ungverja. Bæði Frakkar og Sovétmenn ( rosalega er gaman að skrifa þetta nafn) komust áfram og gerðu svo innbyrðis jafntefli 1-1, í leik sem er helst minnst fyrir fallbyssuþrumu Vassili Rats…..

Riðill D
Þarna mættust Brasilíumenn, Spánverjar, N-Írar og Alsír. Fremur litlaus riðill. Spánverjar voru ekki eins sterkir og reiknað var með, Brasilíumenn voru mörgum ljósárum frá 1982liðinu sínu. N-Írar voru með smelli eins og Pat Jennings. Spánverjar og Brasilíumenn komust þarna áfram.

Riðill E
Draumariðill Íslendinga og sá riðill sem allra augu beindust að í riðlakeppninni. Þarna mættust lið Uruguay, Danmerkur, Skotlands og V-Þýskalands og var þetta kallaður dauðariðillinn. Danmörk hleypti öllu upp í vitleysu þegar þeir í fyrsta leik sigruðu Skota , gersigruðu svo hið fáránlega varnarsinnaða lið Uruguay 6-1. Lið sem hafði varla fengið á sig fleira en 2 mörk í leik í mörg ár. Danirnir héldu svo áfram og sigruðu V-Þjóðverja 2-0. Þeir unnu því riðilinn sannfærandi. Þarna mynduðu Michael Laudrup og Preben Elkjær Larssen eitthvað eitraðasta framherjapar keppninnar og Jesper Olsen og Frank Arnesen voru baneitraðir á köntunum. V-Þjóðverjar komust áfram á öðru sætinu Uruguay komust svo líka áfram eftir jafntefli við Skota 0-0, þar sem bar hæst að José Batista fékk rautt spjald fyrir brot á rauðhærðu steikinni Gordon Strachan eftir eina mínútu. Það met stendur enn !!

Riðill F
Þetta var alveg afburða leiðinlegur riðill. Þarna mættust lið Marokkó, Englands, Póllands og Portúgal. England tapaði fyrir Portúgal 1-0 og gerði svo jafntefli við Marokkó. Marokkó vann svo Portúgal og gerði jafntefli við Pólland og vann þar með riðilinn. Þar með urðu þeir fyrst afríkuþjóðinn til að komast uppúr riðlakeppni á lokamóti HM. England komst áfram í síðustu umferð þegar þeir unnu Pólverja 3-0 með þrennu frá Gary Lineker. England og Pólland komust því áfram.

16liða úrslit
Þvílíkir legendarískir leikir sem voru í þessu móti ég segi ekki annað.  Það er bara erfitt að rifja þetta allt upp.
Við skulum samt byrja á þessum minna áhugaverðu leikjum
England vann Paraguay 3-0, Argentína vann Uruguay 1-0, Brasilía jarðaði Pólland 4-0 og V-Þýskaland unnu Marokkó 1-0 með marki í lok leiksins ala Þýska stálið. Svo unnu gestgjafarnir Mexíkó, lið Búlgaríu 2-0 í leik sem helst er minnst fyrir snilldarmarks Manuel Negrete. En þá eru eftir 3leikir sem voru allir legendarískir.
Frakkar mættu Ítölum í góðum leik sem endaði með sigri Frakka 2-0, þar sem Platini gerði annað markið. Þar með voru heimsmeistarar Ítala slegnir út.
Danir mættu Spánverjum. Allra augu voru á Dönunum, þeir höfðu jarðað sinn riðil en þeir höfðu orðið fyrir ákveðnu áfalli í lokaleik riðilsins þegar Frank Arnesen hafði fengið rautt spjald fyrir fíflalegt brot á Lothar Mattheus. Þeir byrjuðu vel og voru 1-0 yfir í hálfleik. Svo byrjaði ballið og ég held að það hafi allir íslendingar þurft á
vasaklút að halda eftir meðferðina í seinni hálfleik. Jesper Olsen gaf fáránlega þversendingu yfir vallarhelming Dana sem Emilio Butragueno komst inn í, komst í gegn og jafnaði 1-1. Og þar með var ballið byrjað. “Gammurinn” skoraði 4mörk í leiknum og Spánverjar unnu 5-1. Síðan þá hefur það verið kallað í Danmörku, þegar maður kemur með kæruleysislega sendingu í varnarleiknum sem leiðir til marks að “gera Jesper Olsen”.
Svo er það leikur umferðarinnar maður. Sovétríkin á móti Belgum. Legendarískur leikur sem meiraaðsegja Keizarinn man enn eftir að hafa horft á. Sovétmenn voru með svakalegt lið en voru óvænt slegnir út af Belgum 4-3 í frábærum leik þar sem Igor Belanov gerði þrennu en tapaði samt. Hann var annars þekktur sem frumkvöðull þess að taka vítaspyrnu þar sem maður neglir á mitt markið upp í þaknetið, markmaðurinn skutlar sér hvort sem er alltaf svo hversvegna að taka áhættu. Hann var svo síðar hirtur af löggunni fyrir búðahnupl í stórmarkaði í Þýskalandi þar sem hann lék sem atvinnumaður undir lok ferils síns.  Rússar eru víst, þrátt fyrir allt, bara Rússar.    En lítum á þennan legendaríska leik.

8liða úrslit.
Enn segi ég, þvílík dramatík. Þetta heimsmeistaramót er alveg örugglega dramatískasta HM allra tíma. Þrír af fjórum leikjunum fóru í vítaspyrnukeppni.
Fyrst var það leikur Belga og Spánverja. Hundleiðinlegur leikur þar sem ekkert gerðist í 120mínútur fyrir utan tvö mörk en svo unnu Belgar fremur óvænt í vító. Svo unnu Þjóðverjar lið Mexíkóa eftir vítaspyrnukeppni, 4-1 eftirað hafa haldið Mexíkóum, með 120þúsund áhorfendur í heljartaki í 120mínútur. Eins og ég hef áður sagt, Þýskaland tapar aldrei í vítaspyrnukeppni.

Svo voru það 2legendarískir leikir. England-Argentína. Þið vitið, Falklandseyjastríðið og svo framvegis. Þetta er orðinn ferlega frægur leikur. Staðreyndin er auðvitað að Argentína var með mun betra lið en Englendingar. En leikurinn er fyrst og fremst frægur fyrir “hendi Guðs”. Þegar stubburinn Maradona stökk upp með Shilton og vann “skallaeinvígið”. Seinna mark Maradona í þessum leik er einnig frægt og var m.a. kosið mark aldarinnar í einhverri kosningu um árið. Þegar hann sólar 5hæga enska varnarmenn og skorar. En allir voru ánægðir, Argentína fyrir að komast áfram og Englendingar sem gátu kennt einhverju öðru en eigin vanhæfni til að detta úr.  Lítum hér á frústrerað myndband frá Englandi sem sýnir þessi tvö mörk.  Gaman að því hvað kallinn var orðinn reffilega feitur fyrir nokkrum árum

Leikur umferðarinnar var svo leikur Frakklands og Brasilíu. Legendarískur leikur sem er enn umræddur. Brasilíumenn komust yfir með marki frá Careca en Frakkar jöfnuðu með marki frá Platini. Brasilíumenn fengu svo gullið tækifæri til að ganga frá leiknum í síðari hálfleik þegar þeir fengu vítaspyrnu en franski markvörðurinn, Joel Bats (sem eftir ferilinn hefur getið sér gott orð sem ljóðskáld) varði víti frá guðinum Zico. Leikurinn fór því í vítaspyrnukeppni sem er helst minnistæð fyrir að Socrates og Platini klúðruðu báðir sínu víti. Mér finnst reyndar að Socrates hefði átt að fá mark fyrir vítið sitt, sem hann tók án þess að taka tilhlaup. Annað tískufyrirbæri sem er tengt þessarri keppni. Frakkarnir komust áfram eftir vítaspyrnukeppni og Brasilíumenn því úr leik.

Þá var komið að undanúrslitunum. Fyrst mættust Frakkar og Þjóðverjar. Kunnuglegt, ekki satt. Og Schumacher var í markinu. Þetta var tens og harður leikur. Frakkar voru úti eftir einhverskonar hefnd en fengu bara annað tap upp í andlitið. Þjóðverjar komust yfir með marki Andreas Brehme eftir aðeins níu mínútur og þannig hélst leikurinn þar til í lokinn þegar silfurrefurinn Rudi Völler kláraði leikinn, 2-0.
Hinn undanúrslitaleikurinn var ekkert sérstaklega spennandi. Belgar voru komnir í undanúrslit í fyrsta skipti í sögunni og voru orðnir saddir. Þeir voru því engin fyrirstaða fyrir Argentínumenn sem unnu 2-0. Aftur kláraði Maradona þetta sjálfur með tveimur mörkum.

Og þá var það úrslitaleikurinn, á troðfullum Actecavellinum í Mexíkóborg. Þeir eiga kannski ekki mikið af peningum í Mexíkó, en þeir eiga sko nóg til af fólki. Argentínumenn komust yfir í byrjun leiks og svo bættu þeir við öðru marki í byrjun seinni hálfleiks. En þá settu Þjóðverjar í gang þegar allir héldu að leikurinn væri búinn. Karl-Heinz Rummenigge, trúnaðarvinur Keizarans og Rudi Völler jöfnuðu leikinn á síðasta kortérinu. En þegar allir voru farnir að bíða eftir framlengingunni þá átti Maradona óvænta sendingu í gegnum vörn Þjóðverjanna sem sleppti Burruchaga einum í gegn sem skoraði, þrátt fyrir að skriðdrekinn Hans-Peter Briegel andaði ofan í hálsmál hans alla leið.

Þannig að Argentína varð heimsmeistari, sennilega verðskuldað. Margir legendariskir leikir standa uppúr, Danirnir, Maradona, Belgarnir, vítið hans Socratesar (eittskrefstilhlaup), vítin hans Igor Belanovs, hendi Guðs og hvar endar þetta. Allavega, gott mót………..

En endum þetta á súpersvala víti Sókratesar gegn Póllandi.

Smá öppdeit

Keizarinn er búinn að  hafa það alveg ljómandi gott um helgina.  Það er að vísu ennþá alveg skelfilega kalt hérna, hitinn var kominn uppí -4-5 gráður undanfarið en í dag var aftur -15.  Orðið svolítið þreytandi, því er víst ekki að neita.  Svo heldur áfram að snjóa og snjóa.  Mér skilst að jafnfallinn snjór hérna sé að verða 50cm þannig að þetta er alveg að verða orðið gott.  Hinsvegar er það staðreynd að það er ekki mjög hart að kvarta yfir veðrinu.  En það mætti nú alveg fara að hlýna bráðlega.

Í gær var fyrirtaks föstudagskvöld.  Kl 21 var Svíþjóð-HvítaRússland í íshokkí.  Svíarnir voru nú ekkert að leika neitt sérstaklega vel en þeir eru svolítið eins og íslenska handboltalandsliðið, þeir leika alltaf svipað og andstæðingarnir.  Þannig að þetta er nú ekkert til að hafa áhyggjur af, þrátt fyrir nauman sigur Svíanna.  En maður lifandi, hvað þetta er fyrirtaks sjónvarpssport. Hraði, tækni og síðast en ekki síst, karlmannleg átök.

Svo fórum við eftir sundið hjá dótturinni á McDonalds.  Þar tók ég ákaflega vörubílsstjóralega pöntun, McTasty með beikoni, að sjálfsögðu supersize, og svo kaffi og Donuts á eftir.  Það vantaði bara að ég setti svo á mig derhúfuna og vippaði mér uppí rússneska vörubílinn minn þegar ég var búinn að borða.

Svo var það melodifestivalen um kvöldið. Ég er ekki alveg sáttur við keppnina þetta árið. Mér finnst að gæðin á lögunum séu mun verri en síðan ég fór að fylgjast með, 2006. Fyrstu tvö kvöldin voru skelfileg, fyrir utan náttúrulega Dolph. Þessvegna batt ég ákveðnar vonir við kvöldið í kvöld. Og þetta kvöld var vissulega mun betra en fyrri tvö kvöldin.

Alcazar fannst mér reyndar ekkert sérstakir og ég mundi það alltíeinu að hommar eldast einhvernveginn ekki vel. En þau komust í undanúrslitin. Svo var þarna svona þjóðlagaband sem var eiginlega norrænna en allt sem norrænt er. Eitthvað hefur greinilega breyst í tónlistarskólunum nú til dags. Mér varð nefnilega hugsað til þess þegar ég sjálfur var í tónlistarnámi. Þá voru stelpurnar sem spiluðu á fiðlur frekar ljótar en ég man ekki eftir að hafa rekist á svona stelpur þá.

Svo var ég að fíla þungarokksstelpurnar. Þrusulag, þrususöngkona og attitúd fyrir allan peninginn. Alveg pottþétt mál að þær þekkja fullt af mótorhjólaklíkugaurum sem geta stappað þig niður í frumumauk á notime. Alveg var ég viss um að þær myndu ekki komast áfram en þær komust allavega í undanúrslitin. Skárra en litlibróðir Ronaldos, hann Darin sem komst beint í úrslitin. Þökk sé því að allar unglingsstelpur eiga gsm-síma.

En vakt á morgunn. Meira síðar…………

Keizarinn kynnist öðru fólki

Keizarinn er eins og allir vita áhugamaður um að kynnast öðru fólki, öðrum þjóðum og menningu þeirra.  Hér kemur tilraun Keizarans til að kynnast nýju fólki, sem er auðvitað stórskemmtilegt.

Ég er að vinna með Finna sem heitir Jari ( að sjálfsögðu) og hann er endalaus uppspretta finnskrar speki.  Við erum sammála um það að Finnar og Íslendingar eigi mikið sameiginlegt og séum svona “hörðu” norðurlandaþjóðirnar

Svo vorum við að vinna á sal  þar sem var mjög heitt vegna sérstakna aðstæðna.   Mjög heitt.  Það hlakkaði í Jari og hann sagði að þetta væri svona eins og að vera í góðri sánu.  Keizarinn og Jari eiga það nefnilega sameiginlegt að vera báðir dyggir stuðningsmenn góðrar sánu.

Jari segir nefnilega að Svíar sitji í gufunni og vilji lesa Aftonbladet.  Hinsvegar eigi sánan að vera þannig að maður geti ekki tekið dagblað með sér vegna þess að það blotni í gegn á “no-time”.

Svo sagði Jari brandara.

Svíi og Finni setjast saman inn í sánu.  Báðir með bjór.  Eftir tíu mínútur segir Svíinn -  “Skál” og lyftir bjórnum.  Þá lítur Finninn á hann með fyrirlitningarsvip og segir “ætlum við að sitja í gufubaði eða ætlum við að tala saman”.

Meira af Jari síðar

Vetrarólympíuleikarnir

Ólympíuleikarnir eru byrjaðir.  Sjálfur er ég ekki mikill áhugamaður um vetraríþróttir fyrir utan Íshokkí.  Svíarnir byrjuðu í gær og sigruðu 2-0.  En það sem er skemmtilegast er alltaf þessi spenningur milli Svía og Norðmanna.  Nú vill svo til að Svíar eru komnir með hörku gönguskíðalið þannig að þá eru Norðmennirnir ennþá fúlari.  Sem er gaman.    Veit reyndar um eina manneskju sem er ekki sammála mér.  Vill meina að maður eigi að hugsa þetta svona samnorrænt og gleðjast yfir sérhverri skandinavískri medalíu og svo því að Íslendingar fái að lenda í sæti 60 af 61 þáttakendum.

En ég er ekki sammála þótt þetta sé voðalega falleg hugsun.

Norðmenn hugsa nefnilega ekki svona sjálfir.  Skíðagöngumaðurinn norski sem lenti í öðru sæti á eftir Svíanum sagði að það sem honum fyndist verst væri ekki að hafa ekki unnið, heldur að hann tapaði fyrir Svía.  Þar sést þeirra mentalitet.  Þannig að ef þeir vilja hafa það svona þá bara “in your face”.

Og svo er það sem Keizaranum hefur eiginlega fundist skemmtilegast á Ólympíuleikunum.  Það er nefnilega “trúðarnir fjórir”.  Norska Curlinglandsliðið.  Sjáiði búningana ?   Er hægt að taka “steikisman” á hærra plan????

Er hægt að niðurlægja menn meira ?   Það eru nú ekki beinlínis töffaralegt að spila curling en að niðurlægja sig meira, sjálfviljugur?

Þetta myndi engum nema Norðmönnum detta í hug….

Smá feedback um Meistaradeildina

Jæja, Meistaradeildin er hálfnuð, þ.e. fyrri umferð 16-liða úrslitanna.  Arsenal tapaði úti fyrir Porto 2-1 sem ég held að séu allsekkert úrslit til að væla yfir.  Þeir eiga heimaleikinn eftir og ensku liðin eru oft mjög mikið sterkari heima heldur en úti. Hvað varðar þann leik þá ætla ég að segja eitt.  Ég er orðinn hálf þreyttur á Arsene og afsökunum hans.  Hann er fínn þjálfari en hann er sko allsekki nógu harður hvað varðar yfirlýsingarnar eftir leiki.  Hvað er með þetta með aukaspyrnurnar ?  Hann kvartaði yfir því að þeir fengu ekki að stilla upp vegg.  Fengu ekki að vera undirbúnir.  En Arsene er kannski að verða gamall.  Keizarinn fagnar því að geta hjálpað gömlu fólki sem er farið að gleyma.  Lítum á hina frægu aukaspyrnu Thierry Henry með Arsenal á móti Chelsea fyrir nokkrum árum.  Chelsea er ekki búið að stilla vegg og Eiður tekur einn sinn hraðasta sprett á ferlinum og hlunkast til að reyna að segja vörninni að hann sé að fara að taka aukaspyrnuna.    Say no more……….

Önnur úrslit voru svona lala.  Bayern voru hreinlega heppnir á móti Fiorentina.  Þeir voru betri allan leikinn en Fiorentina lagði rútunni fyrir framan vítateiginn, náðu marki og léku mjög vel.  Hinsvegar var markið dýrmætt í lokin hjá okkur sem tryggði sigur 2-1.  Kosturinn hvað varðar útileikinn er svo sá að Bayern leikur alltaf svipað á heimavelli og útivelli á meðan Fiorentina er ekkert sérstakt heimavallarlið.  Menn eru ekkert með blys og læti þarna í Flórens.  Ef menn eru reiðir þá fara menn bara á listasöfn.

Keizaranum kom svo ekki á óvart leikirnir í fyrradag.  Lyon vann Real Madrid eins og venjulega.  Alveg merkilegt þetta tak Lyon á Real.  Real er sennilega komið í sömu áskriftina hjá vúddúkallinum á Haiti hvað varðar Meistaradeildina eins og Inter hefur verið í síðustu ár.  Guð veit hvað þeir gerðu blessaða kallinum en hann er sennilega fúll útaf húsinu sínu.

AC Milan er einfaldlega ekki gamla AC Milan og sigur Man Utd þarna kom mér ekki á óvart.  Miðað við hvað Man Utd eru sterkir á Old Trafford ( og dómarar taugaveiklaðir að dæma á móti þeim þar) þá held ég að þeirri viðureign sé einfaldlega lokið.  Einhvernvegin hentar ítölskum liðum alveg hrikalega illa að spila á móti enskum liðum.

Ósannar sögur…..

Sko, ég vil bara taka það fram að þessar fréttir búlgarskra fjölmiðla um meint samband Ásdísar Rán og Keizarans eru algerlega úr lausu lofti gripnar.  Eins og ég sagði við konuna í símann, aftur og aftur, þá er málið bara það að Keizarinn er túttukall.

Ásdís er ekki þannig kona.  End of story.  Þannig að þessar sögur eru algerlega ósannar.  Bara svo það er á hreinu.

Annars var Melodifestivalen í kvöld.  Dolph ekki með.  Reyndar var innslag með honum sem var frekar fyndið.  En hann er víst eitthvað upptekinn svo hann getur ekki verið með í næstu þáttum, en verður með á lokakvöldinu.  Svo er náttúrulega sprengjan í þessu öllu saman.  Ástæðan fyrir því að Dolph getur ekki verið með er sú að hann er að sinna kynningarstarfi í USA vegna kvikmyndar sem hann er nýbúinn að leika í.  Hvaða mynd er það ?   Jú, auðvitað testosteronmyndin með Stallone sem allir eru að bíða eftir.

Það er reyndar haft eftir Dolph að góðvinur hans, hann Stallone , verði með óbeint eða beint á úrslitakvöldinu.  Þetta er reyndar hálf óstaðfest en þetta ku víst Dolph hafa sagt í eftirpartíinu eftir fyrsta melodifestivalen.  Fullur eða ekki, skoðun Keizarans er sú að fullur Dolph er svalur Dolph.  Ekki spurning.  Ég bíð spenntur…………

Uppeldisskóli Keizarans

Ég hef áður komið með ýmsar hugleiðingar hvað varðar mig og dóttur mína, enda er náttúrulega Keizarinn alveg afburða góður uppalandi.  Nú var verið að ljúka við að lesa Kalla á þakinu, bók sem ég hata, þar sem mér er almennt illa við feitt og dónalegt fólk.  Svo gerist þetta auðvitað líka í Stockhólmi, sem er bara sorapollur.    En ég var að lesa kaflann um ræningjana.

….5mínútum seinna er kallað.
Dóttir – “Pabbi”
Keizarinn – “Já”
Dóttir – “Koma nokkuð ræningjar í kvöld ? “
- ok, þetta var erfið og jafnframt óvænt spurning en alltíeinu datt mér í hug snilldarmótrök……
Keizarinn – “Nei, það koma sko alveg örugglega engir ræningjar í kvöld”
Dóttir – “Ertu alveg viss? “
Keizarinn – “Já, sjáðu nú til. Sagan um Kalla gerist nefnilega í Stockhólmi. Það er alveg fullt af ræningjum
- ég fór reyndar ekki út í umræður um júggamafíuna og allt þetta sem Henke, nágranni minn hefur verið að segja mér, það kemur síðar…….
Dóttir - “Eru þeir þá bara í Stockhólmi ? “
Keizarinn – “Já, þeir eru bara þar. Þeir koma ekki til Uppsala. Ef þeir reyna að keyra þangað þá stoppar löggan þá á veginum, og þeir fá heldur ekki að fara í lestina”
Dóttir - “Jesú leyfir þeim það ekki heldur”
Keizarinn – “Nei, Jesú yrði alveg brjálaður ef hann myndi sjá þá reyna þetta.  Og það er sko ekki gott þegar Jesú verður brjálaður….”

En efaglampi var samt í augunum á henni, þannig að svo ákvað ég að spila út gulltrompinu sem tryggði sigurinn…….

Keizarinn - “Og svo er eitt enn….”
Dóttir – “Hvað er það ? “
Keizarinn – “Ræningjarnir myndu aldrei koma inn í húsið okkar “
Dóttir – “Afhverju ekki? “
Keizarinn – “Af því að ræningjar fara ALDREI inn í hús þar sem ortopedar eiga heima. Þeir þora því ekki !! “

…. og 5mínútum seinna var hún sofnuð. Hver sagði svo að barnauppeldi sé erfitt ??

Thanks for nothing…

Ég veit að það er alltaf hálf óhugnalegt þegar bloggarar skamma lesendur sína en stundum er það barasta við hæfi. 

Perlur fyrir svín, það segi ég bara.  3 leiftrandi pistlar og engin komment.  Ef ég væri nú með almennilegt gengi í kringum mig þá væri ég búinn að ganga í hringi í neðanjarðarbyrginu og senda út óteljandi menn í svörtum, ómerktum bílum til að ræða við fólk. 

Ef ég væri einstæð móðir í Æsufellinu þá liði mér eins og ég væri nú búinn að stofna alveg ótrúlega sniðuga umræðu á barnaland en enginn svaraði.  Þá væri sko farið í snakkpokana og diet kókið. 

En bíðið bara.  Ég ætla að halda áfram en ég vil allavega fá einhver respons.  Þá líður Keizaranum vel.  Og munið, að þegar Keizaranum líður vel, þá líður fólkinu vel.  Og á morgunn er það double date, þ.e. Keizarinn, hné og mjöðm.  Úff, getur ekki klikkað.

Portúgal í Laugardalinn

Jæja, þá eru riðlarnir klárir fyrir næsta EM.  Svíarnir hefðu alveg getað verið óheppnari, lentu í riðli með Hollandi, Ungverjalandi og Finnlandi.  Alveg viðráðanlegur riðill og Svíarnir bara nokkuð ánægðir.

Þjóðverjarnir fengu léttan riðil sem og Englendingar.  Reyndar merkilegt, út af fyrir sig, að yfirleitt lenda Englendingar og Þjóðverjar í léttum riðlum.  Það er gaman fyrir Englendinga að lenda í léttum riðli svo menn þurfi nú ekki að vanrækja skemmtanamenninguna og viðhöldin fyrir einhverja leiðinda landsleiki í riðlakeppninni.  Þeir komast hvort eð er aldrei langt í sjálfri úrslitakeppninni þannig að sem betur fer trufla þeir ekki stórmótin þegar stóru þjóðirnar spila leiki sem skipta máli.

Aðrir sem eru nokkuð ánægðir eru Íslendingar.  Allavega ef marka má orð Ólafs Jóhannessonar.  Hversu mikil steik er þessi maður ?  Alveg merkileg þessi viðbrögð hans.  Óli hefur lengi verið ofmetinn þjálfari.  Hann þykir víst svo “skemmtilegur” og orðheppinn og svona sérstök týpa.  Sérstök týpa, minn rass.  Hann hefur enga fótboltafílosofíu, ekkert vörumerki.  Hann er bara smíðadurgur sem segir mönnum að fara út á völl og berjast.  Svo svarar hann einhverju alveg út í hött á blaðamannafundi og þá er hann svo “skemmtileg týpa”.

Svo finnst mér alveg fyrir neðan allar hellur þessi viðbrögð hvað varðar riðilinn.  Þessi riðill er náttúrulega morð.  Portúgal, Danmörk, Noregur og Kýpur.  Portúgal og Danmörk eru mörgum klössum hærri en við en við gætum grísað af þeim einu stigi svona hér og þar.  Noregur eru á uppleið og ef einhverjir aðrir eru á uppleið, þá eru það Kýpur, ekki við.  Þannig að ef við summum þetta upp, þá er þetta hrikalegur riðill.

En viðbrögðin ?  Jú, mjög mikil ánægja.  Gaman að geta boðið fólki uppá að sjá stórstjörnur frá Portúgal eða Danmörku.  Ekki spurningin hvort við eigum einhvern séns, heldur að það sé gaman að svona frægt fólk komi til Íslands.  Svo við fáum fullan Laugardagsvöll, strákarnir í landsliðinu geti gert sér glaðan dag og KSÍ fái mikið í kassann svo þeir geti troðið fleiri dollaraseðlum innan á evrópska strippara og verið flottir á barnum í útlöndum.

En Ronaldo í Laugardalnum ?   In your dreams.  Haldiði virkilega að þessi hrokagikkur nenni að koma til Íslands til að spila á lélegum Laugardalsvelli móti einhverjum ófínum, íslenskum knattspyrnumönnum?   Nei, ætli hann verið ekki eitthvað “meiddur”…….   Svo eru sturturnar lélegar, það er kallt og svo er vond lykt í búningsklefanum í Laugardalnum.  Það er sko ekki gott fyrir Ronaldo.  Fyrir utan það að veðráttan færi væntanlega illa í mjöðmina á mömmu hans sem þarf að sjálfsögðu að koma með og passa uppá snyrtitöskuna hans.

Nei, ég á sko eftir að sjá það gerast………

The Dolph Lundgren show

Jæja, melodifestivalen byrjaði í gær.  Stundum hefur Keizarinn verið pínulítið gagnrýndur fyrir að horfa á það, vegna þess að það er ekki sérstaklega karlmennlegt.  En nú hafa sko hlutir gerst.    Nú er ég komið með vottorð um að harðir gaurar geti horft á melodifestivalen.  Og hver gefur út vottorðið ?   

Enginn annar en Dolph Lundgren. 

Já, ég veit ekki hver fékk þessa snilldarlegustu hugmynd síðari ára en þetta er einhvernveginn svo súrrealískt að það hlýtur að virka.  Dolph Lundgren er nefnilega einn af kynnum melodifestivalen í ár. 

Dolph þarf náttúrulega ekki að kynna.  Gaur sem er orðinn svona kult-legend, aðallega fyrir að vera hann sjálfur.  Og hann byrjaði með látum í gær.  Tanaður í drasl, gel í hárinu og smókinginn var eins og sniðinn á hann.  Svo er hann einu maðurinn sem hljómar töffaralega þegar hann talar sænsku. Sennilega því að allt sem Dolph gerir er kúl.  Svona eins og Chuck Norris.  Enda þekkir Dolpharinn alveg örugglega Chuck Norris, sem eru enn ein rökin fyrir því að allt sem Dolph gerir er kúl. 

Sjitt hvað ég ætla að líta út eins og Dolph þegar ég verð fimmtugur. 

En allavega.  Dolpharinn byrjaði með látum í gær og hreinlega átti kvöldið.  Hann kom keyrandi inn á mótorhjóli inn á sviðið með sólgleraugu ( sem fékk mig til að hugsa af hverju Dolph fékk aldrei að leika í Terminatormyndunum), spilaði á trommur, sagði brandara sem Keizarinn sprakk úr hlátri yfir ( það eru ALLIR brandarar fyndnir sem Dolph segir), braut íshellur með karatehöggi ogsvofrv. 

Hvar endar þetta eiginlega ?   Ég hvet  alla Dolph-fans á Íslandi allavega til að horfa á næsta melodifestivalen.  Það borgar sig.  

Lítum á videoið hér fyrir ofan.  Hinir kynnarnir eru hræddir, rafmagnið er farið?   Er verið að vinna skemmdarverk ?   Hvern kallar þú á ?   Auðvitað Dolph, sem kemur með stóran kyndil.  Kallar svo á nokkrar kellingar og byrjar að syngja og dansa, og bæþevei, mér finnst eftirtektarvert hversu töffaralega Dolph dansar og ekkert hommalegt við þessi dansmoves. 

Svo er náttúrulega legendariskt þegar hann fer á trommurnar og brýtur ísblokkirnar…..    Ég var að horfa á þetta í tölvunni og meiraaðsegja Bjarkinn sem venjulega hatar tölvuna, fór að hlægja og skríkja.  Hvað segir þetta okkur ?   Allir vilja vera eins og Dolph!!