Vesenið í arabalöndunum

Það er spennandi að fylgjast með Arabaheiminum þessa dagana.  Hvernig breyttist allt á einni nóttu.  Ja, reyndar ekki allsstaðar.  Í Líbýu er mesta stuðið núna og hvað getur maður eiginlega sagt um hann Ghaddafi?   Hvað segir maður um mann sem er með 15manna gullfallega sveit sérþjálfaðra lífvarðabeiba sem einkalífverði ?   Og núna er hann víst að berjast fyrir Líbýska fólkið gegn “nýju nasistunum” eins og hann víst orðar það ?  Hverjir eru það ?  Obama? Osama?  – Eða eru þeir kannski báðir saman í þessu samsæri gegn aumingja Ghaddafi og þetta 911 var bara stórt feik, bara til að undirbúa jarðveginn til að steypa Ghaddafi.  En það verður spennandi að sjá hvernig þetta fer…..

En í hinum löndunum hafa menn verið að tækla þetta á mismunandi hátt.  Í sumum löndum  þá gáfust stjórnvöld upp eins og í Túnis.  Í Egyptalandi tóku menn klassíkerinn á þetta, þ.e. herinn bara tók yfir.  

En besta lausnin er ekki þarna heldur í Saudi-Arabiu og Bahrain sem ég las um í dag.   Byrjun á Saudi-Arabíu.  Þar hafa menn sko heldur betur tögl og hagldir á múgnum.  Upphaflega var planeraður dagur reiðinnar en mótmæli voru einfaldlega bönnuð af stjórnvöldum.  Af hverju ?  Það stendur auðvitað í kóraninum.  Hver fer þá eiginlega út að mótmæla?  Og dagur reiðinnar ? Hvað gerir fólk þá ?  Lesa einni síðu minna í kóraninum þann daginn eða ?
En nú eru Saudarnir  að reyna að gera betur.  Þeir hafa séð að sér og hafa lofað að gera betrumbætur.  Þeir ætla skapa fullt af nýjum störfum fyrir óánægðu alþýðuna.  Og hvar ?  Jú, í öryggissveitunum sem hefur stjórn á almenningi.  Snilld.  Ég segi ekki annað. 

En Bahrain fer óhefðbundna leið líka.  Þar hefur fólk safnast saman á einhverju torgi sem er alþekkt af einhverju risastóru minnismerki.  Mig minnir að það heiti Perlutorgið. 

  Og hvað gera menn ef fólkið hlýðir ekki og safnast saman á fundarstaðnum ?  Jú, þú tekur bara í burtu fundarstaðinn.  Þeir fóru með gröfur og bora og ég veit ekki hvað og rifu burtu minnismerkið.  Og ætla að “breyta” torginu.  Seniilega breyta þeir því bílastæði fyrir einhverja skriðdrekaherdeildina eða hvað.  En hugmyndin er vissulega óvenjuleg og ég verð að segja að þetta er einhver mesta stjórnunarsnilld sem ég hef séð lengi………….

Samtalið við Ghaddafi

Ég veit að ég hef ekki verið neitt sérstaklega duglegur að blogga undanfarið en stundum kemur andinn yfir mann.  Kíkið á þetta.  Tveir einræðisherrar að metast.  Það er sko ekkert fyndnara en þetta. 

Kannski Keizarinn ætti að hringja sjálfur í Ghaddafi ?

Terry-klanið

Jæja ég ætla að halda áfram á örbloggsstílnum eins og Eiríkur Jónsson og koma núna með færslu um þetta.   Pabbi John Terry var laminn í klessu af Tottenham-áhangendum.  Var að lesa sorann þegar ég sá þessa fyrirsögn og gat ekki annað en skellt uppúr.   Einhvernveginn er þetta fáránleiki heimsins í hnotskurn en svo finnst manni þetta líka soldið fyndið af því að pabbi John Terry var laminn.   Og fyrirsögnin er einhvernvegin dásamlega súrrandi geðveikisleg.  Fínt á laugardegi.

Bréfasprengjurnar

Hvað er málið með allar þessar bréfasprengjur ? Einhvernveginn held ég að hryðjuverkamennirnir séu aðeins að missa kúlið núna. Eftir sprengjuárásirnar í London og Madrid og svo maður tali nú ekki um tvíburaturnana þá er þetta frekar stelpulegt og engan veginn töff.

Bréf eftir bréf. Í alvöru, hver opnar bréf sem er póstlagt í Yemen ? Eða “fjalllendi í Afganistan” ? Myndi maður virkilega opna svona pakka. Og hvernig bregðast menn við ? Jú, Grikkir stöðvuðu allan flugpóst til sín. En dramatískt !! Það þurfti sko enga sérsveit til að stoppa hryðjuverkin þar heldur nægði gamall fúllyndur kall á póstinum sem lokar einfaldlega lúgunni.

Hvað er eiginlega málið ? Eru hryðjuverkapíslarvottarnir allir búnir ? Er úlfaldaskortur ? Er kominn nýr skólastjóri í hryðjuverkaskólanum í Pakistan sem er alveg svakalega strangur og bannar allar “fræðsluferðir” og afturkallar öll leyfi nemanda svo þeir geti ekki lengur skroppið í heimsókn ? Er mullah Omar loksins búinn að fá sér sjónvarp og dottinn í sápur og hefur engan tíma fyrir vesen?

Sjáiði ekki fyrir ykkur 10manna hóp reiðra ungra manna sem eru komnir til hans og trufla hann yfir Oprah.
“Ha, hvað viljiði frá mér ?
“Meistari, gefðu okkur skipun”
“Æji, fjandans vesen. Ég hef ekki tíma fyrir þetta, getiði ekki bara sent einhverjar sprengjur í pósti og svona? ”

Annars sér maður alveg fyrir sér bálreiðan hryðjuverkamann með tryllingslegt glott og hlæjandi tröllahlátri á meðan hann setur frímerki á bréf og setur í póstkassann. ” Þið skulið sko ekkert halda að þið séuð betri en við, þið þarna rotnu Vesturlandabúar. Nú skulið þið sko fá að borga fyrir allar loftárásirnar. Ég set bara þessi bréf í póst og passið ykkur svo bara”.

Fín úrslit fyrir Obama

Keizarinn er að jafna sig eftir afar svæsna hálsbólgu og ákvað að vera heima í dag. Dagurinn byrjaði ljúflega. Farið inn á netið til að lesa um meistaradeildina í gær og svo að njóta kosningaúrslitana frá USA.

Hvað ætli Obama finnist um þetta ? Búið að taka veskið frá honum. Kemur engu máli í gegnum þingið. En ef ég þekki Obama rétt þá er þetta náttúrulega draumurinn. Hann er nefnilega sveimhugi með afskaplega pirrandi ranghugmyndir um hvernig heimurinn virkar en ekki stjórnandi. Í staðinn fyrir að pirra Keizarann með því að fylla bókabúðir af bókum með hugleiðingum um föður sinn, lífið og ástina og ég veit ekki hvað, þá getur hann sett þessar hugleiðingar sínar fram sem frumvarp. Sem verður náttúrulega fellt. Og svo getur hann komið í viðtal til fínu vinanna sinna, fitubollunnar Oprah og Jay Leno og talað um að hann hefði nú viljað breyta heiminum en vonda fólkið á þinginu stöðvi þetta.

Og allir geta haldið áfram að dýrka Obama. Sem minnir mig á það að í vinnunni um daginn spurði mig kona hvort ég væri ekki búinn að lesa bækurnar hennar Obama. Hún fékk bara kuldalegt nei. Svo sagði hún ” Það ættir þú að gera, þeir eiga eftir að breyta lífi þínu “.

Ég gat ekki einu sinni svarað. Ég bara horfði á hana og ákvað að hún væri lofttegund.

Erum við á réttri leið

Stundum velti ég því fyrir mér hvort heimurinn hafi orðið betri á undanförnum áratugum.   Stundum held ég ekki.

Ég var að fletta á milli sjónvarpsstöðva í dag.  Við dóttirin vorum nefnilega að leita að “The biggest loser”.  Það er uppáhaldsþátturinn okkar.  Fitubollur að æla eftir hlaupabrettið og svo hlægjum við alltaf jafn mikið þegar ein fitubollan brotnar saman og fer að gráta.  Stundum gráta þær svo mikið að síðuspikið og fitukeppirnir á upphandleggnum hristast alveg.  Það er extra fyndið.  Það er reyndar oft sem einhver fer að gráta í þessum þætti og alveg nauðsynlegt fyrir dramatíkina.

En svo rákumst við á annan raunveruleikaþátt.  Alveg ótrúlega feit kona sem býr með alveg ótrúlega feitum ketti.  Hann er svo feitur að hann gat ekki lengur sleikt á sér rassinn þannig að geðveika, snakkétandi kattakonan kom alltaf með tissjú og þurrkaði rassinn á kettinum.  Hversu sick er það ?

Svo ákváðu þau að taka sig á.  Konan fór í mælingu á spítala og kötturinn fór í mælingu á dýraspítala.  Og svo munu þau fara í átaka til að grennast.  Og fara í prógramm.  Og heimurinn fylgist spenntur með.  Í alvöru  ?

Forseti Írans í stuði

Nú er forseti Írans kominn á kreik aftur.  Skrýtni gaurinn með nafnið sem enginn getur stafað.  Svona þjóðarleiðtogar eru afar hressandi.  Alveg frábær náungi.    Alltaf þegar maður heldur að hann sé orðinn rólegur og hálfbúinn að glayma honum  þá segir hann eitthvað geðveikislegt.  Hann er svona eins og gaurinn sem maður bíður í partí og verður svo fullur og allir bíða í ofvæni eftir því að hann segi eða geri eitthvað hræðilegt svo fólk geti hlegið.

Eins og í gær.  Á fundi sameinuðu þjóðanna.  Frekar leiðinlegur og litlaus fundur eins og venjulega.  Menn berjast við að halda sér vakandi og menn eru svona að ræða áhyggjur.  Almennt.  Og þá kemur sko partíkallinn forseti Írans.  Fer að tala um að 911 hafi verið stórt samsæri.  Þetta hafi í raun verið Kananir sem hafi “sett þetta á svið”.  Og veit einhver afhverju hann fór að tala um þetta núna?  Það er allavega helvíti hart þegar meiraaðsegja Fidel Castro er farinn að sussa á bullsögurnar manns. 

Ætli hann sé virkilega svona brjálaður eða er þetta bara frontur?   Reyndar  talaði ég einu sinni við gaur frá Íran.  Ég notaði tækifærið þegar við vorum komnir á chattið og spurði beint út hvað málið væri með forsetann.  Og sá vildi meina að þessi gaur væri einfaldlega ekkert sérstaklega skarpur og hann meinti virkilega það sem hann segði.  Hann væri svona ” þykist vera vondur en væri bara góður”.   

En svona í alvöru.  Hvað er með myndina af íslensku sendinefndinni allri sofandi undir ræðu Mugabes.  Er það kúl?   Þó að maður hafi verið á djamminu kvöldið áður þá reynir maður nú að virðast vakandi. 

 Fyrir utan það að Keizarinn myndi sko aldrei sofa undir ræðu Mugabes. Það hefði verið kúl að sofa eða hreinlega hrjóta undir ræðum Norðmanna, Englendinga, Hollendinga og jafnvel Bandaríkjanna, bara svona útá flippið. 

Hinsvegar   eru alltaf  nokkrir þjóðarleiðtogar sem eru nógu klikkaðir til þess að mann langar að hlusta á þá.  T.d. forseti Írans, Chavez og svo Mugabe.  Og náttúrulega Pútin.  Ég myndi aldrei þora að sofna undir ræðunni hans.  Hann er sko pottþétt með snipera útum allt í salnum.  Eitt lítið hóst og þú ert farinn að sofa með fiskunum…………

kosningarnar, taka tvö

Ég er ekki alveg að fatta þessar kosningar hérna í Svíþjóð.  Um helgina var kosið og svo var náttúrulega talið.  Og svo voru niðurstöður kynntar.  Allt eins og venjulega, so far.  Svo kom reyndar upp svolítið óvenjuleg staða að ríkisstjórnin varð hærri en andstæðingar sínir en ná ekki hreinum meirihluta.  Það er sennilega þetta sem vitru mennirnir kalla stjórnarkreppa.

En hvað gerist svo.  Nú er einhvernvegin komin spenna í þetta aftur.  Það á eftir að telja fullt af atkvæðum.  Og nú gæti stórnin náð hreinum meirihluta, skyndilega.  Það kemur víst einhver botn í þetta í dag.

Þetta er farið að minna mig á Flórida, þ.e. Bush-Gore kosningarnar.    Og það minnti mig einmitt á skemmtilega staðreynd sem ég rakti óumbeðinn í löngu máli fyrir konu mína í dag.  Muniði eftir því þegar talið var formlega aftur í USA ?  Nei, sennilega ekki.  Það var nefnilega ekkert skemmtilegt.  Sú frétt var ekkert sexy.  Þegar talið var aftur þá var nefnilega Bush með enn meiri mun en áður.  Hvað ætli Egill Helgason og gáfuðu mennirnir á interneinu hafi sagt við því.   Og hvað ætli Al Gore hafi étið marga snakkpoka það kvöld.

Kosningarnar

Það voru kosningar hérna í gær og allir eru brjálaðir.  Þær fóru nefnilega ekki eins og fólkið vildi.  En var ekki annars fólkið að greiða atkvæði ?   Þetta er eiginlega algert deja vu og ég vil skýra þetta “austurríska paradoxið”.

Er ekki lýðræði skemmtilegt.  Það finnst allavega mér.  En núna er skyndilega lýðræðið fúlt af því að fólkið kaus vitlaust.

En það var samt fullt af aröbum í Maxi áðan.  Þeir virtust hvorki reiðir né hræddir.

En ég hef áhyggjur af E-man.  Hann er farinn að hóta mér í kommentakerfinu og dæla út reiðilegum statusum á facebook.  Vinna með reiðina, það er mitt ráð.  Eða þá að berja einhvern.  Manni líður þá betur á eftir.

Misskilningur smáþjóðar

Getur einhver útskýrt fyrir mér hvað Danir eru að pæla þessa dagana ?

Einu sinni voru þeir bara lítil sæt þjóð sem gafst meiraaðsegja upp í seinni heimstyrjöldinni þegar þeim var hótað loftárásum. Ég held að það hafi minna en 20menn fallið í “innrásinni” og örugglega einhverjir af þeim dottið fullir niður tröppur eða eitthvað.   Það nægði.  En nú er annað uppi á teningnum.  Þeir mössuðu islamistana í myndadeilunni fyrir nokkrum árum, hálfgerður rasistaflokkur er í ríkisstjórn  og svo  eru þeir farnir að reyna að skjóta á loft eldflaug.  Já, eldflaug.

Hvernig væri nú að einhver tæki sig til og útskýrði fyrir þeim hvað þeir í raun og veru eru.  Nefnilega lítið sætt land sem drekkur bjór og vínarbrauð, er oftast í góðu skapi og býr til góðan mat.  Engum til ama.  Það er lögmálið um Danmörk.