Sameiginlegt áhugamál

Nú er hún komin í vandræði aftur. Langt síðan að maður hefur heyrt frá henni.  Svo er nú búið að kæra hana fyrir fjársvik og er komin fyrir dóm.  Þar ætti hún nú að kannast við sig.  Auðvitað var þetta tragísk saga osfrv.

  Hinsvegar held ég að hann Halim sé bara hress og kátur þessa dagana.  Ég hringdi í hann þegar ég sá þessa mynd og hann frussaði af hlátri í símann og sagði ” Er Soffía borðaður mikið? “   

Ég reageraði reyndar á myndina af henni og lögfræðingi hennar í réttinum.  Þau hafa greinilega sameiginlegt áhugamál.  Þetta er sko ekki fólk sem skippar hádegismatnum, eða tekur bara svo og svo eitt epli á hlaupum.  Nei.  Þarna var sko enginn hádegismatur undir 1klst.  Maður verður nú að næra sig……

Hvað er málið með moggann??

Hvað er eiginlega málið með moggann og Davíð ?  Allt vitlaust í þjóðfélaginu og meiraaðsegja alþingismenn berja sér á brjóst og tala um aðför að lýðræðinu, prentfrelsinu og ég veit ekki hvað. 

Síðast þegar ég vissi þá var mogginn ennþá einkafyrirtæki.  Þá má maður einfaldlega ráða þann sem maður vill.  Ef ég myndi ákveða að ráða pedophil á flotta tímaritið mitt sem ritstjóra þá má ég það.  Punktur.    Og hvaðan koma þessar “fréttir”.  Hafa einhverjir pælt í því ?  Eða er það of leiðinlegt? 

Meiraaðsegja Jón Ásgeir hefur miklar áhyggjur af þessu.  Það kemur nú úr hörðustu átt.  Þetta er svo mikil dramatík að Egill Helga hefur orðið að auka skammtinn sinn um helming á morgnana og svo er virkilega rifist um hvort Sveinn Andri hafi verið áskrifandi að Mogganum, eftir að heilsíðuviðtal kom um hann um daginn þar sem hann sagðist hafa sagt upp Mogganum!!   

Hinsvegar hljóta vinstrimenn að gleðjast yfir þessarri frétt svo þeir geta sko rætt mál sem raunverulega skipta máli.  Ekki einhver leiðinleg mál eins og ICESAVE, það að bjarga heimilunum eða hvort miðaldra lesbíur séu í vitlausum störfum sem þær ráða ekki við. 

Nei.  Þetta verður fínt.  Loksins getur Keizarinn farið að lesa moggann aftur.  Loksins verður hægrisinnað blað aftur á markaðnum sem mótvægi við þessu linkulegu frjálslyndu blöð eins og Fréttablaðið, vísi og dv.   

Annars sé ég tækifæri í þessu.  Þarna verður jafnvægið endurskapað í stjörnukerfinu eins og menn sögðu í Star Wars. 

Mogginn verður blað íhaldssams, vonds fólks.  
Fréttablaðið verður blað 101kaffilatte elítunnar.   
Vísir verður blað almennra hálfvita og þeirra sem vilja geta lesið almennilegar kjaftasögur og svo verður dv.is fyrir heimskar, brúnar stelpur sem geta ekki lesið annað og svo málgagn unglingagreddunnar þar sem mikið er af myndum af fræga fólkinu.  Ég veit að ég hefði sko legið inni á dv.is ef ég væri 12ára strákur líka.

Allavega. Keizaranum líður bara vel. Hvað er vandamálið ? Eru ekki bara allir sáttir. Ég get lesið Moggann og hinir hafa eitthvað að hneyklsast yfir. Bara eitt sem ég vonast eftir. Í hreinsununum á Mogganum sem standa yfir má ekki gleyma íþróttadeildinni. Þar eru alltof margir FH-ingar. Í hreinsunum felast nefnilega tækifæri að losa sig við óæskilega menn……..

Af sorppressu og tölfræðilegri óheppni

Það eru nákvæmlega svona fréttir sem sýna manni enn einu sinni framá hversu miklir sorpsneplar dv og visir eru orðnir.  Þetta er orðið svona eins og dagblaða-séð og heyrt.   Í dag gat maður t.d. lesið um að Paris Hilton hafi farið í sleik við kærastann sinn á skemmtistað og því að Mariah Carey sé að fitna.  Svo að Jordan hafi bannað manninum sínum sem hún stendur í skilnaði við, að hitta börnin í dag. 

En einhvernveginn kemur maður alltaf aftur á þessar síður.  Svona álíka og maður reynir alltaf að lesa Séð og Heyrt ef maður getur flett því einhversstaðar.  Myndi samt aldrei kaupa það. 

Reyndar ein pæling í lokin.  Hvernig ætli manninum með númer 76 hafi liðið þegar hann stóð þarna í biðröðinni og beið eftir gullinu. Jafnvel búinn að taka smávegis Viagra.  Hversu óheppinn getur einn maður verið?  Get vel ímyndað mér að hann hafi látið nokkur vel valin orð falla. 

Þetta minnir mig á eina sögu sem ég heyrði einu sinni af heima fyrir mörgum árum.  Einn gaur var að deita strippara heima.  Svo á hann afmæli.  Stripparinn hringir í hann áður en hún fer  að vinna um kvöldið, óskar honum að sjálfsögðu með afmælið og tilkynnir honum að hún sé með soldið “óvænt” þegar hún komi heim eftir vinnu.  Nú, hvaða ályktun myndi sérhver karlmaður í þessum sporum draga ?   Jú, gaurinn dró náttúrulega sömu ályktun, gerði sig kláran í treewayið með kærustunni og vinkonu hennar og tók alveg heilmikið Viagra til að gíra sig upp, áður en hún kæmi heim.  Svona eins og maður tók oft 1-2bjóra áður en maður fór í partí.  

Svo er það besti parturinn.  Vinkonan kemur heim og tilkynnir gaurnum að þetta óvænta væri nú því miður að hún væri byrjuð á túr.  Það gleymdist hinsvegar að segja litla ofurstanum þetta.  Svo fór honum að líða verr og verr og endaði að sjálfsögðu á sjúkrahúsi.   Þannig endar þessi fallega saga.

Plástur á meiddið-bullandi orka……..

Orkuplástrar eru aðal hittið í dag.  Las alveg ógleymanlega grein um þetta á netinu í dag sem alveg bjargaði deginum.  Maður veit varla hvar maður á að byrja.   Það er allavega ljóst að þetta “one born every minute” er enn í fullu gildi.  

Lítum aðeins nánar á gullkorn úr þessari grein.  Þessir plástrar eru sko ekkert svona rusl eins og nebbaplástrarnir sem menn notuðu.  Allir voru hættir að nota þá eftir nokkra mánuði en einhvernvegin gleymdist að segja Einari Þór Daníelssyni þetta.  Hann skeiðaði upp kantinn hjá KR með plásturinn á nebbanum þónokkuð lengi.  Hann hefur sennilega ekki verið áskrifandi að neinum fjölmiðlum og þessvegna ekki fengið að vita þetta.  Og auðvitað var það plásturinn sem jók úthaldið hjá honum en ekki einhver leiðinda úthaldsþjálfun.  Hugsið ykkur hvernig yfirferðin hefði verið hjá Andreas Brehme ef hann hefði fengið nefplástur!!!  

Allavega.  Það eru víst til allskonar plástrar.  Orkuplástrarnir svínvirka og gefum Bjarna Guðjónssyni orðið.

„Ég hef fundið mun á orkunni hjá mér og verð minna þreyttur með plástrana“.  Ok, hann skilgreinir reyndar ekki hugtakið orka en hann verður allavega minna þreyttur. Og það er ekki nóg með að hann noti orkuplástrana heldur eru sko til fleiri týpur á póstlistanum…. Í greininni kemur nefnilega fram að “ hann spilar með orku- og liðleikaplástra en hægt er að fá alls konar plástra, meðal annars til þess að sofa betur og jafnvel grennast“.  

  Já, ég hugsa að margir skildu vilja vita hvernig þessir “liðleikaplástrar” virka.  Og auðvitað.  Auðvitað.  Auðvitað hafa plástragaurarnir hugsað fyrir plástrum sem láta fólk grennast.  Hvað annað. Enda stefna þeir ótrauðir á Ameríkumarkaðinn með þetta.   Honum finnst kannski plásturinn hjálpa meira heldur en segularmbandið sem hann keypti sér í fyrra.  Þó ber að geta þess að hann hefur greinilega ekki notað plásturinn lengi ef rýnt er í Bjarna beran á ofan á myndinni.  Þetta þarf kannski að byggjast upp í kroppnum áður en þetta byrjar að virka.?

EN áfram um plástrana góðu.  Fram kemur hjá Bjarna að “hann setur plástrana annað hvort á bringuna eða fæturna á sér“.

  Já, þetta eru svo öflugir plástrar að maður getur meiraaðsegja ráðið hvar maður setur þá.  Spurningin er hvort hann setji þá á skotfótinn svo hann fái meiri “orku” í skotin.  Maður gæti jafnvel prófað að setja hann á liminn, hvað ætli gerist þá?  Endalaus orka.   Spurningin er bara hvað gerist ef maður setur hann á hausinn á sér. Það kæmi mér nefnilega verulega á óvart ef framleiðendurnir væru ekki búnir að þróa svona “einbeitingarplástra” eða “kvíðaplástra”. 

En afhverju stoppa þar ?  Af hverju ekki bara fara alla leið og þróa “gáfnaplástur”.  Sem maður setur að sjálfsögðu á “heilastöðina”.   

En snúum okkur því næst að honum Jónasi, hinum Keflvíska fyrirliða Kr-inga. 

” Ég finn fyrir smá orku þegar ég er með plástrana. Samt ekkert sem ég hef tekið mikið eftir. Þetta er ekkert eins og að fá vítamínsprautu,” segir Jónas Guðni, sem hefur spilað með þessa plástra í síðustu tveim leikjum.  

Jú, hann finnur fyrir smá orku en í næstu setningu segir hann samt að hann hafi nú varla tekið eftir því.  Ok, ekki beint rökfræði að hætti Aristótelesar en virkar samt.  Og þetta er ekkert eins og að fá Vítamínsprautu.  Allir vita nú að vítamínsprautur gefa mikið “kick” enda er Bvítamín í rasskinnina ákaflega örvandi.  Akkurat þessvegna er stuldur á B og C Vítamíni úr apótekum gífurlega mikið vandamál þar sem fíklar sækja mikið í þessi “örvandi efni”.  

Svo heldur Jónas áfram. Ég fór á fyrirlestur og varð hrifinn. Það er ekkert í þessu sem á að fara inn í líkamann en á samt að hjálpa manni” .

  OK.  Þetta fer semsagt ekki inn í líkamann en fer samt eiginlega inn í líkamann, ekki satt.  Því ef þetta hefur engin áhrif á líkamann þá ætti það að hafa álíka áhrif eins og Hello Kitty plástur hefur á sáragróanda dóttur minnar, ekki satt?

En. Svo kemur gullna setningin sem hefur væntanlega verið endurtekin og endurtekin og endurtekin á þessum frábæra fyrirlestri.   Nefnilega “þetta eru bara vísindi og ekkert annað“.  

 Nema hvað.  Frábær útskýring.  Svona eins og einhver spyrði mig, jæja, hvernig virkar nú þessi meðferð sem ég er að fara í ?  Og þá svara ég bara, “jú, þetta eru bara bullandi vísindi , skilurðu….”

Þetta örvar nefnilega rafsegulsvið líkamans.  Hmm, hljómar kunnuglega.  Og svo kemur alveg frábær skýring frá gaurnum sem eru að selja þetta, jú, að sjálfsögðu vísindaleg skýring :

Þetta er lokað kerfi. Það eru engin efni, krem eða lyf sem fara inn í líkamann sjálfan heldur eingöngu tíðni. Þessi tíðni verður til við sambland sykurs, súrefnis og blöndu af amínósýrum sem eru inni í plástrinum. Það er í raun og veru bara hómópata-remedíur. Þetta eru náttúruleg efni.”  

  Ok, reynum að skilja þetta aðeins.  Þetta eru náttúruleg efni, jafnvel hómópatísk efni en í sömu setningunni kemur fram að það eru engin efni sem fara inn í líkamann.  Þetta snýst bara um tíðni (þið munið, rafsegulbylgjurnar).    Samt er personal favorite þetta með “lokaða kerfið”.   Kannski hoppaði maður yfir margar blaðsíður í bókunum á sínum tíma en hvaðan í fjandanum kom þetta lokaða kerfi?    Alger schhnilld !!

Og það besta er að hann er svo ósvífinn að dissa svo sjálfa nefplástrana og segir að þetta sé sko ekkert svindl eins og nefplástrarnir, þetta er jú vísindi. 

Já, Keizarinn skilur þetta allavega ekki.  Sennilega er ég bara ekki nógu klár. EN þetta var allavega skemmtileg frétt.  Vonum svo bara að plástrarnir fjúki ekki af í rokinu í Grindavík í kvöld.

Hesturinn í Gävle

Gävle heitir bær sem er aðeins norðan við mig.  Þetta er svona harður, skrýtinn íshokkíbær og miðbærinn myndi sóma sér vel í hvaða Austur-þýsku borg sem er. 

Þeir eiga reyndar eina fjandi fyndna hefð.  Frá árinu 1966 hefur verið settur upp svokallaður “halmbocke”.  Þetta er svona hestur sem er gerður úr hálmi og voðaleg tradition í Svíþjóð.  Hinsvegar hafa æringjarnir í Gävle ákveðið að hafa sinn alveg rosalega stórann, 13m á hæð.  

Keizarinn hefur meiraaðsegja heiðrað halmbocken með nærveru sinni eftir að hafa verið vísað frá á veitingastað þar sem hann ætlaði að snæða á.  Jú, ég veit, alveg ótrúlegt, en svona er þetta skrýtinn staður. 

Allavega.  Það sem er fyndið við þetta er að það er einhver hefð þarna að kveikja í þessum hesti.  Frá því 1966 þegar hesturinn var fyrst settur upp, hefur verið kveikt í honum 22sinnum, aðeins 2x hefur verið upplýst hver hefur verið að verki.   Þannig hefur skapast svona bæjaríþrótt, hver verði fyrstur að kveikja í hestinum. 

Hesturinn hefur logað þrátt fyrir öfluga gæslu, eldvarnarefni spreyjað á hann og meira að segja hefur verið kveikt í honum í brjálaðri rigningu.   Fyndnasta við þetta er að fyrir nokkrum árum var það bandarískur túristi sem kveikti í honum og hélt að það væri “einhver svona tradition”.  Hann setti bara kveikjarann upp að einum fætinum á miðjum degi, beint fyrir framan einhverjar barnafjölskyldur og kveikti í.   Engu munaði víst að hann yrði “lynchaður” á staðnum.   Í fyrra gerðist það undraverk að hesturinn lifði af allan tímann framyfir áramót. 

Ástæða pistilsins er að í nótt tók sig einhver til og kveikti í hestinum.  Í gær var víst gerð tilraun en þá sviðnaði bara einn fóturinn.   Húrra fyrir sænskum jólahefðum……

Kreppan og Vladimir frændi

Það væri að bera í bakkafullan lækinn að fara að demba inn einu blogginu enn um þessa blessuðu kreppu.  Hinsvegar verð ég að játa að Keizarinn hefur fylgst mikið með undanfarið.  Vandamálið er hinsvegar þetta offramboð á fjölmiðlum og fjölmiðlamönnum sem skapar svona “information overload”  .  

Verð hinsvegar að fá að viðra skoðanir Keizarans á nokkrum málum. 

Vissulega má kenna útrásargaurunum um þetta.  Þeir fengu algert frjálsræði til að gera það sem þeir vildu, gerðu það kannski svo sem vel, og voru margir hverjir góðir í PR og töluðu með klofinni tungu um mátt mammons.  Margir vildu verða eins og þeir og hrifust með.  Eftirlitskerfið brást og það verður að segjast eins og er að forvarnir er ekki sterkasta hlið okkar Íslendinga.  Hinsvegar gat enginn séð það fyrir hversu hart þessi skellur kæmi niður á okkur.  Nú er staðan svona, hvort sem okkur líkar betur eða verr. 

Það er lærdómsríkt hvernig ríkin í kringum okkur tala um okkur núna.  Mín ráðlegging er að hlusta vel og MUNA.  Við skulum ekki gleyma því að við erum stolt þjóð og við erum sjálfstæð.  Munum til dæmis eftir Dönunum sem maður gat lesið um í dag sem efndu til söfnunar fyrir Ísland á Strikinu og afhentu svo klinkið í sendiráðinu.  Það er nefnilega eitt að ákveða að hjálpa ekki, annað að ekki bara ignora mann heldur actually snúa hnífnum í sárinu. 

Við erum komin í stöðu þar sem við getum því miður ekki lengur gert mörg skilyrði heldur verðum að þiggja hjálp, frá þeim sem hafa áhuga að veita hana.     Niðurstöður mínar eru eftirfarandi

Mér finnst að við ættum að segja okkur úr NATO.   Jú, allir vildu hafa okkur með, en enginn hefur áhuga á að standa með okkur í fjárhagslegu stríði.  Segir okkur það ekki eitthvað ef það væri í rauninni stríð í heiminum, hversu mikinn stuðning fengjum við í raun.  Mér finnst í raun að NATO ríkin hafi afhjúpað áhugaleysi sitt gagnvart okkur þessa dagana.  Þetta myndi valda uppnámi og menn myndu koma skömmustulegir til okkar og biðja okkur um að koma aftur, en sorrí, þið getið étið skít………..

Við þiggjum lánið frá Rússum.  Ef Rússar vilja einhverja fyrirgreiðslu varðandi það , þá verður það að vera þannig.  Hverjir ættu annars að hjálpa okkur.  Bandaríkjamenn?  Bretar?  Nú þetta lið getur farið í rassgat og hefur einmitt þessa dagana sýnt “vinarþel sitt ” í verki.  Ef NATO fer að skipta sér af þessu þá segjum við þeim að éta skít, og biðjum bæþevei, takk fyrir hjálpina þarna um daginn…….    

Bretar ?   Þetta að setja á Ísland lög um hryðjuverkavarnir, það er auðvitað ekkert annað en slit á stjórnmálasambandi.  Til hvers eru þessar viðræður ?   TIl hvers eru Bretarnir að senda viðræðunefnd til okkar núna?   Ég legg til að við slítum stjórnmálasambandi við Breta, snúum sendinefndinni til baka strax í Leifsstöð og rekum sendiherra þeirra úr landi.  Í alvöru.  Hversu mikið þarf að móðga okkur til að menn bregðist við.  

Bandaríkin ?   Þeir hafa í raun komið mjög illa fram við okkur alveg síðan herinn ákvað að fara.  Það er búið að biðja þá 2x um lán,  þeir gerðu lánasamninga við allar Norðurlandaþjóðirnar NEMA Ísland.  Hversvegna ?  Jú, vegna þess að þeir gefa skít í okkur, og það er ekkert nýtt.  Finnst ekki að við ættum að slíta stjórnmálasambandi við þá eins og Breta, en hinsvegar er hægt að leika sama leik við þá.  T.d. liggur fyrir ósk frá bandaríska sendiráðinu í Reykjavik um að byggingarleyfi fáist til að byggja varnarvegg við sendiráðið.  Því á að hafna.  Leggja sig nánast fram um að gera þeim erfitt fyrir á allan hátt. 

Og svo í lokin.  Kaupmannahafnarferðin er off!!!    Var búinn að lofa konunni að fara með henni til Köben einhverntímann á næstunni.  Til Danmerkur stíg ég ekki fæti framar.  Henni hefur verið tilkynnt um ákvörðun Keizarans…………….

Dominoáhrifin

Já, Keizarinn hefur verið hugsi yfir ástandinu heima undanfarið. Ætlaði að koma með einhverja langa færslu en svo er ég einhvern veginn ekki í stuði til þess. 

Málið er að allir hafa skoðun á þessu en fæstir hafa eitthvað vit á málunum svo hægt sé að fjalla um þetta eitthvað vitrænt.  Fyrir það fyrsta, heldur viti borið fólk virkilega að málið sé að Davíð sé að hefna sín á Baugi ?   Er einhver sem virkilega trúir því ?   

Fjölmiðlarnir hafa auðvitað farið hamförum og ef þú lýgur einhverju nógu oft þá endar það með því að flestir trúa því.   Hinsvegar er áhyggjuefni hve Glitnir var fljótur að hrynja.  Eitt stórt lán sem þeir gátu ekki borgað og allt stendur og fellur með því.  Hugsið ykkur hve mikið er búið að eyða í yfirstjórn, sporslur og fleira.  Mennirnir á súperlaununum sem eru náttúrulega verðskulduð af því að “þeir eru svo klárir og undir svo miklu álagi” náðu ekki að bjarga þessu ?    Það er reyndar gaman að segja frá því að Keizarinn hefur kýlt Lárus bankastjóra endurtekið í andlitið fyrir nokkrum árum, það var reyndar á Karateæfingu.  Þá hét hann bara Lalli.   Þetta var áður en hann varð trilljónsinnum ríkari en ég, enda mun klárari strákur og hefur mikla ábyrgð í vinnunni, ólíkt Keizaranum. 

Af hverju í ósköpunum áttum við skattgreiðendur að fjármagna áfram þessa neyslu sem þeir voru sjálfir búnir að reka í þrot ?   Lán ?   Hver er tryggingin fyrir því að þetta sé borgað til baka ? .  Það er athyglisvert að fyrir 2-3vikum heyrði ég viðtal við sænska fjármálaráðherrann sem sagði að þetta væri einmitt það sem Svíar myndu gera, þ.e. einkafyrirtæki fengju ekki eyri úr ríkiskassanum nema að kæmi hlutur í fyrirtækinu til baka.  Auðvitað.  Og svo er þetta alltíeinu orðin villt hugmynd úr höfði hins geðveika Davíðs. 

Nei, nú er nóg komið.  Hinsvegar verður fróðlegt að sjá hvað gerist næst og málið er einmitt að enginn veit hvað er að gerast ?   Hversu slæmt verður þetta ?    Áhyggjuefni er einnig að Baugur er orðið að stjórnmálasamtökum og reka áróður fyrir opnum tjöldum dag eftir dag.  

 Kenning Keizarans er að þetta sé svona “Nature strikes back”.  Þessir peningatímar hafa orðið til að ýmsir hafa orðið stjarnfræðilega ríkir og það hefur myndast svona vísir að aðal á Íslandi.  Þessi aðall hefur talið sig yfir aðra hafna og reynt eins og hægt er að sneiða hjá alþýðunni.  Þegar þú flýgur þá ferðu á PJ því að Saga Class er bara fyrir ríkisstarfsmenn á leiðinni á fund, þegar þú ferð út að borða þá er bara púkó að fara á Holtið, afhverju ekki fara á staðinn þarna í París sem Hannes sagði að væri svo góður……..

Þetta er eitthvað svo óíslenskt.  Stéttaskipting hefur aldrei verið við lýði á Íslandi.  Þessvegna held ég að Náttúran sé að eyða þessu út af sjálfu sér.  Sjáum til með það.

Skandall í Munchen

Þvílíkur skandall í gær.  Bayern Munchen – Werder Bremen 2-5.   Ekki bara eitt stærsta tap Bayern á heimavelli í áratugi heldur er þetta í FYRSTA SKIPTI sem Bayern tapar heimaleik á meðan Októberfest stendur yfir.  Og til að kóróna niðurlæginguna þá komust Werder Bremen í 5-0. 

Góðu fréttirnar eru að Franck Ribery er nánast orðinn leikfær og verður væntanlega með í næsta leik.  Geri nú ekki ráð fyrir því að Klinsmann sé í góðum málum.  Við efasemdarmennirnir ákváðum að taka honum opnum huga en nú fer manni að verða nóg boðið.  Og höfum í huga að Keizarinn er forgiving í samanburði við Skuggaráðið, Rummenigge, Beckenbauer og Höness.  Allavega var haft eftir Rummenigge um daginn að Klinsmann hefði fengið nokkuð frjálsar hendur og gert miklar breytingar í klúbbnum.  Og ef breytingarnar skila ekki árangri þá eru þetta bara breytingar, breytinganna vegna.  Skilar það einhverju ???

Allavega.  Jürgen, farðu nú að skila árangri, það eru margir enn óþolinmóðari menn en Keizarinn sem eru farnir að anda niður hálsmálið á þér, vinur.

Tae Kwon DO steikurnar……

Alveg vissi ég það að þetta Tae kwon do yrði til vandræða. Þetta var fyrsta bardagaíþróttin sem tekin var inná Ólympíuleikana árið 2000, við bókstafstrúarmenn í bardagaíþróttum teljum ekki júdó með.  Var nefnilega að lesa í blöðunum hérna að í dag réðst Tae Kwon Do maður frá Kúbu á sænskan dómara eftir að hann úrskurðaði honum í óhag á Ólympíuleikunum.  Hann tók hringspark fyrir allan peningin eftir að ákvörðunin varð ljós. 

Hann er strax kominn í ævilangt keppnisbann og fer væntanlega í það þegar hann kemur heim til Kúbu að finna sér stórt dekk sem hann getur flotið á til Miami……  ásamt þjálfaranum sínum sem fer líka í bann.

Bardagaíþróttir eru nefnilega list.  Þetta er samspil austurlenskrar heimspeki, íhugunar og svo náttúrulega líkamlega faktorsins.  Margir iðkendur hafa því miður afskræmt þetta form og einbeitt sér eingöngu að þriðja þættinum.  Vitað var að Japaninn Kanu, sá sem ”bjó til “  Judo, var mjög uppsigað við þessa þróun.  Hann lét hafa það eftir sér endurtekið að hann sæi eftir þeim degi sem Judo varð að kommercial íþrótt.  Menn fóru að æfa þetta með keppni í huga, gáfu fan í pælingarnar og heimspekina á bakvið þetta og fóru að hugsa um að skora stig og vinna glímur.  Þetta er orðið svo gróið í Judo að mér skilst að þú getur t.d. ekki tekið svart belti lengur nema sína framá vissa keppnisreynslu sem er náttúrulega fáránlegt.

Vestrænir iðkendur fóru t.d. að lyfta eins og geðsjúklingar og fóru að taka hvert mótið á fætur öðru.  Japanirnir klóruðu sér í hausnum og fóru svo að lyfta líka.  Náðu þá undirtökunum aftur. 

Tae Kwon Do er kóresk íþrótt og byggist fyrst og fremst á spörkum.  Hugmyndin á bak við þetta var víst að geta sparkað niður riddara ríðandi á hesti þannig að þú náir honum á jörðina til þín.  Þessvegna eru þessi rosalegu háloftaspörk.   Þetta er voðalega flott íþrótt fyrir yfirborðskenndar manneskjur, þú getur tekið hringspark sem nær 5metra uppí loftið en það er engin speki á bak við þetta og sem sjálfsvörn er þetta bara djók.  Þú getur verið rosalegur sykurpabbi með þín hringspörk og farið í spígat án vandamála en lendi svona maður í alvöru bardagaíþróttamanni þá verður hann stappaður í mauk. 

Þessi uppákoma sýnir á hve lágu plani þetta er orðið.  Keppnin skiptir öllu máli, ekki heiðurinn.  Það er t.d. vitað mál að í Japan eru fjöldi Karate-manna sem gætu orðið yfirburðarmenn í greininni ef þeir yfirhöfuð myndu keppa.  Því hafa þeir engan áhuga á þar sem þeim finnst bara hugsunin niðurlægjandi .  Fyrir sannan bardagaíþróttamann er skipulögð keppni bara fúsk og sýnir ekki hinn sanna anda listarinnar.  Sama gildir um t.d. Aikido þar sem keppni er hreinlega bönnuð.   

Nei, Tae Kwon Do er greinilega á hraðri leið ofan í rotþró bardagaíþrótta þar sem Judoið hvílir.

Yfir í léttara hjal.  Það er greinilega að sænska niðurlægingin á Ólympíuleikunum heldur áfram.  Ekki er nóg  með að öllum helstu stjörnum Svíanna hafi gengið illa á leikunum heldur er farið að berja Svíanna líka………..

Berbatov

 Hvað er búlgarska vændiskonan að hugsa eiginlega.  Þetta er alveg fyrir neðan allar hellur.  Náðist á mynd á flugvellinum í Sofia að árita MAN UTD treyju !!!      Getur þetta verið meira móðgandi fyrir okkur spursarana sem erum annars ákaflega ljúfir og geðprúðir menn, hertir af hinnu krónísku höfnunartilfinningu sem fylgir því að vera Spursari.  Man Utd mönnum finnst þetta eflaust rosalega kúl, því að “the big four” klúbbarnir fá orðið að vaða yfir allt og alla í Englandi.

Nú er nóg komið af yfirgangi Man Utd í garð Tottenham.  Þeir, sem eru búnir að væla hálft sumarið að annað lið vilji kaupa leikmann þeirra, hafa svo samband við leikmann Tottenham án samþykkis og svo tilkynnir skoska fyllibyttan í fjölmiðlum að það sé nú barasta tímaspursmál hvenær hann verði keyptur.  Gleymum svo ekki markinu sem Pedro Mendes skoraði á Old Traford sem var dæmt af, enda boltinn bara einum og hálfum meter fyrir innan línuna.  Ég hef meiraaðsegja hitt Man Utd steikur sem hafa sko fullyrt við Keizarann að boltinn “hafi sko ekki allur farið yfir línuna”.    Nei, þetta er yfirgangur og ekkert annað, runnið undan rifjum rauðhærða skotans.   

Skil Berbatov kannski að einu leyti.  Það væri nú kannski gott að eiga Man Utd treyju á heimilinu, enda þarf alltaf góðar tuskur til að þrífa sturtubotninn af og til.

Mig langar nú helst til að fara til Berbatovs, þykjast vilja eiginhandaráritun en svo þegar hann byrjar að skrifa þá lem ég hann endurtekið í ennið með snusdós.  Og þá meina ég endurtekið.

 

Annars veit ég alveg hvað ég myndi gera við Berbatov.  Setja á hann svona GPS-belti svona eins og gert er við fangana.  Svo verður hann settur í lyftingaprógrammið sem Ceres 4 samdi fyrir Þróttarana þegar Atli Eðvalds var að þjálfa þá.  Og ef hann fær að koma á White Hart Lane á leikdegi, þá verður það eingöngu til að afgreiða pulsur í sjoppunni í hálfleik. 

Og Man Utd, vonandi selja þeir hann til allra annarra liða en þeirra.  Mér er alveg sama hvað við fáum lítið fyrir hann………….