Leikir helgarinnar og “Pre-emptive strike kenningin”

Bráðum er komin helgi.  Keizarinn hefur því miður verið veikur síðari hluta vikunnar en með nýrri helgi get ég vonandi sett þessa asnalegu helgi á bakvið mig.  Hinsvegar er náttúrulega ný umferð í Bundesligunni sem hægt er að fara að hlakka til.
Sjálfur ætla ég mér að horfa á laugardagsleikinn á Bay Arena þegar FC Bayern heiðrar smámennin í Bayer Leverkusen með nærveru sinni.  Bayer er reyndar með nokkuð sterkt lið en hafa ekki alveg verið að ná öllu út úr liðinu sínu og hafa glímt við ýmiskonar innanhúsvandamál.  Stærsta innanhúsvandamálið hefur auðvitað verið sjálfur Michael Ballack sem einhvernveginn hefur ekki átt þetta come-back sem hann vonaðist eftir.  Þjálfarinn Robin Dutt sem náði feiknaárangri með hið litla lið Freburg í fyrra hefur átt í vandræðum með að finna balansinn í leikmannahópnum og mikilvægir leikmenn hafa ekki náð sér á strik eins og t.d.   Simon Rolfes.  En Bayer er hinsvegar alltaf erfiður andstæðingur.

En Bayer er að glíma við meiðsli.  Ahhh, þessir vináttulandsleikir. Já,  það voru nefnilega vináttulandsleikir í vikunni.  Alerlega tilgangslausir vináttulandsleikir nema kannski fyrir það að leikmenn geta hist og matið keðjurnar sínar og skipst á Spotify-listum.  En ég er búinn að komast að því hvernig maður getur notfært sér vináttulandsleiki.  Og ég sé að Rummenigge er strax búinn að þjófstarta  á “Pre-emptive strike” kenningu Keizarans.  Hver er hún eiginlega ?

Jú, eftir landsleikjarununa þá er það nú þannig að Andre Schürrle, Vedran Korluka og Derdiyok, allir leikmenn Bayer Leverkusen meiddust smávægilega í landsleikjunum í vikunni.  Og munu ekki leika á móti FC Bayern á laugardaginn.

Leyfið mér að útskýra hina Keizaralegu kenningu : “The pre-emptive strike – solving international football”.

Þetta er alger snilld.  Í raun má heimfæra þetta uppá herspeki SunTzu sem var sko alveg næstum því jafn klár maður og Keizarinn.  En hann var reyndar aldrei Keizari.  Bara ráðgjafi.
En kenningin gengur nefnilega útá eftirfarandi :  Pre-emptive strike gengur út á það að í staðinn fyrir að eiga yfir höfði sér árás sterkari manns þá ræðst þú á hann á undan.  Þessu á hann ekki von á og sérstaklega þegar árásin hefst áður en að keppnin milli þín og hans byrjar.  Þannig neutraliserar þú andstæðinginn í raun áður en keppnin byrjar.

Dæmi.  Það er að koma EM í sumar.  Ef þú leikur mjög gróft á bestu leikmenn andstæðinganna í sjálfri keppninni þá færðu náttúrulega þína refsingu þannig að það gengur ekki upp.  En er til önnur leið.  Ójú.   Neutralisera mennina þegar þeir eru berskjaldaðir í einhverjum ómikilvægum deildarleik með félagsliðum sínum stuttu fyrir EM.  Búmm.  Ein tækling frá Slobodan og þeir geta ekki leikið næsta mánuðinn, sem svo óheppilega vill til að er akkurat fyrir EM.  Schnilld eða hvað.

Önnur útfærsla á “Pre-emptive strike” er “The intra-operative pre-emptive strike”.  Það felur í sér að plokka út mikilvæga menn fyrir mikilvægan atburð.  T.d. í framlengingunni þar sem allt stefnir í vítakeppni.  Það eru 10mínútur eftir.  Þá reynir þú að smámeiða mögulegar vítaskyttur í hinu liðinu og svo maður þurfi nú ekki að tala um hvernig maður geti keyrt inn í markmanninn hjá andstæðingunum, t.d. uppúr saklausu horni (sorrí, maður ég var að fara í boltann)……
Það þarf reyndar ekki að meiða neina Englendinga.  Þeir geta ekkert hvort eð er.  Aðal umræðuefnið um landsleikinn England-Holland?   .  Vitiði hver hún var ?   :  Að Steven Gerrard var fyrstur til að óska Scott Parker til hamingju með að vera fyrirliði Englands.  Þarf virkilega að hafa áhyggjur af svona liði ?

Landsleikirnir og næsta EM

Ég er búinn að endurvekja áhuga minn á EM, næsta sumar.  Bæði vegna þess að þá hefur maður eitthvað til að horfa á í sumar och svo vegna þess að þetta verður einfaldlega aðeins of mikil epík.  Þjóðverjarnir verða bara að vinna þetta.  “It is the destiny” eins og maður segir. 

En ástæðan fyrir því að ég er að tala um þetta er að útsláttarkeppnin var að klárast.  ÉG verð að játa það að þetta er einhver leiðinlegasta útsláttarkeppni sem ég man eftir síðan þessi snilldarlega hugmynd fæddist.  Sem er synd, þar sem þetta bíður uppá alveg ótrúlega dramatík.  Þið verðið að játa það að hugmyndin er alveg frábær.  Aukakeppni liða um nokkur laus sæti.  Tveir leikir, heima og heiman, allt eða ekkert. 

En hverjir voru að keppa núna.  Förum aðeins yfir þetta.   

Írland-Lettland.
OK, Írar fara ekki í taugarnar á neinum.  Nema kannski keizaranum sem man óljóst eftir því að Írland fór í taugarnar á mér á einhverjum tímapunkti.  Man reyndar ekki útafhverju sem er auðvitað aukaatriði. 

Það eru alltof mörg ár síðan Írarnir voru að keppa á EM 1988 en það er einmitt liðið sem flestir tengja sig við.  Pat Bonner í markinu, Paul McGrath fullur eða hálfþunnur í hafsentinum með luralega Arsenalmanninn David O’Leary sér til hjálpar.  Á miðjunni Ray Houghton og Ronnie Whelan og svo John Aldrige frammi. 

En núna ?  Þeir eru með eldgamlan, hálfdement Ítala sem þjálfara, mann sem líkist Downsara sem hleypur upp og niður kantinn, sennilega það sama og Downsarinn myndi gera, non stop, og svo mann sem líkist garðálfi sem er frammi. 
En þetta virkar.  Írarnir voru nálægt því að tryggja sig inn í EM úr riðlinum en misstu naumlega af því.   En Lettland ?   Vill einhver í alvöru fá Lettland til að eyðileggja úrslitakeppni EM ?  Er ekki nóg að sjá þá klæðandi sig í asnaleg föt og láta eins og fífl í Eurovision, ár eftir ár ?     Nei, auðvitað ekki.  Og Írarnir tóku þetta auðvitað.  Fá smávegis “feel-good faktor” inn í keppnina.  Svipað og Danirnir koma alltaf með.  Öruggur sigur Íra.    

Króatía – Tyrkland
Fyrirfram mest spennandi leikurinn.  Og hvað vill maður meira, tvær hálfgerðar villimannaþjóðir sem eru að leika leik upp á allt ?    Getur maður beðið um meira ?
  
Og svo kemur alger antiklimax.  Keizarinn horfði nefnilega á fyrri leik þessarra liða í Tyrklandi.    Ójá.    Sigur Króatíu 3-0 í Tyrklandi.  Króatarnir voru frábærir, Tyrkirnir voru ótrúlega lélegir. Voru ekki einu sinni grófir, sem ég hélt nú að Tyrkirnir gætu alltaf.   ÉG varð hugsi.  Er Guus Hiddink félagsliðaþjálfari eða landsliðsþjálfari?  Það kom nokkuð vel í ljós í þessum leik.  Og mér varð hugsað til annars.  Besti árangur hans sem landsliðsþjálfari ?  Jú, Suður-Kórea.  Og hvernig var það ?  Jú, 6mánaða þjálfunarbúðir fyrir HM.  Semsagt félagsliðaþjálfari. 

En Slavko Bilic er töff. Hann má eiga það.    Var í ferhyrningnum sínum, standandi allan leikinn í jakkafötum og með svarta húfu sem er reyndar ekki ósvipuð og Keizarinn á, enda er Bilic þekktur fyrir svalleika.    Í fyrri hálfleik stundaði hann það að ná alltaf boltanum þegar hann fór í innkast nálægt honum og svo eftir svolitla bið þá rétti hann einhverjum pirruðum Tyrkja boltann.  Ef ég þekki hann rétt þá fengu nokkur ljót komment að fylgja með, alveg ókeypis.    Svo kom fjórði dómarinn til hans og hann var auðvitað hinn viðkunnalegasti og þeir ræddu saman.  Svo hætti hann þessu í stutta stund.     En auðvitað byrjaði hann á þessu í seinni hálfleik, melurinn. 
 
En Króatarnir eru sterkir, það er augljóst.  Þeir eru langsterkasta liðið í þessarri lélegu útsláttarkeppni.  En hrikalega voru Tyrkirnir lélegir.  Þeir voru eins og lið sem er ekki með neitt plan.  Það er aldrei gott að vera ekki með plan.  

Bosnia-Herzegovina -  Portúgal
Fyrirfram nokkuð erfitt að spá.  Portúgal hefur þetta almennt hypaða lið, aðallega vegna þess að þeir hafa þrjá leikmenn.  Ronaldo (eða skal ég kalla hann CR7 ?), Pepe  og svo Nani sem allar bullurnar á Players halda með af því að hann leikur með Man Utd. 

En Bosnía eru álíka taugaveiklaðir og Portúgalir.  Það var það sem gerði þessa viðureign skemmtilega.  Hún gat farið allavega.  Bosnía hefur verið að styrkjast undanfarin ár og eru orðnir sterkari núna.  Reyndar er soldið fyndið að þeir virðast fá meiri respekt núna aðallega vegna þess að alþýðufólkið sem  fylgist illa með heimsfótboltanum og horfa aðallega á ensku deildina vita núna að Edin Dzeko er ágætis framherji.   

En þeir klúðruðu þessu á heimavelli, Bosníumennirnir, í fyrri leiknum.   Í Sarajevo án serbnesku leyniskyttanna.  Þar hefðu þeir getað náð draumafæri.  Lélegur völlur, bullustemning á pöllunum  og svo framvegis.  En þetta fór jafntefli.  Og  Portúgalirnir áttu heimaleikinn eftir sem þeir auðvitað unnu. 
En eftir smávegis umhugsun var þetta fínt.  Ég vil meira af þjóðum eins og Portúgal inn í úrslitakeppni EM.  Þjóðverjarnir vinna þá nefnilega alltaf. 

Tékkland – Svartfjallaland
Gerið ekki sömu mistök og Keizarinn þegar hann hugsaði um þennan leik í fyrsta skipti.  Þegar maður hugsar um Tékkland þá hugsar maður óhjákvæmilega um Tékkland á EM 1996 á Englandi, sem bæþevei Þýskaland vann. 
Tékkland er ekki jafn sterkt og þá.  En þeir hafa ennþá sæmilegt lið.  Nógu lélegt til að vinna Svartfjallaland sem er ennþá bara ennþá eins og léleg fölskuð útgáfa af raunverulegu myndinni, þ.e. Serbíu.

Þannig að ef við gerum þetta upp þá eru nú öll plássin fyllt.  Nánari umfjöllun kemur síðar og það verður dregið í riðla 2des.   Króatarnir eiga tvímælalaust erindi á úrslitakeppnina en Tékkland, Írland og Portúgal eru smáfiskar í tjörn risa, risa, risastóra fisksins.  Þið vitið hver hann er.

Bundesligan – 2umferð

Jæja.  Þá kemur smávegis pistill um umferð 2 í Bundesligunni.  Var smávegis tíma að jafna mig eftir tap Bayern á móti Moenchengladbach.  Andskotans ókurteisi að eyðileggja svona opnunarleikinn hjá okkur en þetta kemur.  En nú er ég búinn að ná mér aftur. 
Bundesligan fer vel af stað og það voru athyglisverðir leikir í umferðinni…..

Schalke-Köln  5-1
Tvö lið sem fóru illa útúr umferð 1.  Schalke tapaði fyrir VFB Stuttgart 3-0 og það var sko ekki byrjunin sem Ralf Rangnick og félagar höfðu reiknað með.  Reyndar er Stuttgart alltaf jafn óútreiknanlegt og geta dottið í svona leiki þrátt fyrir að vera ekki með neitt sérstakt lið.  Köln má hinsvegar ekki við miklu, réðu norska steik sem þjálfara sem gerði sem fyrsta verk að skipta um fyrirliða.  Já, kannski ekkert sérstaklega mikið mál en það er stórmál í Köln þar sem þessi fyrirliði hét Lukas Podolski.  Svo töpuðu þeir illa fyrir Wolfsburg 3-0 í fyrstu umferðinni.  En þetta byrjaði vel, Prinz Poldi kom Köln yfir í fyrri hálfleik.  En svo keyrði Schalke yfir þá.  Gerðu fjögur mörk á 17mínútum.  Klas Jan Huntelaar gerði þrennu, Raul “Raul-aði” inn einu marki og Lewis Holtby, aðalmaður Mainz 05 í fyrra gerði fimmta markið.  Já, maður gleymir stundum Schalke 04.  Þeir eiga eftir að verða sterkir.   

Wolfsburg – Bayern Munchen 0-1
Stórleikur.  Felix Magath er náttúrulega við stjórnvölinn hjá Wolfsburg og það var alveg vitað að Wolfsburg kæmi agressíft og þétt inn í þennan leik.  Því miður fyrir Bayern þá tapaðist opnunarleikurinn við Gladbach alveg ótrúlega óvænt, það sem gerði það enn verra var að Manuel Neuer átti eiginlega sök á markinu.  Þannig að þessi leikur varð að vinnast.  Og hann vannst.  Þetta er reyndar alveg ótrúlega týpískur Bayern sigur og eitt af því sem gerir það að verkum að Bayern er hatað í Þýskalandi.  Wolfsburg voru síst verri aðilinn í leiknum og gerðu meiraaðsegja mark í fyrri hálfleik sem var dæmt af.  Alveg fyllilega löglegt mark fannst meiraaðsegja mér, og Felix Magath fékk næstum því heilablóðfall á bekknum yfir þessu öllu saman.  Og svo, á 90mínútu þá skorar Luis Gustavo.  Eins svekkjandi fyrir Wolfsburg og hugsast getur.  En mjög mikilvægur sigur fyrir Bayern til að aflétta smávegis pressu. 

Hoffenheim-Dortmund 1-0
Hoffenheim er soldið eins og Stuttgart.  Það ber alltaf að óttast þá, sérstaklega á heimavelli.  Svo geta þeir leikið næsta leik og tapað fyrir t.d. Kaiserlautern.  En þeir eru reyndar komnir með stálþjálfara, gamla St Pauli þjálfarann þannig að þeir verða sterkir í ár.  Dortmund leik stórkostlegan fótbolta á móti Hamburg og eru hæpaðir í drasl.  Hinsvegar var Hoffenheim eina liðið sem tapaði hvorugum leiknum á móti Dortmund í fyrra.   Og í þessum leik funkeraði ekki leikur Dortmund.  Eina mark leiksins gerði Sejad Salihovic beint úr aukaspyrnu sem var stórglæsilegt. 

Freiburg-Mainz 05  1-2
Tvö lið sem komu á óvart í fyrra.  Mainz vann fyrstu 7 leikina í fyrra en gaf svo eftir.  Þeir hafa svo reyndar misst driffjöðrina úr leik sínum, Lewis Holtby til Schalke 04 þannig að ég reiknaði ekki með þeim sterkum í ár.  Freiburg kom líka á óvart í fyrra en þeir misstu hinsvegar þjálfara sinn til Leverkusen.  Þannig að ég reikna ekki með þessum tveimur liðum eins sterkum og í fyrra.  En Mainz er að byrja drulluvel.  Þeir unnu þennan leik sannfærandi og gleymum ekki að þeir unnu Leverkusen í fyrstu umferð.  Þetta er því topplið deildarinnar eins og er.  Eins og er. 

Hamburg 2-Hertha Berlin 2
Hertha eru nýliðar en eru búnir að styrkja sig verulega, m.a. með Bayern-markmanninum Thomas Kraft.  Þeir töpuðu í blálokinn í fyrstu umferðinni og þurftu því að ná í stig.  Hamburg tapaði hinsvegar á niðurlægjandi hátt fyrir Dortmund í opnunarleiknum.  Þetta var opinn og skemmtilegur leikur þar sem Hertha jafnaði í blálokin og náði þarmeð í sitt fyrsta stig í Bundesligunni.  Gaman að því.  Berlín verður nú að fá að vera með lið í efstu deild, eða hvað ?

Hannover – Nurnberg 2-1
Hannover lenti í fjórða sæti í fyrra.  Merkilegt og þeir eru meiraaðsegja að fara að keppa í Meistaradeildinni í vikunni og mæta þar Sevilla.  Þeir halda áfram að leika sinn furðulega, villta sóknarbolta sem byggist einfaldlega á því að þegar þeir sækja, þá reyna þeir að komast að marki andstæðinganna.  Hljómar einfalt en þið ættuð að sjá þá þegar þeir kontra.  Þeir unnu hér fremur auðveldan sigur með mörkum  Mohammed Abdellaoue og Konstantin Rausch, Thomas Pekhart minnkaði muninn í lokin.

Borussia Moenghengladbach – Stuttgart 1-1  
Ég nenni varla að tala um Gladbach.  Jú, þeir unnu Bayern á Allianz og það var voða flott og svona.  Stuttgart hafði einnig unnið sinn leik í fyrri umferðinni.  Þau gerðu jafntefli 1-1 í fremur tilþrifalitlum leik og þannig eru bæði liðin taplaus eftir tvær umferðir og eru liðin í þriðja og fjórða sæti deildarinnar.  Filip Daems kom Gladbach yfir en hinn sívinsæli og skapgóði ÞjóðverjaBrasilíumaður, Cacau jafnaði fyrir Stuttgart.

Leverkusen – Bremen 1-0
Robin Dutt, fyrrverandi þjálfari Freiburg er tekinn við Leverkusen eftir að Jupp Heynckes fór heim til Bayern.  Leverkusen hefur ekkert gengið neitt sérstaklega vel á undirbúningstímabilinu og þjálfaranum gengur illa að láta Simon Rolfes og Michael Ballack spila saman á miðjunni.  Aumingja Ballack.  Þegar Leverkusen keppti við neðrideildarlið í bikarnum um daginn þá byrjaði Rolfes inná.  Í hálfleik var staðan 3-0 fyrir Leverkusen og þá skipti hann Ballack inná þar sem hann er algerlega sannfærður um það að þeir geti ekki verið inná á saman tíma.  Og hvað gerðist ?  Jú, þeir töpuðu leiknum 3-4 og duttu niðurlægjandi út úr bikarnum.  Og hvað gerðist í þessum leik.  Jú.  Leverkusen sótti og sótti og sótti.  En Bremen hafði parkerað rútunni í vítateignum þar sem Per Mertesacker var í hlutverki dyravarðarins af mikilli hörku.  Sparkaði í lappir, skallaði í hausa og stjórnaði vörninni af mikilli hörku.  Einmitt.  Þetta er leikmaðurinn sem Arsene Wenger getur ekki notað hjá Arsenal.  Hann myndi sennilega skemma “afrísku vængjahurðina”.  Koma inn með “of mikla hörku”.  En allavega.  Ballack var skipt útaf þegar kortér var eftir.  Og hver kemur inná nema Simon Rolfes.  Og þá skoraði Leverkusen.  Og hver lagði upp markið ?  Jú, Simon Rolfes.  Já, aumingja Ballack !!
  
Kaiserslautern – Augsburg 1-1
Ég verð að játa að mér finnst soldið sætt að hafa Augsburg í deildinni.  En þeir eru nýliðar og munu ekki eiga mikinn séns, held ég.  Núna mættu þeir liðinu sem ég held að sé ennþá lélegra en Augsburg, nefnilega Kaiserslautern sem ég held að fari beint norður og niður.  En Augsburg, sem náði jafntefli í fyrstu umferðinni gegn Freiburg, gerðu aftur jafntefli í þessum leik.  

Þannig er það.  Tvö lið hafa unnið báða sína leiki, þ.e. Mainz 05 og Hannover 96.  Enn er nokkuð óljóst og nokkur óvænt úrslit.  Ég kem með skýrslu um umferð 3.

Undanúrslitin í Bikarnum – BÍ

Auðvitað höfðu KR-ingarnir þetta á móti þessum Ísfirðingum.  En fyrirfram var ég nokkuð stressaður fyrir þennan leik.  Þetta er svona Rocky-situation.  Lið frá Bolungarvík eða Ísafirði eða Guð veit hvað, KR er að koma í bæinn og það er veisla.  Stútfullur völlur og heimaliðið hefur engu að tapa.   Og svo eru þeir auðvitað með G.Þórðarsson.  Menn geta haft sínar skoðanir á Gauja Þórðar en auðvitað vitum við það að hann er einn besti þjálfari sem við höfum haft.  Hann hefur þetta extra. Og sérstaklega skeinuhættur í mótiveringu fyrir leiki. 

Þessvegna var hann svona góður landsliðsþjálfari.   En spurningin er bara hvort Guðjón sé búinn?  Er hann týpan sem keyrir niður Laugaveginn og öskrar útum bílgluggan – Veistu ekki hver ég var ?

En annars var ég að kíkja á þetta BÍ lið og verð eiginlega að segja að ég skil þetta ekki alveg.  Nú á tímum kreppunnar þá kemur upp lið eins og BÍ sem vinnur sig upp í 1.deild.  Og þeir eru að reyna að taka Leiftur á þetta.  Vandamálið er bara að Leiftur komst upp í úrvalsdeild og svo keyrðu þeir inn peningana.  En BÍ er búið að sanka að sér þvílíku liði að það sér í sjálfu sér ekkert merkilegt að þeir séu að “halda sér í deildinni” og svo séu þeir komnir í undanúrslitin í Bikarnum. 

Ég kíkti nefnilega aðeins á hópinn þeirra.  Þeir segja reyndar að það sé erfitt að fá Íslendinga til að koma og spila hjá þeim.  Það má vel vera.   Ég rakst reyndar á ansi skemmtilega umfjöllun um þetta á heimasíðunni hjá þeim þar sem þeir fjalla um þetta.  Algengasta svarið var að “konan vill ekki koma”.  Það kom meiraaðsegja upp sú hugmynd á stjórnarfundi að það yrði auðveldara fyrir þá að hringja beint í konuna til að spara tíma.  Það fannst mér nokkur góður húmor.  Þetta eru reyndar sömu rökin og Eyjamenn hafa oft haldið fram. 

En kíkjum aðeins á liðið hjá þessum svokölluðu Ísfirðingum. 
Markmaður hjá þeim er Þórður Ingason sem ég man að var einu sinni markmaður hjá KR, reyndar varamarkvörður.  Að upplagi minnir mig að hann sé Valsari. 

Í vörninni Michael Abnett frá Crystal Palace (liðið sem Puff Daddy var einu sinni að spá í að fjárfesta í þar til að honum var sagt að þetta væri í raun engin kristalshöll..), Hafþór Agnarsson, Luic Ondo (sem er víst á láni frá Grindavík og er bróðir hins Ondoins sem spilaði sem senter og skoraði eins og vændiskona fyrir Grindavík á síðasta ári) og Svo Atli Guðjónsson.  Jú, hvers son er hann?  Nákvæmlega.  En hann verður að fá það frá mér að hver er ekki  hræddur við son Guðjóns Þórðarssonar sem er þaraðauki varnarmaður og búinn að fá sér kúrs við morgunverðarborðið í því hvernig maður slátri viðkvæmum sóknarmönnum ?   Reyndar skilst mér að hafi vantað aðal varnarmanninn í BÍ í leiknum á móti KR.  Og heitir hann útlensku nafni ?  Jú, hann heitir nefnilega Zoran Stamenic.  Ekki mikið ísfirskt við það.  

Og svo er það miðjan.  Þar leika Colin Marshall (Skoti sem hefur unnið sér það inn helst til frægðar að hafa verið á samningi hjá Aston Villa í 2ár)  og Nicholas Deverdics(sem kemur upphaflega frá Newcastle)  Reyndar léku með þeim á miðjunni  þeir Sigurgeir Gíslason og my personal favorite, hann Gunnar Elíasson.  Þessi Gunnar virðist vera einhversskonar herra Ísafjörður.  Leikur með aðalfótboltaliðinu og svo er hann sonur bæjarstórans á Ísafirði.  Gengur meiraaðsegja undir nafninu “Mr Wonderboy” á Ísafirði.  Maður veit varla hvort maður eigi að hlægja eða gráta yfir því.  En þetta er alveg örugglega enginn gaur sem þú messar við á djamminu á Ísafirði og alveg pottþétt búinn að negla báðar flottu gellurnar í bænum.  Og svo fær hann alveg pottþétt feita dyravarðarhendi á smettið þegar hann reynir að komast í VIP-raðirnar í 101. 

Frammi leika svo þeir Kevin Brown (kemur frá Raith Rovers í Skotlandi og hefur víst unnið sér helst til frægðar að spyrja hvort hann gæti keyrt bíl til Íslands) og gaur sem heitir fullu nafni Oluwatomiwo Ameobi.  Það urðu allir dauðfegnir þegar hann sagðist reyndar vera kallaður Tomi.   

En látum þetta gott heita um Ísfirðingana.   En eru fleiri en ég búnir að fá leið á viðtölunum við Guðjón Þórðarson.  Alltaf þetta “jú, kannski fer ég að taka við stóru liði,,,,  “það er alltaf verið að hringja í mig og svona”.   

Hverjir eru eiginlega að hringja í Guðjón ??

Bundesligan

Það er orðið langt síðan að ég hef fjallað almennilega um Bundesliguna og hef ég hugsað mér að bæta úr því.  Það var leikin heil umferð í deildinni um síðustu helgi en nú um helgina eru bara einhverjir ómerkilegir landsleikir sem enginn hefur áhuga á.  Þessvegna ákvað ég að henda inn pistli um síðustu umferð sem var mjög skemmtileg.    Mjög athyglisverð staða að koma upp bæði hvað varðar botnbaráttu og einnig toppbaráttuna þrátt fyrir að Dortmund hafi tekist að slíta sig frá hinum liðunum.  Hérna koma leikirnir um smá pælingar um þá.

Borussia Moenchengladbach – Kaiserslautern  0 -1
Fallbaráttuslagur af bestu gerð.  Í Þýskalandi eru alltaf svona föstudagsleikir sem er alger snilld til að koma sér í gírinn fyrir helgina.  Kaiserslautern vann þarna góðan útisigur og það virðist nokkuð ljóst að forna stórveldið Gladbach muni falla í ár.  En Kaiserslautern eru komnir í nokkuð notalega stöðu með þessum sigri.  Það var sjálfsmark belgíska landsliðsmarkmannsins Logan Bailly sem gerði út um leikinn  þegar hann sló hornspyrnu inn sjálfur.  Hann er sennilega enginn Jean-Marie Pfaff….

Borussia Dortmund – Mainz 1-1
Dortmund heldur áram að tapa stigum, meiraaðsegja á heimavelli.  Þeir tóku nú á móti hinu vinnusama og skipulagða liði Mainz sem er í 4sæti fyrir fullum velli, 80þúsund manns.  Hafsentinn frábæri Mats Hummels kom þeim yfir snemma leiks og svo fengu þeir víti stuttu seinna sem Nuri Sahin (á hann ekki einmitt að vera svo frábær..)  misnotaði.  Mainz náði hinsvegar  að jafna á 88mínútu með frekar umdeiltu marki Peter Sliskovic.  Þetta byrjaði alltsaman með því að Dortmundhafsentinn serbneski,  Neven Subotic lá á vellinum eftir samstuð.  Mainz hélt áfram að spila og á endanum fær Sliskovic boltann og skorar við vægast sagt lítinn fögnuð heimamanna.  En þetta þýðir semsagt að Leverkusen er búið að minnka muninn í 7stig á toppnum og allt getur gerst.  Dortmund er farið að tapa stigum frekar oft síðustu daga og spurning hvort þeir séu aðeins farnir að stressast….

Freiburg – Munchen 1-2
Alger lykilleikur fyrir Bayern.  Leikinn horfði ég á og það er ekki hægt að segja að þeir hafi verið að leika neitt frábærlega í þessum leik.  Freiburg eru hinsvegar með ágætislið, og þaraðauki á heimavelli. Bayern komust yfir með enn einu markinu frá Mario Gomez en Freiburg náði að jafna stuttu seinna.  Í lokin fór svo Bayern að pressa allverulega og svo náði Franck Ribery að gera sigurmarkið, 2mín fyrir leikslok og mjöööööög mikilvægur sigur, ekki síst mentalt.  Eitt athyglisvert kom fyrir þegar ég var að horfa á þennan leik.  Miroslav Klose fékk loksins að koma inná.  Og þvílíkur leikmaður.  Elegant touchar, hlaup inn fyrir vörnina…   Af hverju hefur þessi maður ekkert verið notaður ?  Svar :  Van Gaal vill bara leika með einn framherja.  Flott.
Nürnberg-Bremen 1-3
Mjög athyglisverður leikur.  Nürnberg hefur undanfarið verið formsterkasta lið Bundesligunnar og ekki tapað átta leikjum í röð þar til í þessum leik.  Mjög mikilvægur sigur Bremen sem virðast loksins hafa séð töfluna og áttað sig á alvarleika málsins.  Sandro Wagner átti enn einn stórleikinn, skoraði tvö mörk og bæði úr vítum.  En það þarf víst að nýta þau líka.   Með sigrinum hafa Bremen híft sig alla leið uppí tólfta sæti og eru að verða seif en Nürnberg lúrir 3stigum á eftir Mainz, sem eru í síðasta Evrópusætinu.

Hannover Hoffenhem 2-0 i

Hannover heldur sigurgöngunni áfram.  Einhvern veginn læddist að mér sá grunur að Hoffenheim myndi kannski stríða þeim aðeins í þessum leik en þeir gerðu engin mistök.  Framherjaparið Didier Ya Konan og Mohammed Abdellaoue gerði hvor sitt markið og Hannover gefur ekkert eftir í toppbaráttunni og sitja sem fastast í þriðja sæti.

Hamburg  Köln  6-2
Alveg merkilega óstabíl lið bæði tvö.  Hamburg hefur reyndar valdið mér vonbrigðum eins og fyrri ár.  Þeir ætla sér alltaf stóra hluti, eru með ágætis lið en svo einhvernveginn hrynur allt frá fyrstu umferð.  Og óstabílir eru þeir.  Þeir töpuðu viku áður, 6-0 á móti Bayern Munchen en vinna svo 6-2 í þessum leik.  En Köln er svipað óstabílt.  Góðir á heimavelli, lélegir á útivelli.  Þeir áttu ekki glætu í þessum leik.  Þrátt fyrir að Prinz Poldi næði að pota inn einu….
En bæði lið sigla lygnan sjó um miðja deild.  Eins og venjulega.

Frankfurt St Pauli2-1
Alger lykilleikur í fallbaráttunni.  Bæði lið byrjuðu Bundesliguna nokkuð vel en hafa bæði verið á alveg hræðilegu runni undanfarið.  Það fór svo að Frankfurt vann þennan leik með tveimur mörkum frá grísku markavélinni Theofanis Gekas.  En greyið hann Skippe.  Hann var svo rekinn eftir þennan leik þrátt fyrir sigurinn.

Leverkusen – Schalke  2-0
þetta var sunnudagsleikurinn.  Leverkusen gátu náttúrulega séð Dortmund daginn áður missa annan leikinn í röð niður í jafntefli þannig að með sigri gátu þeir minnkað muninn niður í 7stig.  Og Schalke 04 reynidist ekkert mál fyrir þá.  Þeir kláruðu leikinn í fyrri hálfleik með mörkum frá Erin Derdiyok og sjálfsmarki frá Christoph Metzelder sem reyndar hefur verið að leika vel undanfarið fyrir shalke.  Ralph Rangnick tekru við lið sem er í úrslitum þýska bikarsins, átta liða úrslitum meistaradeildarinnar en eru líka 5 stigum frá fallsæti.  Og það súrrealískasta í þessu öllu saman er hvað Manuel Neuer er búinn að brillera í vetur.   En það var alveg týpískt fyrir þennan leik að Leverkusen slátraði Schalke 04.  Og eru nú komnir aðeins 7stigum frá Dortmund sem eru farnir að hiksta.

Stuttgart – Wolfsburg  1-1
Hinn sunnudagsleikurinn.  Það segir allt sem segja þarf að í umfjöllun vísis um leikinn var talað um tvö lið sem væru mjög óvænt í fallbaráttunni.  Jú, það er vissulega óvænt að Wolfsburg sé í fallbaráttu en fyrir þá sem hafa fylgst með Bundesligunni undanfarin ár ( ekki bara þegar Ásgeir Sigurvinsson lék með Stuttgart) þá kemur þetta ekkert á óvart.  Amatörar.
En Wolfsburg mættu vel mótiveraðir í leikinn, enda loksins búnir að fá alvöru þjálfara í klefann, Felix Magath.  Já, sjarmatröllið Felix er kominn aftur á gamlar slóðir eftir að hafa gert Wolfsburg að meisturum árið 2009.  Og þeir léku vel til að byrja með.  Grafite kom þeim yfir og þeir voru mun betra liðið á Mercedes-Benz Stadion.  En svo gáfu þeir eftir.  Stuttgart jafnaði svo leikinn í blálokinn með marki Georg Niedermeiers.  Gæti ímyndað mér að Felix hafi tautað eitthvað á kantinum þegar þetta gerðist.

 

En njótið vel.  Bráðlega kem ég svo með umfjöllun um þjálfarahringekkjuna í Bundesligunni.

Ekki svo stutt yfirlýsing varðandi leikinn í gær

Hneyksli.  Algert hneyksli.  Aumingjaskapur af hæstu gráðu.  ”Rítingsstunga í gegnum hjartað” var það sem Rummenigge lét hafa eftir sér eftir leikinn.  Alltaf nóg til af dramatískum yfirlýsingum á þeim bænum.

Ég var með slæma tilfinningu fyrir þessum leik sem staðfestist þegar byrjunarliðin voru tilkynnt.  Enn ein roteringin í miðvarðarparinu, núna voru það Breno og van Buyten. Það sér það hver maður að þetta miðvarðarpar er ekki boðlegt hjá liði sem vinnur Meistaradeildina.  Breno er óöruggur og er ekki nógu líkamlega sterkur.  Hann var sendur til Nürnberg á láni allt tímabilið í fyrra og nú á hann alltíeinu að vera í Bayern-klassa ?  Van Buyten er ágætis skallamaður af gamla skólanum en hann er seinn og brýtur klaufalega af sér.  Og svo Pranjic í vinstri bakverðinum ?   Er þetta virkilega vörn sem maður getur treyst?

En að leiknum í gær.  Ég verð að játa það að fyrirfram hvarflaði ekki að mér að Bayern myndu tapa þessum leik. Allianz hefur alltaf reynst happadrjúgur völlur og Bayern var náttúrulega með 1-0 forystu eftir fyrri leikinn.   Svo kemur Etoo Inter yfir sem var ákveðið áhyggjuefni en Bayern náði  að jafna strax sem var akkurat sem þurfti.  Og eftir að Müller kom Bayern yfir 2-1 þá hélt maður að þetta væri komið.  Reyndar sér maður á Müller þegar hann var að fagna markinu að hann hélt líka að þetta væri komið.  Sennilega var það vandamálið.  Og svo óðu Bayern í færum eftir þetta.  Tala nú ekki um Ribery sem komst svo aleinn inn fyrir vörnina, einn á móti markverðinum.  En allt klikkaði.

Og svo gerist sem maður óttaðist.  Smám saman fóru skotbirgðirnar að minnka og Inter kemur á lævísan hátt meira og meira inn í leikinn.  En að fá á sig tvö mörk eftir þetta er bara skandall.  Og að þurfa að horfa uppá einhvern feitan Júgga fara úr bolnum á Allianz og fagna eins og geðsjúklingur var ekkert sem gladdi mitt hjarta, verð ég að segja.  Og bæþevei, þetta þriðja mark kristallaði allt sem ég var að segja varðandi vörnina….

Etoo fær boltann, dekkaður af Breno og maður sér að Breno á ekkert í hann.  Einfaldlega ekki nógu mikill skrokkur.  Etoo losar sig laglega undan honum, gefur á feita Júggann sem skorar.  Hefði hann tekið Thomas Linke svona ?  Eða Per Mertesacker?  Eða Klaus Augenthaler ? Guido Buchwald ?  Jürgen Kohler ?  Ég bara spyr ?  Hefði Etoo Lýsir algeru skorti á hryggsúlu í liðinu.  Ekkert stál.

Það þarf stál í þetta lið.  Það er enginn “Germanskur öxull ” í þessu liði.    Þú tekur ekkert lið eins og Bayern og reynir að gera það að ennþá lélegra liði.  Bayern er ekkert Ajax. Það er bara þannig.  Nú er kominn tími til að byrja að leika Bayern-bolta aftur.  Ég vil sterkan dóminerandi markmann, þétta og stabíla vörn og jafnvel að fara að leika með libero-stöðuna aftur.  Menn hafa verið að treysta alltof mikið á hina frábæru kantmenn okkar svo að miðjuspilið hefur gleymst.  Schweinsteiger getur ekki gert þetta allt einn og hann þarf sterkan polis með sér á miðjunni til að hann geti funkerað.  Fyrir utan það að kantmennirnir okkar eru ekkert að sýna neitt sérstakt þetta tímabil.  Robben er náttúrulega búinn að vera lengi meiddur (takk Hollenska landsliðið..) og Ribery hefur ekki náð sér á strik eftir að hann hætti að hitta frönsku vændiskonuna sem var undir lögaldri.

Ýmsir þurfa að fara.  Ég vil fá þýska leikmenn inn í þetta aftur.  Og van Gaal þarf að hætta NÚNA.

En trúið mér.  Ef ég virka æstur, ímyndið ykkur þá hvernig skapi Uli Höness er í akkurat núna…

Meistaradeildin – 16 liða úrslit

Ég verð að segja það að Meistaradeildin er að spilast ansi skemmtilega. Í fyrra voru þessi 16liða úrslit alveg hundleiðinleg en það eru ansi skemmtilegir leikir núna og síðari leikirnir eru bara nokkuð spennandi. Lítum á viðureignirnar………….

Tottenham – AC Milan  
Hvort sem mönnum líkar það betur eða verr þá er Tottenham óvænti gesturinn í Meistaradeildinni og það lið sem hefur spilað hvað skemmtilegastan boltann. Enda spila þeir enga taktík, sækja bara og vona það besta. Hinsvegar komu þeir á óvart á San Siro. Léku fantabolta, miðjan hélt og eru í alveg hrikalega góðri stöðu fyrir seinni leikinn þar sem þeir eru mjög sterkir heima. Held að Ítalirnir fari á taugum eins og venjulega. Gaman verður að sjá hversu margar sekúndur líði þar til Flamini verði gróðursettur á the Lane. Ætla að leyfa mér að spá Tottenham óvænt áfram en allt getur auðvitað gerst.
Schalke 04 – Valencia
Tvö fræg lið en hafa bæði verið á hálfgerðri lægð undanfarið í deildinni. Schalke gerði vel að ná jafntefli í suðupottinum Mestalla og ef þeir eru svipaðir og í þýsku deildinni þá eru þeir stórhættulegir í Meistaradeildinni. Þeir geta nefnilega gírað sig upp á móti stóru liðunum og eru með mjög frambærilegt lið, sérstaklega eftir að Raul komst í gang. Svo er náttúrulega Felix Magath að þjálfa þá og leikmennirnir vita að það verður lyftingasalurinn sem gildir ef þeir detta úr leik. Schalke verða of erfiðir í Gelschenkirchen fyrir fullu húsi. Spái Schalke áfram.
Barcelona – Arsenal
Úrslitin í fyrri leiknum komu mér mjög á óvart. Veit að E-man er mér ósammála í þessu en mér fannst Barcelona alltaf vera í kontrol í fyrri leiknum þangað til að þeir hreinlega hættu að nenna þessu. Voru of góðir fyrir þetta og fengu skyndilega á sig 2mörk uppúr engu. Það hefur aðeins eitt lið náð að parkera rútunni almennilega á Nou Camp og það var Inter í fyrra undir stjórn varnarsnillingsins Mourinho. Veikleiki Arsenal í þessum viðureignum er að þeir leika ekki enska boltann sem spænsku og ítölsku liðin hata, heldur reyna þeir að leika meginlandsbolta (enda flestir leikmenn liðsins ættaðir annarsstaðar en frá Englandi…..). Það verður að leika hryðjuverkabolta á móti Barcelona, ekki reitabolta. Spái Barcelona áfram og allir halda áfram að dýrka Messi og félaga.
Shakthar Donetsk – AS Roma
Enginn getur tekið Roma í Evrópukeppnum alvarlega eftir 7-0 tapið á móti Man Utd. Það er bara þannig. Og tapa á heimavelli 2-3 er bara too much. En hápunktur þess leiks var þegar rauðhærða steikin rann á rassgatið og gaf mark. Það var einfaldlega of fyndið. Held að ítalirnir muni fíla kuldann álíka mikið og ítalska varnarlínan við Stalingrad hér um árið. Shaktar áfram.
Real Madrid – Lyon
Það sló mig um daginn þegar ég las liðsuppstillingu Real Madrid fyrir þennan leik. Hafiði pælt í liðinu sem Real Madrid er með núna? Þetta er einfaldlega toomuch. Casillas í markinu. Ramos og Abeloa bakverðir ásamt Carvalho og Pepe í miðverðinum. Svo koma tveir djúpir miðjumenn (er einhver að herma eftir þýska landsliðinu…..) Sami Khedira og Alonso. Fyrir framan þá eru De Maria vinstra megin, Ronaldo hægra megin og svo Mezut Özil fyrir aftan strikerinn sem var í þetta sinn Benzema. Og Mourinho að þjálfa… Hvernig getur þetta lið eiginlega tapað fyrir Lyon ? Það eina sem breytt þessu er þetta furðulega tak sem Lyon virðist hafa á Real Madrid. En þetta held ég að breytist núna. Mourinho er maður sem vinnur heimavinnuna sína og verður búinn að lesa Kim Källström og félaga. Real vinnur.

Chelsea – FC Köbenhamn
Jú, það er voðalega sætt að Danirnir séu í Meistaradeildinni en þetta einum of stór biti fyrir þá. Hversu mörg stórlið myndi Jesper Grönkjær komast í núna ? En þetta er voðalega dúllulegt að sjá Danina þarna en því miður er þeirra séns búinn. Tapa 2-0 heima og eiga eftir að fá að fara á Stamford Bridge. Ætli Kaupþingsstúkan standi auð eða eru gaurarnir í skilanefndinni alltaf á vellinum, pæling?

Man Utd – Marseilles
Didier Deschambs er að þjálfa Marseilles og núna er hann orðin einhver voðaleg hetja. Af því að hann er að þjálfa lið sem er að fara að mæta Man Utd. Þetta er dæmigerð fréttamennska sem maður er orðinn vanur að sjá. Upphefja andstæðingana svo að þetta sé alltilagi ef enska liðið tapar. En þeir munu ekki tapa. Fyrri leikurinn var álíka leiðinlegur og stærðfræðitími en Man Utd eiga heimaleikinn eftir. Sem þeir munu vinna. Hver veit nema sköllótti, feiti, ofmetni enski framherjinn með falsaða fæðingarvottorðið geri mark? Maður heyrir væntanlega af því í einhverjum aukafréttatíma á Stöð 2.
Man Utd vinnur.

Bayern Munchen-Inter Milan
Bayern lék vel í Milano og áttu sigurinn svo sannarlega skilinn. Bayern er , eins og ég hafði spáð, að koma sterkari og sterkari inn nú með vorinu. Thomas Kraft lék frábærlega í gær og enn einn taugalausi þýski markvörðurinn er að koma fram. Kannski þarf Neuer ekkert að koma eftir allt saman. Vörnin er leiðinlega mikið spurningamerki í ár en tilkoma Badstuber hefur fært meiri ró yfir varnarleikinn og það að hafa van Buyten á bekknum. Þar á hann best heima. Luis Gustavo átti sinn besta leik í Bayerntreyju, ekki bara að hann stæði sig vel sóknarlega heldur plástraði hann sig svo hrikalega á Sneijder að svei mér þá ég held að Sneijer hafi sett á sig smokk í hálfleik til að vera við öllu búinn. Og nú er sóknin að smella. Það er hrikalega þægilegt að fá á sig Ribery á hægri kanti, Robben á vinstri kanti, Müller í sinni óskilgreindu stöðu einhversstaðar, Gomez frammi og svo maestro Schweinsteiger fyrir aftan allan þennan pakka. Ekki satt ?
En sigurinn var fyllilega sanngjarn. Þetta var svona sýnikennsla í því að “ef þú heldur púða yfir andliti einhvers nógu lengi þá mun hann deyja á endanum”. Markið hlaut að koma. Og það kom.
Það er ekki séns að Bayern tapi á Allianz. Það er bara þannig. Bayern áfram.

Og þar hafiði það. En ég bendi hinsvegar á að þrátt fyrir það að þið vitið núna öll úrslitin þá gætu leikirnir hinsvegar orðið skemmtilegir. Þannig að horfiði endilega á. Þrátt fyrir að þið vitið úrslitin…….

Bundesligan er byrjuð aftur………….

Jæja nú er kominn tími til að Bundesligan byrji aftur.  Að mínu mati hefur Bundesligan sjaldan verið skemmtilegri.  Það hefur verið leikinn brilljant bolti og hlutir hafa þróast í aðra átt en menn áttu von á, sem er alltaf skemmtilegt. Hver hefði annars átt von á því að Borussia Dortmund væri í efsta sæti og að Mainz og Hannover 96 væru á topp fimm ?

Lið haustseasonsins er tvímælalaust Borussia Dortmund.  Þjálfarinn Jürgen Klopp hefur verið að byggja upp frábært, ungt lið sem hefur leikið frábærlega frameftir vetri.  Reyndar hefur aðeins heppnin verið með þeim en þeir hafa verðskuldað forystuna í deildinni.  Nánast allir í liðinu hafa verið að leika vel með feiknarlega hraðan sóknarleik með japanan Kagawa fremstan í flokki.  Annar leikmaður sem hefur heillað mig er serbneski hafsentinn Subotic  og Nuri Sahin.  Það segir ansi mikið um lið Dortmund að þeir eiga 5leikmenn á topp 10 lista Kicker yfir meðaleinkunnagjöf fyrir leiki.

Það lið sem hefur komið næstmest á óvart var einmitt liðið sem fylgdi þeim eftir lengi frameftir, þ.e. lið Mainz.  Þetta lið hefur imponerað mig mikið.  Það er pottþétt enginn sem þú þekkir í þessu liði.  En þeir leika alveg eins og fín liðsheild.  Þeir misstu aðeins dampinn eftir tapið á móti Dortmund en eru engu að síður í öðru sæti.

Bayern er ég nokkuð sáttur við, þó að sumum kunni kannski að finnast það hálf ótrúlegt.  Málið er að lið Bayern átti samtals 13leikmenn sem komust með landsliðum ´sínum allaleið í undanúrslit HM í sumar sem þýðir að það mátti búast við því að menn yrðu annaðhvort meiddir eða hreinlega slakir framyfir jól .  Og það hefur komið í ljós.  Á tímabili voru Bayern með 11menn úr venjulegu byrjunarliði meiidir.  EN þeir hafa verið smámsaman að tína menn til baka og enduðu í fimmta sæti og í raun er ekki langt í annað sætið.  Og það er hefðbundið í Þýskalandi að lið byrja að hökta þegar þau byrja að heyra másið í Bayern á bakvið sig í töflunni.   Og nú eru Robben og Ribery komnir aftur, búið að kaupa Gustavo frá Hoffenheim , van Bommel orðinn heill og allt er að verða diskó.

Liðin sem hafa komið á óvart með það að vera léleg er fof Wolfsburg og náttúrulega Schalke.  Ég skil ekki alveg hvað er vandamálið hjá Schalke, fyrir utan það að vera ekki með neina miðju.  Það er ekki nóg að vera með góða sóknarmenn og góða vörn.  Þú verður að hafa miðjuspil og það hefur Schalke ekki.  Vonandi verður þetta alger katastrófa þannig að Manuel Neuer gefist nú upp á þessu og vilji spila með góðu liði sem vinnur titla eins og Bayern.  Neuerinn er einmitt búinn að leika stórkostlega í vetur og er í öðru sæti á Kickerlistanum yfir bestu leikmenn deildarinnar.   Og svo er það Wolfsburg.  Frábært lið en regnhlífarmaðurinn er ekki alveg að dansa.  Alveg sá ég þetta í fyrsta leik þegar hann setti Zvisomiciv út úr liðinu. Englendingar kunna bara ekkert að þjálfa.  Maður hefði haldið að Þjóðverjar vissu það en kannski fannst þeim þetta bara of fyndin hugmynd . Og svo kórónuðu þeir vitleysuna með því að selja Dzeko til Man City.  Önnur lið sem hefa valdið vonbrigðum er  Hoffenheim sem hefur verið að gera alltilagi hluti en ekkert meira en svo, Hamburg átti ég von á sterkari og Stuttgart er bara í bullinu.

En nú hefst gamanið aftur.

Bundesligan

Í gær var föstudagskvöld og hvað þýðir það ?   Jú, föstudagskvöldsleikurinn í beinni á Eurovision 2.  Úje.   Konan spyr reyndar stundum hvort þetta sé mikilvægur leikur og þá er auðvitað alltaf svarið já.  Kem svo með langan monolog um hvað þýsk knattspyrna sé vanmetin samanborið við þá ensku ogsvoframvegis og þá er þetta yfirleitt komið.

Í gær var reyndar leikurinn frekar athyglisverður.  Hoffenheim – Schalke 04.  .  Hoffenheim hefur byrjað tímabilið  vel eftir frekar lélegt season í fyrra, og unnið fyrstu 2 leikina.  Þeir eru með skemmtilegt lið, leika sína hefðbundnu 4-3-3 og það er venjulega blásið til sóknar frá fyrstu mínútu á heimavellinum.  Þeir mættu sprækir til leiks og nýi leikmaðurinn, Gylfi Þór Sigurðsson var á bekknum.  Hjá Königsblau er hinsvegar ekki eins mikið stuð í gangi.   Þeir hafa byrjað óhemjuilla og ég verð að segja að ég skil ekki alveg hvað Felix Magath er að gera.  Stundum held ég að hann sé að missa það núna. Schalke 04  hefur  keypt og selt alveg gígantískt í sumar og skiptu t.d. algerlega út vörninni sinni og keyptu nýja.  Svo hafa þeir í þessum transferwindow keypt eins og móðursjúk kona í Rúmfatalagernum.  Keyptu Huntelaar, Spánverjan Juando frá Atletico Madrid og svo einhvern frakka til að styrkja vörnina.  Og fyrr í sumar kom náttúrulega Raul.

Leikurinn var mjög hraður og skemmtilegur.  Hoffenheim voru þó ívið sterkari og það virðist sem Schalke 04 hafi ekkert plan, sem er stórfurðulegt þar sem Felix Magath er að þjálfa þá.  Svo virðast þeir af einhverjum ástæðum hafa algerlega gleymt vörninni hjá sér í vetur og reyndir, eldri menn voru seldir.  Hinsvegar átti bara að keyra á ungum mönnum í staðinn undir stjórn Christophs Metzelder sem þeir fengu frítt fyrir seasonið.  Greyið Metzelder.  Hann átti ágætis tímabil hjá Dortmund, er keyptur til Real þar sem hann hvarf.  Kemur svo aftur í Bundesliguna til að endurvekja carrierinn en hann er svo átakanlega hægur að maður hefur á tilfinninngunni að Magath viti ekkert hvað hann eigi að gera við hann.  Hann lét skelfilega í fyrstu tveimur umferðunum og það var búið að færa hann yfir í bakvörð í þessum leik.  Hoffenheim voru greinilega meðvitaðir um hraða hans þannig að þeir sóttu endalaust upp hans kant.  Þessi niðurlæging endaði svo með því að Magath tók hann útaf í hálfleik.   Maður bara spyr sig hversu lengi Manuel Neuer nennir að standa í svona bulli.

En það er annar sem hefur líka átt hræðilega byrjun.  Það er hann Raul.  Ekki veit ég hvað hann er að gera þarna en þessa 2 schalkeleiki sem ég hef séð hef ég varla sé hann.  Þú getur verið svakalegur kóngur í einhverjum minni deildum og kyssa á hringinn þinn og svona en þetta er Bundesligan.  Hann verður nú að fara að sýna eitthvað, finnst mér.  Huntelaar var hinsvegar alveg ágætur en vandamálið var að Hoffenheim réð algerlega miðjunni.

Leikurinn fór 2-0 fyrir Hoffenheim.  Skallamark í fyrri hálfleik þegar tröllið frá Ghana,Isaac Vorsah skoraði með skalla.  Svo bættu þeir við alveg stórkostlegu marki í lokin.  Tekin aukaspyrna, boltinn fer yfir vegginn, í stöngina, í Neuer og þaðan í netið.  Ekkert við Neuer að sakast en fallegt mark engu að síður.    En semsagt frábær skemmtum og verður áhugavert að sjá í framhaldinu hvernig verður með þessi tvö lið.

Leikir dagsins, Japan-Paraguay og Portúgal-Spánn

Sko sjáiði bara hvað maður er duglegur. Pistlar eftir sérhvern leikdag á HM. Því miður frekar litlaus dagur á HM í dag. Smámennin fengu svona sérdag. Fyrst var leikur Japana og Paraguay. Maður verður að viðurkenna að bæði lið eru sterk og dugleg en hafa akkurat ekkert sexappeal. Reyndar hélt ég með Japönunum þannig að ég varð pínu svekktur með úrslitin. En þeir eiga allavega heiður skilinn fyrir að standa fyrir vítaspyrnukeppni. Loksins.

Japanirnir komu mér á óvart á þessu móti. Ég var hrifinn af markverðinum sem var mjög öruggur alla keppnina. Einnig var hafsentinn Tulio mjög góður. Einhvern veginn finnst mér að hann hafi leikið einn af samuræjunum í Tom Cruise myndinni þarna um árið en látum það liggja á milli hluta. Það hvarflar að mér að Asía verði stærsti keppinautur Evrópumanna í framtíðinni en ekki Afríka. Skipulagið, hraðinn, taktíkinn. Sjáiði bara Japan og Suður-Kóreu, þrátt fyrir að þau hafi ekki farið langt í þetta skiptið. Það er víst nóg til af fólki þarna.

Reyndar er alltaf japanska mentalitetið ógeðslega kúl. Landsliðsþjálfarinn, Okada, sem er bæðevei, einhver svalasti landsliðsþjálfari ever, sagði af sér strax eftir leikinn. Hann hafði stefnt á undanúrslitin en náði ekki markmiði sínu. Fyrir hann var þetta einfaldlega of mikill ósigur þannig að hann axlaði ábyrgð sína. Sagði af sér strax eftir leikinn. Fyrir okkur sem hafa kynnt okkur japanskan hugsunarhátt er þetta alveg týpískt. Hann hélt sæmd sinni og hætti. Hversu kúl er þetta eiginlega ? Eiginlega er ég búinn að ofnota þetta orð en fjandinn hafi það, orðið verður að koma. Þetta var nefnilega epískt. Epískt móment.

Síðari leikurinn var “bardaginn um hárgelið”, þ.e. leikur Portúgals og Spánverja. Konan spurði mig fyrir leikinn með hverjum ég héldi og skyndilega átti ég erfitt með að svara. Eftir smávegis umhugsun komst ég að því að ég hata bæði lið en þó kom ég sjálfum mér á óvart með því að hata Spánverjana meira en Portúgalana. Merkilegt.
Sennilega hef ég metið Spánverjana sem meiri ógn í keppninni en Portúgalana.

En ég býst við því að þetta séu ágætis úrslit. Eg er búinn að vera að bíða eftir Spánverjunum alveg síðan að þeir unnu Þjóðverja ósanngjarnt í úrslitaleik Em 2008. Nú verður komið að skuldadögum þ.e. ef Þjóðverjum tekst að vinna Argentínu. Og þá verður ekkert hárgel, handtaska eða vingjarnlegur dómari sem getur bjargað þessum smámennum sem eru meiraaðsegja svo miklar kellingar að þeir blanda vatni út í rauðvínið. Þeir geta kallað þetta sangria eða hvað sem þeir vilja en þetta er ekki karlmannlegt.

En svona í lokin. Hápunktur dagsins er að Keizarinn fjárfesti í Sodastream fyrir heimilið. Og bíðið nú við, ekki þetta venjulega sódastream, heldur nefnilega WASSERMAXX. Þýsk útgáfa af sódastream. Örugglega betra.